वृत्तसंस्था
नवी दिल्ली : केवळ 100 ग्रॅम वजन जास्त भरल्याने भारताची कुस्तीपटू विनेश फोगाट ऑलिंपिक फायनल मध्ये अपात्र ठरवली गेली. त्यामुळे संपूर्ण भारतभर निराशा पसरली. विनेशने आपल्या कामगिरीने थेट सुवर्णपदकाला गवसणी घातली होती, पण अंतिम सामन्यापूर्वीच तिचे वजन 100 ग्रॅमने जास्त भरल्याने तिला इंटरनॅशनल ऑलिंपिक समितीने फायनल खेळण्यासाठी अपात्र घोषित केले. त्यामुळे भारतीय जनमानसात निराशा पसरली. Paris Olympics in Vinesh phogat disqualified
काँग्रेस आणि भाजप यांनी या मुद्द्यांवरून राजकारण केले. परंतु पंतप्रधान नरेंद्र मोदींनी विनेशचे मनोधैर्य टिकवून ठेवण्याचे ट्विट केले. त्याच बरोबर मोदींनी भारतीय ऑलिंपिक समितीच्या अध्यक्षा पी. टी. उषा यांना फोन करून आंतरराष्ट्रीय नियमानुसार विनेशसाठी सर्व पर्याय तपासायची सूचना केली. आवश्यक ती सर्व पावले उचला. विनेशच्या खेळासाठी उपयोग होणार असेल, तर आंतरराष्ट्रीय ऑलिंपिक समितीकडे भारताचा तीव्र निषेध नोंदवा, अशा सूचना पंतप्रधान नरेंद्र मोदी यांनी पी. टी. उषा यांना दिल्या.
PM नरेंद्र मोदी यांनी ट्विट लिहिले, “विनेश, तू चॅम्पियन्समध्ये एक चॅम्पियन आहेस!! तू भारताचा अभिमान आहेस आणि प्रत्येक भारतीयासाठी प्रेरणा आहेस. आजचा धक्का आपणा सगळ्यांना दुखावला. शब्दांनी भावना व्यक्त करता याव्यात अशी माझी इच्छा आहे. मी ज्या निराशेचा अनुभव घेत आहे, ते मला माहिती आहे की तू आव्हाने स्वीकारत आहेस.
ट्विट करण्यापूर्वी पंतप्रधान नरेंद्र मोदी यांनी भारतीय ऑलिंपिक समितीच्या अध्यक्षा पी. टी. उषा यांना फोन करून विनेश फोगाटच्या अपात्रतेविषयी तपशीलवार माहिती जाणून घेतली.
Paris Olympics in Vinesh phogat disqualified
महत्वाच्या बातम्या
- दुसऱ्या मुक्ती संग्रामाचे “नोबेल प्रलाप”; वंगबंधू म्युजियम + इंदिरा गांधी कल्चरल सेंटर आगीत खाक!!
- Dhirendra Shastri : बांगलादेश हिंसाचारावर बागेश्वर धामच्या धीरेंद्र शास्त्रींचे मोठे वक्तव्य, म्हणाले…
- Sheikh Hasina : शेख हसीना यांना आणखी एक धक्का, ब्रिटननंतर अमेरिकेनेही त्यांना आश्रय नाकारला!
- CM Eknath Shinde : प्रत्येक गावात मान्सूनपूर्व सूचना देणारी प्रणाली तात्काळ कार्यान्वित करा – मुख्यमंत्री शिंदे