खैबर पख्तुनख्वामध्ये पाक आर्मीविरोधात लोक रस्त्यावर; ‘आर्मी गो बॅक’च्या घोषणा, अत्याचाराविरोधात संताप

वृत्तसंस्था

इस्लामाबाद : पाकिस्तानचा सीमावर्ती प्रांत खैबर पख्तुनख्वामध्ये लोकांनी लष्कराविरोधात उठाव केला आहे. परिसरातील 10 हजारांहून अधिक पश्तून लोक शनिवारी रस्त्यावर उतरले आहेत. आंदोलक ‘आर्मी गो बॅक’च्या घोषणा देत आहेत. लष्कराने परिसरात दहशत निर्माण केल्याचे त्यांचे म्हणणे आहे.People on streets against Pak Army in Khyber Pakhtunkhwa; ‘Army go back’ slogans, outrage against atrocities

या भागात लष्कराच्या उपस्थितीमुळे अशांतता आहे आणि त्यामुळे दहशतवादी हल्ले वाढत आहेत. खैबर भागात सुरू असलेली लष्करी कारवाई थांबवण्याची पश्तूनांची मागणी आहे. आंदोलक नेते जमालुद्दीन वजीर यांच्या म्हणण्यानुसार, 20 वर्षांपासून या भागातील दहशतवाद संपवण्याच्या मोहिमेच्या नावाखाली पाकिस्तानी लष्कर लोकांवर अत्याचार करत आहे.

---

• चीनने पाकिस्तानच्या खैबरमध्ये तीन वीज प्रकल्पांचे काम रोखले; जिवाच्या भीतीमुळे तब्बल 1500 चिनी कर्मचाऱ्यांना पाकमधून काढणार

---

पाकिस्तानी लष्कर दहशतवादाच्या नावाखाली सर्वसामान्यांचा छळ करत असल्याचा आरोप आंदोलकांनी केला आहे. त्यांना वाटेल तेव्हा ते ज्याला वाटेल त्याला अटक करतात. शुक्रवारी आंदोलकांनी लष्कराच्या छावणीला घेराव घातला तेव्हा लष्कराने गोळीबार केला. त्यामुळे आतापर्यंत 7 आंदोलकांचा मृत्यू झाला आहे.

स्थानिक म्हणाले- टीटीपी या दहशतवादी संघटनेसमोर पाक सैन्य अपयशी ठरले, ते आमच्यावर अत्याचार करत आहेत

पाकिस्तान सरकारने वर्षाच्या सुरुवातीलाच सांगितले होते की, अफगाणिस्तानच्या सीमेला लागून असलेल्या भागात हिंसाचार रोखण्यासाठी लष्कर नवीन मोहीम सुरू करेल. तहरीक-ए-तालिबान पाकिस्तान (टीटीपी) संघटनेने पाक-अफगाण सीमेवर घुसखोरी केल्याचे सरकारचे म्हणणे आहे.

ही संघटना खैबर आणि इतर भागात दहशतवादी हल्ले करत आहे. तथापि, खैबर पख्तूनख्वामधील लोकांचे म्हणणे आहे की ते टीटीपीवरील ऑपरेशनच्या नावाखाली सामान्य पश्तूनांना लक्ष्य करत आहे. पाकिस्तान सरकारच्या विरोधात बोलणाऱ्यांना बेकायदेशीरपणे अटक केली जात आहे.

खैबरमध्ये 24 तासांत तीन दहशतवादी हल्ले, 4 ठार

खैबर पख्तुनख्वा भागात 24 तासांत 4 जणांचा मृत्यू झाला आहे. तर 30 जण जखमी झाले आहेत. आता आत्मघातकी हल्ल्यांव्यतिरिक्त रिमोट कंट्रोल आणि ड्रोनचा वापर करूनही दहशतवादी हल्ले करत आहेत. वर्षाच्या पहिल्या 4 महिन्यांत 179 दहशतवादी घटना घडल्या आहेत. लष्कर आणि पोलिसांना सर्वाधिक लक्ष्य करण्यात आले आहे.

People on streets against Pak Army in Khyber Pakhtunkhwa; ‘Army go back’ slogans, outrage against atrocities

महत्वाच्या बातम्या

• स्वामी गोविंदानंद म्हणाले- अविमुक्तेश्वरानंद हे खोटे बाबा; प्रियंका गांधी यांनी त्यांना शंकराचार्य कसे म्हटले?
• सुप्रीम कोर्टाकडून आरक्षण रद्द, तरीही धुमसतोय बांगलादेश; आतापर्यंत 151 ठार, 2 तासांनंतर पुन्हा संचारबंदी
• नेपाळचे PM केपी ओली यांनी विश्वासदर्शक ठराव जिंकला; 263 पैकी 188 खासदारांनी समर्थनार्थ अन् 74 खासदारांनी विरोधात मतदान केले
• 6 महिन्यांत 1,267 शेतकऱ्यांच्या आत्महत्या; विदर्भात सर्वाधिक; महाराष्ट्र सरकारने 2024 ची आकडेवारी जाहीर केली