देशातील प्राणघातक कोरोना विषाणूची साथ संपवण्यासाठी लसीकरणाची व्यापक मोहीम राबवली जात आहे. आतापर्यंत देशात 100 कोटींहून अधिक डोस देण्यात आले आहेत. हे ध्येय गाठून देशाने इतिहास रचला आहे. या पार्श्वभूमीवर पंतप्रधान नरेंद्र मोदी आज ७ लस उत्पादक कंपन्यांची भेट घेऊन भविष्यातील गरजांबाबत चर्चा करणार आहेत. PM Modi will meet 7 vaccine manufacturers today, future needs will be discussed
विशेष प्रतिनिधी
नवी दिल्ली : देशातील प्राणघातक कोरोना विषाणूची साथ संपवण्यासाठी लसीकरणाची व्यापक मोहीम राबवली जात आहे. आतापर्यंत देशात 100 कोटींहून अधिक डोस देण्यात आले आहेत. हे ध्येय गाठून देशाने इतिहास रचला आहे. या पार्श्वभूमीवर पंतप्रधान नरेंद्र मोदी आज ७ लस उत्पादक कंपन्यांची भेट घेऊन भविष्यातील गरजांबाबत चर्चा करणार आहेत.
पीएम मोदी लस उत्पादकांना भेटणार
पंतप्रधान मोदी संध्याकाळी 7 च्या सुमारास सात लस उत्पादकांना भेटण्याची शक्यता वर्तवण्यात आली आहे. लस उत्पादकांसोबत पंतप्रधान मोदींची ही बैठक देशात लसीचे 100 कोटी डोस देण्याचे ऐतिहासिक लक्ष्य गाठल्यानंतर होत आहे. भारताने २१ ऑक्टोबरला हे लक्ष्य गाठले. भविष्यातील गरजा आणि जगासाठी भारताच्या लसीची भूमिका या विषयावर बैठकीत चर्चा होणार आहे. अधिकृत सूत्रांकडून मिळालेल्या माहितीनुसार, सीरम इन्स्टिट्यूट ऑफ इंडिया, भारत बायोटेक, डॉ. रेड्डीज लॅबोरेटरीज, झायडस कॅडिला, बायोलॉजिकल, ई, जेनोव्हा बायोफार्मा आणि Panacea Biotech उपस्थित राहणार आहेत.
पीएम मोदींनी काल 100 कोटी डोस देण्याच्या या कामगिरीबद्दल देशाला संबोधित केले होते. पंतप्रधान मोदी म्हणाले, “100 कोटी लसीचा डोस हा केवळ आकडा नाही, तर देशाच्या क्षमतेचे प्रतिबिंब आहे. इतिहासाचा नवा अध्याय तयार होत आहे. हे त्या नव्या भारताचे चित्र आहे, ज्याला कठीण उद्दिष्टे कशी ठरवायची आणि ती कशी मिळवायची हे माहीत आहे.
जग भारताला अधिक सुरक्षित मानणार : पंतप्रधान मोदी
पीएम मोदी म्हणाले, “सर्वांना सोबत घेऊन देशाने ‘सबको व्हॅक्सिन- मुफ्त व्हॅक्सिन’ मोहीम सुरू केली. गरीब-श्रीमंत, गाव-शहर एकच मंत्र होता की, जर रोग भेदभाव करत नसेल तर लसीकरण मोहिमेतही व्हीआयपी संस्कृतीचे वर्चस्व राहू नाही याची काळजी घेण्यात आली. भारताने आपल्या नागरिकांना 100 कोटी लसीचे डोस दिले आहेत आणि तेही कोणतेही पैसे न घेता. 100 कोटी लसीच्या डोसचा एक परिणाम असा होईल की, आता भारत कोरोनापासून जास्त सुरक्षित असल्याचे जग मान्य करेल.
PM Modi will meet 7 vaccine manufacturers today, future needs will be discussed
महत्त्वाच्या बातम्या
- विज्ञानाचे डेस्टीनेशन्स : आयफोनला आता थेट सॅटेलाइटचेच कनेक्शन
- सीरियामध्ये अमेरिकेचा पुन्हा हवाई हल्ला, अल कायदाचा मोस्ट वॉन्टेड अब्दुल हामिद ड्रोन हल्ल्यात ठार
- NO BINDI NO BUSINESS: “नो बिंदी नो बिजनेस”! सोशल मीडियावर धुमाकूळ…शेफाली वैद्यंनी ठणकावले-अनेकांनी उठवला आवाज…वाचा सविस्तर
- बिल गेट्स यांनी केले भारताच्या यशाचे केले विश्लेषण, 100 कोटी डोसच्या उद्दिष्टपूर्तीचे मांडले हे 5 प्रमुख मुद्दे, वाचा सविस्तर..