वृत्तसंस्था
नवी दिल्ली : उत्तर कोरियाने गुरुवारी सकाळी पुन्हा एकदा आंतरखंडीय क्षेपणास्त्र (ICBM) डागले. दक्षिण कोरियाच्या लष्कराने ही माहिती दिली आहे. दक्षिण कोरियाच्या लष्कराने सांगितले की बॅलिस्टिक क्षेपणास्त्र प्योंगयांग येथून स्थानिक वेळेनुसार सकाळी 7.10 वाजता सोडण्यात आले आणि कोरियन द्वीपकल्पाच्या पूर्वेकडील सागरी क्षेत्रामध्ये उड्डाण केले. तर जपानच्या संरक्षण मंत्रालयाने सांगितले की, हे क्षेपणास्त्र जपानच्या बेटापासून 250 किमी अंतरावर पडले. यापूर्वी ते सुमारे 70 मिनिटे 6,000 किमी पेक्षा जास्त उंचीवर सुमारे 1,000 किमी उड्डाण करत होते.North Korea fires long-range missile again, flies 1,000km before hitting target
क्षेपणास्त्र डागण्याची कृती ही संयुक्त राष्ट्राच्या ठरावांच्या विरोधात असल्याचे दक्षिण कोरियाच्या लष्कराने म्हटले आहे. या चिथावणीची किंमत उत्तर कोरियाला चुकवावी लागेल, असा इशाराही त्यांनी दिला. दक्षिण कोरियाने जपान आणि अमेरिकेसोबत मजबूत सुरक्षा सहकार्याचे आवाहन केले आहे.
मीडिया रिपोर्ट्सनुसार, क्षेपणास्त्र चाचणीनंतर जपान आणि दक्षिण कोरिया संयुक्त राष्ट्र सुरक्षा परिषदेची बैठक घेण्याची मागणी करू शकतात. दक्षिण कोरिया आणि अमेरिका यांच्यात सुरू असलेल्या लष्करी सरावांमध्ये उत्तर कोरियाने अनेकदा क्षेपणास्त्रे डागली आहेत. त्याचवेळी प्योंगयांगने या लष्करी सरावाचा निषेध केला आहे.
दक्षिण कोरियाचे राष्ट्राध्यक्ष यून सुक-येओल जपानच्या दौऱ्यावर जात आहेत. टोकियो येथे होणाऱ्या शिखर परिषदेला ते उपस्थित राहणार आहेत. याशिवाय ते उत्तर कोरिया आणि इतर आव्हानांचा सामना करण्यासाठी अधिक चांगल्या सहकार्यावर चर्चा करणार आहेत.
North Korea fires long-range missile again, flies 1,000km before hitting target
महत्वाच्या बातम्या
- भारताच्या शत्रूची क्षेपणास्त्रे, लढाऊ विमाने, ड्रोन होणार क्षणात नष्ट; DRDO कडून S-400 सारख्या घातक शस्त्र प्रणालीची निर्मिती!
- भारत मित्र देश रशियाला करतोय मोलाची मदत! आयात पाच पटीने वाढली
- Surekha Yadav : मराठमोळ्या सुरेखा यादव यांनी केलं ‘वंदे भारत एक्सप्रेस’चे सारथ्य; ठरल्या आशियातील पहिल्या महिला ‘लोको पायलट’
- राज ठाकरेंना जाणता राजा प्रयोगाचे निमंत्रण; निमंत्रणातून भाजपची नवी खेळी