विकी कौशलचा ‘सरदार उधम सिंग’ हा चित्रपट सर्वोत्कृष्ट हिंदी चित्रपट म्हणून निवडला गेला
विशेष प्रतिनिधी
नवी दिल्ली: चित्रपटसृष्टीतील सर्वात मोठा सन्मान, राष्ट्रीय चित्रपट पुरस्कार जाहीर झाला आहे. आज, 24 ऑगस्ट रोजी माहिती प्रसारण मंत्रालयाने 69 व्या चित्रपट पुरस्कारांची घोषणा केली आहे. माहिती प्रसारण मंत्री अनुराग ठाकूर यांनी या पुरस्कारांची घोषणा केली आहे. बॉलिवूड अभिनेत्री आलिया भट्टला यावर्षीचा सर्वोत्कृष्ट अभिनेत्रीचा पुरस्कार मिळाला आहे. संजय लीला भन्साळी दिग्दर्शित ‘गंगूबाई काठियावाडी’मधील दमदार अभिनयासाठी आलिया भट्टला हा पुरस्कार मिळाला आहे. या चित्रपटाला सर्वोत्कृष्ट संवादाच्या श्रेणीत पुरस्कारही मिळाला आहे. तर अल्लू अर्जुन सर्वोत्कृष्ट अभिनेता ठरला आहे. ‘पुष्पा: द राइज’ या चित्रपटासाठी अल्लू अर्जुनची सर्वोत्कृष्ट अभिनेता म्हणून निवड झाली आहे. National Film Awards Allu Arjun Best Actor and Alia Bhatt National Award for Best Actress
69 व्या राष्ट्रीय चित्रपट पुरस्कार सोहळ्यात विकी कौशलचा ‘सरदार उधम सिंग’ हा चित्रपट सर्वोत्कृष्ट हिंदी चित्रपट म्हणून निवडला गेला आहे. तर मिमीसाठी क्रिती सॅनन सर्वोत्कृष्ट अभिनेत्री तर पंकज त्रिपाठी सर्वोत्कृष्ट सहाय्यक अभिनेता ठरला आहे. सिद्धार्थ मल्होत्राच्या ‘शेरशाह’ या चित्रपटाला स्पेशल ज्युरी अवॉर्ड देण्यात आला आहे.
सर्वोत्कृष्ट संगीत दिग्दर्शनासाठी अल्लू अर्जुनच्या ‘पुष्पा द राइज’चे नाव देखील समाविष्ट आहे. आर. माधवनचा रॉकेट्री: द नंबी इफेक्ट हा चित्रपट सर्वोत्कृष्ट फीचर फिल्म म्हणून निवडला गेला आहे. त्याच वेळी, ब्लॉकबस्टर हिट RRR ची सर्वोत्कृष्ट अॅक्शन फिल्म म्हणून निवड करण्यात आली आहे.
विजेत्यांची घोषणा करण्यापूर्वी माहिती आणि प्रसारण विभागाच्या अतिरिक्त सचिव नीरजा शेखर यांनी प्रसारमाध्यमांना सांगितले की, एकूण 28 भाषांमधील 280 फीचर फिल्म्स आणि 23 भाषांमधील 158 नॉन फीचर फिल्म्स विचारासाठी प्राप्त झाल्या आहेत. साऊथचा ‘आरआरआर’ हा चित्रपटही राष्ट्रीय पुरस्कारांमध्ये लोकप्रिय ठरला आहे. आंतरराष्ट्रीय स्तरावर ऑस्कर जिंकल्यानंतर या चित्रपटाने अनेक राष्ट्रीय पुरस्कार पटकावले आहेत.
National Film Awards Allu Arjun Best Actor and Alia Bhatt National Award for Best Actress
महत्वाच्या बातम्या
- चांद्रयान मोहिमेसाठी कैलास खेरचं खास गाणं
- काँग्रेसने स्वतःच्याच सर्व्हेत महाविकास आघाडीला 45 जागा देणे म्हणजे आरशाला मेकअप करून त्याच्यासमोर उभे राहणे!!
- Chandrayaan-3 चंद्राच्या दक्षिण ध्रुवावर उतरताच पंतप्रधान मोदींनी सर्वात अगोदर कोणाला फोन केला?
- चंद्रयान 3 प्रत्यक्ष चंद्रावर उतरताना त्यावरील हॉरिझोन्टल वेलोसिटी कॅमेराने टिपलेल्या चंद्राच्या “या” छबी!!