वृत्तसंस्था
नवी दिल्ली : लोकप्रिय डेअरी ब्रँड अमूल ‘टेस्ट ऑफ इंडिया’ या टॅगलाइनसह दुग्धजन्य पदार्थ यूएसमध्ये लाँच करण्याची योजना आखत आहे. अमूलचे संचालन करणाऱ्या गुजरात कोऑपरेटिव्ह मिल्क मार्केटिंग फेडरेशनने (GCMMF) यासाठी अमेरिकेतील दहाव्या सर्वात मोठ्या डेअरी सहकारी मिशिगन मिल्क प्रोड्युसर्स असोसिएशन (MMPA) सोबत भागीदारी केली आहे.Now Amul will launch fresh milk products in America; Partnership with MMPA
नोव्ही, मिशिगन येथे एमएमपीएच्या 108 व्या वार्षिक बैठकीत गुरुवारी या भागीदारीची घोषणा करण्यात आली. जयेन मेहता, व्यवस्थापकीय संचालक, GCMMF, म्हणाले, ‘मला तुम्हाला कळवण्यास आनंद होत आहे की अमूल अमेरिकेत त्यांचे फ्रेश मिल्क प्रॉडक्ट लाँच करणार आहे.
आम्ही युनायटेड स्टेट्समधील 108 वर्ष जुन्या डेअरी सहकारी संस्थेशी भागीदारी केली आहे. ही पहिलीच वेळ असेल, जेव्हा अमूल आपली नवीन उत्पादन श्रेणी भारताबाहेर लाँच करेल.
मीडिया रिपोर्ट्सनुसार, अमूल दूध अमेरिकेत एक गॅलन (3.8 लीटर) आणि अर्धा गॅलन (1.9 लीटर) च्या पॅकेजिंगमध्ये उपलब्ध असेल. अमेरिकेत फक्त 6% फॅट असलेला अमूल गोल्ड ब्रँड, 4.5% फॅट असलेला अमूल शक्ती ब्रँड, 3% फॅट असलेला अमूल ताजा आणि 2% फॅट असलेला अमूल स्लिम ब्रँड विकला जाईल. हे ब्रँड सध्या ईस्ट कोस्ट आणि मिड-वेस्ट मार्केटमध्ये विकले जातील.
यापूर्वी 22 फेब्रुवारी रोजी अहमदाबाद येथील नरेंद्र मोदी स्टेडियमवर GCMMF च्या सुवर्ण महोत्सवी समारंभात पंतप्रधान मोदींनी गुजरातमधील शेतकऱ्यांना अमूलला जगातील सर्वात मोठी डेअरी बनवण्याची विनंती केली होती.
Now Amul will launch fresh milk products in America; Partnership with MMPA
महत्वाच्या बातम्या
- नागपुरात काँग्रेसला झटका, आमदारकीचा राजीनामा देत राजू पारवेंचा शिंदेंच्या शिवसेनेत प्रवेश
- के. सुरेंद्रन यांना वायनाडचे “स्मृती इराणी” होण्याची संधी; कमळावर बसून राहुल गांधींविरुद्ध स्वारी!!
- सोलापुरातून कमळावर राम सातपुते, तर सुनील मेंढे आणि अशोक नेते यांनाही भाजपची तिकिटे!!
- कंगना राणावत, अरुण गोविल भाजपकडून लोकसभेच्या मैदानात; नवीन जिंदाल सीता सोरेन यांच्यासह 115 उमेदवारांची यादी जाहीर!!