वृत्तसंस्था
नवी दिल्ली : पंतप्रधान नरेंद्र मोदी आणि ब्रिटनचे पंतप्रधान ऋषी सुनक यांनी शुक्रवारी दुपारी फोनवरून संवाद साधला. यात इस्रायल-हमास युद्ध आणि भारत आणि ब्रिटनमधील मुक्त व्यापार करार (FTA) यावर चर्चा झाली. ब्रिटनच्या पीएमओ कार्यालयाने याबाबत माहिती दिली.PM Modi talks over the phone with British Prime Minister Sunak; Israel-Humas War, Dialogue on India-Britain Open Trade Agreement
UK PMO चे प्रवक्ते म्हणाले- दोन्ही नेत्यांनी इस्रायलवर हमासच्या हल्ल्याचा निषेध केला आणि युद्ध संपवण्याबाबत चर्चा केली. हमास पॅलेस्टाईनच्या लोकांचे प्रतिनिधित्व करत नाही यावर त्यांनी भर दिला. प्रवक्त्याने सांगितले की, पंतप्रधान सुनक म्हणतात की, गाझामधील लोकांचे प्राण वाचवणे ही प्राथमिकता आहे. तिथपर्यंत मदत पोहोचेल याची खात्री करणे ही आपली जबाबदारी आहे.
भारत-ब्रिटनमधील मुक्त व्यापार करार अडकला
पीएम सुनक यांनी एफटीएवर पंतप्रधान मोदींशीही चर्चा केली. या कराराचा दोन्ही देशांना फायदा झाला पाहिजे यावर दोघांचेही एकमत झाले. किंबहुना, स्कॉच, कार आणि व्हिसा यांसारख्या मुद्द्यांवर मतभेदांमुळे भारत आणि ब्रिटन यांच्यातील मुक्त व्यापार करार (FTA) हा करार रखडला आहे. भारत स्कॉच आणि कारवरील कर कमी करण्यास तयार नाही तर ब्रिटन भारतीय व्यावसायिकांना अधिक व्हिसा देण्यास तयार नाही.
ब्रिटनमध्ये गुंतवणूक करणाऱ्या भारतीय कंपन्यांच्या 10,000 व्यावसायिकांना व्हिसा देण्यात यावा यावर भारत ठाम आहे. व्हिसाचे नियम सर्वांसाठी समान आहेत, भारताला विशेष दर्जा देता येणार नाही, असे ब्रिटनचे म्हणणे आहे.
बोरिस जॉन्सनांनी FTAची केली पायाभरणी
गेल्या वर्षी ऋषी सुनक पंतप्रधान झाल्यानंतर दोन्ही देशांनी मुक्त व्यापार करारावर सहमती दर्शवली होती. मात्र, भारत आणि ब्रिटनमधील मुक्त व्यापार कराराची पायाभरणी माजी पंतप्रधान बोरिस जॉन्सन यांनी त्यांच्या भारत भेटीदरम्यान केली होती. त्यांच्यानंतर लिझ ट्रस यांनीही या प्रस्तावित व्यापार कराराचे समर्थन केले आणि ते पुढे नेण्याचा आग्रह धरला.
मुक्त व्यापार करार म्हणजे काय?
भारत आणि ब्रिटनमधील द्विदलीय व्यापार ४ लाख कोटी रुपयांचा आहे. मुक्त व्यापार करारानंतर मोठ्या प्रमाणात करसवलत मिळणार आहे. ब्रिटनने 2004 मध्ये भारतासोबत धोरणात्मक भागीदारी सुरू केली. दहशतवाद, आण्विक क्रियाकलाप आणि नागरी अवकाश कार्यक्रमात ते भारतासोबत आहेत.
PM Modi talks over the phone with British Prime Minister Sunak; Israel-Humas War, Dialogue on India-Britain Open Trade Agreement
महत्वाच्या बातम्या
- पंतप्रधान मोदींची देशवासीयांना दिवाळी भेट; तब्बल 80 कोटी गरिबांना आणखी 5 वर्षे मोफत मिळणार रेशन
- संघ शताब्दीच्या पार्श्वभूमीवर संघाच्या तीनही वर्षांच्या शिक्षा वर्गांचे अभ्यासक्रम बदलणार!!
- दहशतवादी हल्ला झाला की आधीची भारत सरकार जगाकडे मदत मागायची, पण आता…; मोदींनी उलगडले “रहस्य”!!
- केंद्रीय मंत्री अनुप्रिया पटेल यांचा मोठा दावा, मोदींच्या नेतृत्वाखालीच जात जनगणना होणार!