वृत्तसंस्था
अयोध्या : अयोध्येत 22 जानेवारी रोजी होणार्‍या रामलल्लाच्या प्राण प्रतिष्ठेच्या पूजनाची संपूर्ण माहिती समोर आली आहे. 22 जानेवारी रोजी दुपारी 12.20 ते 1 या वेळेत प्राण प्रतिष्ठा सोहळा होणार आहे. यानंतर पंतप्रधान नरेंद्र मोदी, आरएसएस प्रमुख मोहन भागवत आणि ट्रस्टचे अध्यक्ष महंत नृत्य गोपाल दास आपले विचार मांडतील.
श्री रामजन्मभूमी तीर्थ क्षेत्र ट्रस्टचे सरचिटणीस चंपत राय यांनी सोमवारी अयोध्येतील मंदिर निर्माण कार्यशाळेत पत्रकार परिषदेत ही माहिती दिली. त्यांनी सांगितले की, प्राण प्रतिष्ठेची वेळ काशीचे महान विद्वान गणेशवर शास्त्री द्रविड यांनी ठरवली आहे. वाराणसीचे महंत लक्ष्मीकांत दीक्षित प्राणप्रतिष्ठेचा विधी करणार आहेत.
18 जानेवारीला गर्भगृहात मूर्ती बसवली जाणार
चंपत राय यांनी सांगितले की, गर्भगृहात स्थापन करण्यात येणाऱ्या रामलल्लाच्या मूर्तीचे वजन 150 ते 200 किलो आहे. रामलल्लाचा उभी मूर्ती बसवली जाईल. 18 जानेवारी रोजी गर्भगृहात मूर्ती बसवली जाईल.
त्यांनी सांगितले की, कार्यक्रमाच्या तयारीमुळे 20 आणि 21 जानेवारीला रामलल्लाचे दर्शन बंद करण्यात आले आहे. उद्या 16 जानेवारीपासून प्राण प्रतिष्ठेचा विधी सुरू होणार असून तो 21 तारखेपर्यंत चालणार आहे. याआधी मूर्तीचे पूजन तिच्या जल वास, अन्न वास, अंथरुण वास, औषध वास आणि फळ यांच्यात केले जाईल.
On January 18, the idol of Ramlalla in the sanctum sanctorum
महत्वाच्या बातम्या
- I.N.D.I.A. मधील जागावाटपावरून पेच कायम, बंगाल-पंजाब-यूपीत अडले आघाडीचे घोडे
- मालदीवने म्हटले- भारताने 15 मार्चपर्यंत सैन्य मागे घ्यावे; भारताने म्हटले- दोन्ही बाजूंकडून चर्चा होईल
- श्रीरामांच्या आहाराविषयी बोलणारे शेण खातात, उद्धव ठाकरेंसोबत एक मंथरा; फडणवीसांचा घणाघात
- Milind Deora Profile : कोण आहेत मिलिंद देवरा, 55 वर्षांपासून होता काँग्रेसशी संबंध, पक्षाने गमावला आणखी एक तरुण चेहरा