जगभरात नाटू नाटूची धूम; ऑस्कर जिंकल्यावर अभिनंदनाचा वर्षाव; पण लूटो लूटो करून काँग्रेस कडून खिल्ली!!

विशेष प्रतिनिधी

नवी दिल्ली : आर आर आर सिनेमातल्या नाटू नाटू गाण्याने संपूर्ण जगाला वेड लावले आहे. जगात त्या गाण्याची धूम आहे आणि त्या गाण्याने ऑस्कर पुरस्कार जिंकल्यावर तर, भारतात सर्वत्र आनंदाचे उधाण आले आहे. असे असताना काँग्रेसला मात्र त्याचे फार वाईट वाटल्याचे दिसत आहे. कारण सगळीकडून नाटू नाटू वर अभिनंदनचा वर्षाव होत असताना काँग्रेसने मात्र लूटो लूटो म्हणत त्या गाण्याची खिल्ली उडवून पंतप्रधान नरेंद्र मोदी आणि उद्योगपती गौतम अदानी यांच्यावर निशाणा साधला आहे. Natu Natu boom around the world; Congratulation after winning an Oscar

कुठल्याही जगप्रसिद्ध गोष्टीवर मीम्स तयार करणे याचा सर्वसामान्य बाब आहे. रोज अशी लाखो करोडो मीम्स तयार होत असतात. नाटू नाटू वर काँग्रेसने तयार केलेले हे मीम अशा लाखो करोडो मीम्स सारखेच असले तरी त्यातली भावना मात्र जगात आणि भारतात नाटू नाटू वर व्यक्त झालेल्या भावनांच्या विपरीत आहे.

या गाण्याला बेस्ट ओरिजिनल सॉंगचे ऑस्कर पारितोषिक मिळाले आहे. पण काँग्रेसने मात्र त्याची खिल्ली उडवताना मीम्स मध्ये नटांचे फोटो मॉर्फ करून त्यावर मोदी आणि अदानींचे चेहरे चिकटवले आहेत. भारतातल्या आणि जगातल्या व्यक्त झालेल्या भावनांच्या विपरीत काँग्रेसने हे मीम्स बनवल्याबद्दल अनेकांनी सोशल मीडियावर त्या पक्षाला घेरले आहे.

Natu Natu boom around the world; Congratulation after winning an Oscar

महत्वाच्या बातम्या 

• अहमदनगरमध्ये बोअरवेलमध्ये पडून मुलाचा मृत्यू : खेळता-खेळता 15 फूट खाली पडला 5 वर्षीय मुलगा; उपचारादरम्यान मृत्यू
• जुनी पेन्शन योजना लागू करण्याच्या मागणीसाठी महाराष्ट्रात कर्मचाऱ्यांचा संप, काय म्हणाले उपमुख्यमंत्री देवेंद्र फडणवीस?
• अलाहाबाद कोर्ट परिसरातील मशीद हटवा, अन्यथा ध्वस्त करू; सुप्रीम कोर्टाने कायम ठेवला हायकोर्टाचा निकाल