वृत्तसंस्था
नवी दिल्ली : चीनशी संबंधित कंपन्या आणि संस्थांकडून निधी घेतल्याचा आरोप असलेल्या न्यूज पोर्टल न्यूजक्लिकच्या HR प्रमुखाने सरकारी साक्षीदार होण्यासाठी अर्ज केला आहे. अमित चक्रवर्ती यांनी सोमवारी (25 डिसेंबर) सरकारी साक्षीदार होण्यासाठी दिल्ली न्यायालयात याचिका दाखल केली. ते म्हणाले की, माझ्याकडे असलेली महत्त्वाची माहिती मला पोलिसांना सांगायची आहे.Newsclick foreign funding case, company’s HR head likely to be government witness; Petition filed in court
गेल्या आठवड्यातही चक्रवर्ती यांनी दिल्ली न्यायालयात याचिका दाखल करून न्यूजक्लिक प्रकरणात माफी मागितली होती. 3 ऑक्टोबर रोजी दिल्ली पोलिसांनी न्यूज पोर्टलशी संबंधित अनेक पत्रकारांच्या घरांवर छापे टाकले. यानंतर पोलिसांनी न्यूजक्लिकचे संस्थापक प्रबीर पुरकायस्थ आणि अमित चक्रवर्ती यांना अटक केली. तर, सध्या दोघेही न्यायालयीन कोठडीत आहेत.
20 जानेवारीपर्यंत न्यायालयीन कोठडी
19 डिसेंबर रोजी पोलिसांनी पटियाला हाऊस कोर्टात याचिका दाखल करून या प्रकरणाचा तपास पूर्ण करण्यासाठी आणखी तीन महिन्यांचा अवधी मागितला होता. न्यायमूर्ती हरदीप कौर यांनी 22 डिसेंबर रोजी दिल्ली पोलिसांची याचिका स्वीकारली आणि तपास पूर्ण करण्यासाठी 60 दिवसांचा अतिरिक्त वेळ दिला. न्यायालयाने प्रबीर पुरकायस्थ आणि इतरांच्या न्यायालयीन कोठडीत 20 जानेवारी 2024 पर्यंत वाढ केली आहे.
सीबीआयसह 5 एजन्सीकडून तपास
सीबीआयसह 5 एजन्सी न्यूजक्लिकवरील आरोपांची चौकशी करत आहेत. दिल्ली पोलिसांच्या स्पेशल सेलने याप्रकरणी प्रथम FIR नोंदवली. दिल्ली पोलिसांची आर्थिक गुन्हे शाखा, ईडी आणि आयकर विभाग या प्रकरणाशी संबंधित वेगवेगळ्या प्रकरणांचा तपास करत आहेत. सीबीआयने फॉरेन कॉन्ट्रिब्युशन रेग्युलेशन ॲक्ट अंतर्गत गुन्हा दाखल केला आहे.
Newsclick foreign funding case, company’s HR head likely to be government witness; Petition filed in court
महत्वाच्या बातम्या
- उद्धव ठाकरेंना सत्ता गेल्याने काय बोलावं हेच कळत नाही; राम मंदिराच्या टीकेवरून नारायण राणेंनी घेतला समाचार
- आता लोकसभा निवडणुका झाल्या तर सरकार कोणाचे येणार? सर्वेक्षणात इंडिया-एनडीएला किती जागा? पाहा आकडेवारी
- पक्ष वाढवायचा की मोदी घालवायचा??, हे ठरवा, नाहीतर तेच बोकांडी बसतील; प्रकाश आंबेडकरांचा मविआच्या नेत्यांना इशारा!!
- पंडित धीरेंद्र शास्त्री लवकरच लग्न करणार; लग्नासाठी येत आहेत भावनिक पत्रे, राम मंदिरावरही केले वक्तव्य