केदारनाथमध्ये हिमस्खलनाचीही वर्तवली गेली शक्यता
विशेष प्रतिनिधी
नवी दिल्ली : नैऋत्य मान्सून जवळपास संपूर्ण देशात पोहोचला आहे. देशातील बहुतांश भागात मुसळधार पाऊस पडत असून त्यामुळे जनजीवन विस्कळीत झाले आहे. त्याचवेळी उत्तरप्रदेशमध्ये वीज पडल्याने पाच जणांचा मृत्यू झाला असून सात जण जखमी झाले आहेत. ब्रह्मपुत्रा आणि उपनद्या नद्यांना दुथडी भरून वाहत असल्याने आसाममधील पूरस्थिती गंभीर झाली आहे. दोन जणांना आपला जीवही गमवावा लागला. राष्ट्रीय राजधानी दिल्लीसह 19 राज्यांमध्ये तीन-चार दिवस मुसळधार पावसाबाबत हवामान खात्याने ऑरेंज अलर्ट जारी केला आहे. अरुणाचल प्रदेशात रेड अलर्ट जारी करण्यात आला आहे.Orange alert issued for nine states in the next four days as heavy rainfall is expected
उत्तराखंड, उत्तर प्रदेश, पंजाब, हरियाणा, पूर्व राजस्थान, छत्तीसगड, बिहार, उप-हिमालय प्रदेश, पश्चिम बंगाल, सिक्कीम आणि आसाम, मेघालय आणि अरुणाचल प्रदेशमध्ये 3 जुलैपर्यंत मुसळधार पावसाचा इशारा देण्यात आला आहे. तसेच, दिल्ली, ओडिशा, मध्य प्रदेश, नागालँड, मणिपूर, मिझोराम आणि त्रिपुरा येथे काही ठिकाणी पावसाची नोंद झाली. तसेच मुसळधार पावसामुळे अहमदाबादमधील रस्ता खचला आहे.
हवामान खात्याने दिलेल्या माहितीनुसार, मान्सून पंजाब, पश्चिम राजस्थान आणि हरियाणाच्या काही भागांमध्ये दाखल झाला आहे. त्यात उत्तर प्रदेश, जम्मू आणि हिमाचल प्रदेशातील सर्व भाग समाविष्ट आहेत. येत्या दोन ते तीन दिवसांत पश्चिम राजस्थान, हरियाणा, चंदीगड आणि पंजाबच्या उर्वरित भागांमध्ये पोहोचल्याने मान्सून संपूर्ण देश व्यापेल. भारतीय हवामान विभागाने सोमवार आणि मंगळवारी दिल्लीत मुसळधार पावसाचा इशारा दिला आहे. सोमवारी मुसळधार पावसाची शक्यता हवामान खात्याने वर्तवली आहे. तसेच, जोरदार वारा आणि धुळीचे वादळ ताशी 30 ते 40 किलोमीटर वेगाने वाहू शकते. त्यामुळे कमाल तापमान 33 तर किमान तापमान 26 अंश सेल्सिअस नोंदवले जाऊ शकते.
उत्तराखंडमधील केदारनाथ धाममध्ये रविवारी पहाटे झालेल्या हिमस्खलनामुळे लोकांचा श्वास कोंडला गेला. केदारनाथ मंदिराच्या मागच्या डोंगरावरून हिमवर्षाव होऊ लागला आणि त्यामुळे बर्फाचे वादळ निर्माण झाले. केदारनाथ खोऱ्याच्या वरच्या टोकाला असलेल्या बर्फाच्छादित मेरू-सुमेरू पर्वतराजीच्या खाली चोरबारी ग्लेशियरमधील गांधी सरोवरच्या वरच्या भागात हिमस्खलन झाले.
Orange alert issued for nine states in the next four days as heavy rainfall is expected
महत्वाच्या बातम्या
- राधाराणी वादप्रकरणी पं. प्रदीप मिश्रा यांनी नाक घासून मागितली माफी, दुसऱ्याला म्हटले होते राधाचा पती
- केजरीवाल यांना 14 दिवसांची न्यायालयीन कोठडी; तिहार तुरुंगात राहणार; मद्य धोरणप्रकरणी CBIने केली होती अटक
- T20 world cup 2024 winner : टीम इंडियाने 17 वर्षांनंतर टी-20 विश्वचषक जिंकला; दक्षिण आफ्रिकेला 7 धावांनी हरवले, सूर्याच्या एका कॅचने फिरवली मॅच
- चेहऱ्याचा मुद्दा राऊतांनी घट्ट धरला; पवारांना बाजूला सारून राहुलच्या नावाने गूळ लावला!!