वृत्तसंस्था
नवी दिल्ली : इन्फोसिसचे सह-संस्थापक एनआर नारायण मूर्ती सध्या आपल्या वक्तव्यांमुळे चर्चेत आहेत. याआधी आठवड्यातून 70 तास काम करा आणि नंतर 3 शिफ्टमध्ये काम करा, असा सल्ला दिल्यानंतर मूर्ती यांनी यावेळी म्हटले की, भारताकडे अजूनही करण्यासारखे भरपूर काही आहे. Narayan Murthy said- India is still a poor country
ते म्हणाले की आपण एक गरीब देश आहोत, दरडोई $ 2,300 (सुमारे 1.92 लाख) कमवतो. मध्यम उत्पन्नाचा देश होण्यासाठी आपले दरडोई उत्पन्न $8,000 ते 10,000 (सुमारे ₹ 6.67 लाख-₹8.34 लाख) असावे लागेल. हे साध्य करण्यासाठी आपल्याला 8% वार्षिक वाढ दराने 16 ते 18 वर्षे लागतील.
तरुणांनी 70 तास काम करायलाच हवे
इन्फोसिसचे सह-संस्थापक एनआर नारायण मूर्ती यांनी भारतीय तरुणांना आठवड्यातून 70 तास काम करण्याच्या सल्ल्यावरील वादाची चिंता नसल्याचे म्हटले आहे. मूर्ती म्हणाले की, उत्पादकता आणि स्पर्धा वाढवण्यासाठी तरुणांनी आठवड्यातून 70 तास काम केलेच पाहिजे.
नारायण मूर्ती म्हणाले- भारतीयांनी 3 शिफ्टमध्ये काम करावे; 11 ते 5 या शिफ्टने विकास होणार नाही
40 वर्षे दर आठवड्याला 70 तास काम केले
1981 मध्ये इन्फोसिसची स्थापना करण्यासाठी त्यांनी स्वत: बरेच तास काम केल्याचे त्यांनी सांगितले. मूर्ती म्हणाले की, 40 वर्षांच्या व्यावसायिक कारकिर्दीत त्यांनी दर आठवड्याला 70 तास काम केले आहे. 1994 पर्यंत, जेव्हा 6 दिवसांचा आठवडा होता, तेव्हा मी किमान 85 ते 90 तास काम करत होतो. ही मेहनत वाया गेली नाही.
77 वर्षीय मूर्ती यांनी इकॉनॉमिक टाईम्सला सांगितले की, ‘मी सकाळी 6:20 वाजता ऑफिसमध्ये असायचो आणि रात्री 8:30 वाजता ऑफिसमधून निघायचो आणि आठवड्यातून सहा दिवस काम करायचो. मला माहीत आहे की जो काही देश समृद्ध झाला, तो केवळ कष्टानेच झाला.
गरिबीतून बाहेर पडण्याचा एकमेव मार्ग म्हणजे कठोर परिश्रम
ते म्हणाले की ही कामाची नैतिकता त्यांच्यामध्ये खूप लवकर रुजली होती. मूर्ती पुढे म्हणाले, ‘माझ्या आई-वडिलांनी मला आयुष्याच्या सुरुवातीलाच सांगितले होते की, गरिबीतून सुटण्याचा एकमेव मार्ग म्हणजे कठोर परिश्रम करणे आणि कठोर परिश्रम करणे. अर्थात, या सूत्राचे पालन केल्याने दर तासाला चांगली उत्पादकता येते.
Narayan Murthy said- India is still a poor country
महत्वाच्या बातम्या
- गाझामध्ये तत्काळ युद्धबंदीचा संयुक्त राष्ट्रांचा ठराव नाही झाला मंजूर ; करण अमेरिकेच्या…
- तेलंगणात धर्मनिरपेक्षता टांगली खुंटीवर; काँग्रेसने AIMIM घेतली मांडीवर!!; अकबरुद्दीन ओवैसींना नेमले प्रोटेम स्पीकर!!
- गुगलने लाखोंची फसवणूक करणारे ॲप डिलीट केले; पहा संपूर्ण यादी!
- अफगाणिस्तानच्या गृहमंत्र्यांनी वापरला पाकिस्तानी पासपोर्ट; ISIच्या सांगण्यावरून इम्रान सरकारने सोडले