• Download App
    AIADMK AIADMK सोबत आल्याने राज्यसभेत NDAला बहुमत!

    AIADMK सोबत आल्याने राज्यसभेत NDAला बहुमत!

    AIADMK

    जाणू घ्या, राज्यसभेत आता एनडीए आघाडीची संख्या किती झाली आहे?


    विशेष प्रतिनिधी

    नवी दिल्ली: AIADMK तामिळनाडूच्या राजकारणात मोठा बदल दिसून आला. जेव्हा भाजप आणि अण्णाद्रमुक पुन्हा एकदा हातमिळवणी करत आहेत. अण्णा द्रमुक महायुतीत सामील झाल्यामुळे, राज्यसभेत एनडीएला बहुमत मिळाले आहे आणि राज्यसभेत एनडीएची संख्या १२२ झाली आहे. राज्यसभेच्या जागांची संख्या २४५ आहे आणि सध्या ९ जागा रिक्त आहेत. अशा प्रकारे सध्याची संख्या २३६ आहे आणि बहुमताचा आकडा ११९ आहे. याशिवाय, एनडीएला सहा नामनिर्देशित आणि एका अपक्षाचा पाठिंबा आहे. अशाप्रकारे, आता राज्यसभेत एनडीएच्या समर्थनार्थ १२९ खासदार आहेत.AIADMK

    आंध्र प्रदेशात राज्यसभेची एक जागा रिक्त आहे आणि तीही एनडीएच्या खात्यात जाईल. नामनिर्देशित खासदारांमध्येही चार जागा रिक्त आहेत, त्या देखील एनडीएच्या खात्यात जातील. अशाप्रकारे, एनडीए आणि समर्थक खासदारांची संख्या १३४ पर्यंत पोहोचू शकते. जम्मू आणि काश्मीरमधून राज्यसभेच्या चार जागा रिकाम्या आहेत, तेथील राज्यसभेच्या निवडणुका लांबणीवर पडत आहेत. जम्मू आणि काश्मीरच्या या चार जागांवर जेव्हा जेव्हा निवडणुका होतात तेव्हा भाजपला एक जागा नक्कीच मिळेल. त्याच वेळी, भाजप दुसऱ्या जागेसाठीही आपले नशीब आजमावू शकते.



    २०१४ नंतर पहिल्यांदाच एनडीएला राज्यसभेत स्पष्ट बहुमत मिळाले आहे. बहुमत मिळाल्यास विधेयक मंजूर करणे सोपे होईल. वक्फ विधेयकावर एनडीएला बीजेडी आणि वायएसआरसीपीच्या काही खासदारांचा पाठिंबाही मिळाला. बीजेडी आणि वायएसआरसीपी या दोघांचेही प्रत्येकी ७ खासदार आहेत आणि त्यांनी वक्फ विधेयकावर व्हीप जारी केलेला नाही. एक देश एक निवडणूक विधेयक मंजूर करणे हे आता सरकारच्या अजेंड्यावर प्राधान्य आहे. राज्यसभेत संख्याबळाच्या खेळात आघाडी मिळवल्यानंतर एनडीएचे मनोबल वाढले आहे.

    NDA gains majority in Rajya Sabha by joining hands with AIADMK

    महत्वाच्या बातम्या

    Related posts

    Amit Shah : अमित शाह यांचे शीर छाटून टेबलावर ठेवावे विधान, महुआ मोईत्रा यांच्यावर टीकेची झाेड

    Goa Chief Minister Pramod Sawant slams : सकारात्मक मुद्दे नसल्याने सभेत असभ्य भाषा, गोव्याचे मुख्यमंत्री प्रमोद सावंतांचा घणाघात

    राहुल गांधी एवढे frustrate झालेत, की paid सल्लागारांचा सल्ला देखील विसरलेत, म्हणून मोदींना शिव्या देऊन राहिलेत!!