महाराष्ट्रात ज्या प्रकारे बदल झाला आहे, तसाच बदल बिहारमध्येही झाला पाहिजे, असंही म्हणाले आहेत.
विशेष प्रतिनिधी
पाटणा : केंद्रीय राज्यमंत्री रामदास आठवले शनिवारी पाटण्यात पोहोचले. यावेळी त्यांनी मागासवर्गीय आणि दलित प्रवर्गातील अधिकाऱ्यांची आढावा बैठक घेतली. त्याचवेळी रामदास आठवले यांनी बिहारचे मुख्यमंत्री नितीश कुमार यांच्याबाबत मोठं वक्तव्य केलं आहे. Nitish Kumar is not happy with the name INDIA of the opposition alliance Ramdas Athawale offered to join NDA
रामदास आठवले म्हणाले, ‘’नितीश कुमार यांच्याशी आमचे चांगले संबंध असल्याचे त्यांनी सांगितले. नितीश यांनी पुन्हा आलं पाहिजे, नितीश कुमार हे समाजवादी नेते आहेत आणि त्यांच्याशी चांगले संबंध राहिले आहेत. नितीशकुमार यांनी मुंबईत आयोजित विरोधकांच्या बैठकीला जाऊ नये. नितीश कुमार हे विरोधी पक्षांच्या INDIA नावावरही खूश नाहीत, हे नाव राहुल गांधींनी दिलेले आहे.’’
रामदास आठवले म्हणाले की, बिहारमध्ये मागासवर्गीय आणि दलित वर्गातील लोकांच्या हत्येच्या घटना वाढल्या आहेत. बिहारमध्ये इतर राज्यांपेक्षा जास्त हल्ले झाले आहेत. याचा विचार नितीश कुमारांनी करायला हवा. इतकी वर्षे मुख्यमंत्री असतानाही काम कमी झाले. दलितांसाठी आणखी योजना निर्माण करण्याची गरज आहे.
बिहारमध्ये आंतरजातीय विवाहाचे प्रमाण खूपच कमी आहे. बिहार सरकार अशा लोकांना एक लाख रुपये देते, आंतरजातीय विवाह करणाऱ्यांना केंद्र अडीच लाख रुपये देते. त्याचवेळी त्यांनी जनतेला आवाहन करून केंद्राकडून नक्कीच लाभ घ्यावा, असे त्यांनी सांगितले.
याचबरोबर रामदास आठवले म्हणाले की, कमी जागा असूनही भाजपाने नितीश कुमार यांना मुख्यमंत्री केले. नितीश कुमारांनी परत यावे, महाराष्ट्रात ज्या प्रकारे बदल झाला आहे, तसाच बदल बिहारमध्येही झाला पाहिजे. तसेच रोहिणी समितीच्या अहवालाबाबत रामदास आठवले म्हणाले की, देशात जातीच्या आधारे जनगणना झाली पाहिजे, मागासवर्गीयांसह सर्वसामान्य जातींचीही जनगणना झाली पाहिजे. रोहिणी समितीचा अहवाल येणे बाकी आहे, मागासवर्गीयांचे तीन भाग करून आरक्षणाचा निर्णय घ्यावा.
Nitish Kumar is not happy with the name INDIA of the opposition alliance Ramdas Athawale offered to join NDA
महत्वाच्या बातम्या
- ‘’तीन महिन्यांत देशभरात खेलो इंडियाची एक हजार केंद्र सुरू होणार’’, क्रीडामंत्री अनुराग ठाकूर यांची घोषणा!
- रोहित पवार शरदनिष्ठांसाठी “संजय राऊतांच्या” भूमिकेत; पण प्रचार प्रमुख डॉ. अमोल कोल्हे आहेत कुठे??
- उत्तर प्रदेशच्या शाळांमध्ये मोहरमच्या सुट्ट्या रद्द, योगी सरकारने जारी केले आदेश
- अतिक अहमदचा नातेवाईक मोहम्मद अहमदला अटक; खंडणी आणि मारहाण प्रकरणी पोलिसांची कारवाई