वृत्तसंस्था
भोपाळ : मुख्यमंत्री शिवराज सिंह चौहान यांनी भाजपला मतदान केले म्हणून हल्ला झालेल्या सीहोर येथील एका मुस्लिम महिलेची भेट घेतली. मुख्यमंत्र्यांनी समीना बी यांना शनिवारी 9 डिसेंबर रोजी सीएम हाऊसमध्ये बोलावले. त्या आपल्या मुलांसह भोपाळला आल्या. समीना म्हणाल्या, ‘मी मुख्यमंत्र्यांना भेटले आहे. भाऊ (मुख्यमंत्री) म्हणाले की त्यांना माझ्या मुलांची आणि कुटुंबाची काळजी आहे. त्यामुळे मी भविष्यातही भाजपलाच मत देणार आहे. Muslim woman beaten up for voting BJP; Shivraj met the victim, said – I will vote for BJP
सिहोरमध्ये भाजपला मतदान केल्याच्या कारणावरून एका महिलेला तिच्या दिराने काठीने मारहाण केली. थप्पड आणि ठोसे मारले होते. तसेच आरोपींनी जीवे मारण्याची धमकी दिली. घटना 4 डिसेंबरची आहे. महिलेने आरोपींविरुद्ध 6 डिसेंबर रोजी पोलिसांत गुन्हा दाखल केला होता. आरोपींवर कोणतीही कारवाई न झाल्याने त्यांनी 8 डिसेंबर रोजी वडिलांसह जिल्हाधिकारी कार्यालय गाठून जिल्हाधिकारी प्रवीण सिंह यांच्याकडे तक्रार केली.
मध्य प्रदेशात भाजपचं पुन्हा सत्तेवर! शिवराज सिंह चौहान यांची पहिली प्रतिक्रिया, म्हणाले…
शिवराज म्हणाले- मानलेला भाऊ नाही, सख्खा आहे
सीएम शिवराज सिंह म्हणाले- ‘आत्ताच एक बहीण समीना माझ्याकडे आली. त्यांनी भाजपला मतदान केले. नंतर मारहाण झाली, मी म्हणालो ताई, सीएम हाऊस मध्ये ये. तुझा भाऊ जिवंत आहे. काळजी करण्याची गरज नाही. मी मानलेला भाऊ नाही, सख्खा आहे. मुख्यमंत्री शिवराज सिंह चौहान शनिवारी भोपाळ उत्तर विधानसभा मतदारसंघात एका सभेला संबोधित करत होते.
आरोपी दिराला भोपाळमधून अटक
सीहोरचे एसपी मयंक अवस्थी यांनी सांगितले की, महिलेवर अत्याचार करणाऱ्या आरोपीला अटक करण्यात आली आहे. अहमदपूर पोलिस ठाण्याचे प्रभारी विक्रम आदर्श यांनी दिलेल्या माहितीनुसार, आरोपीला भोपाळ येथून पकडण्यात आले आहे.
भाजपच्या योजनांचा मला फायदा झाला, म्हणूनच मी मतदान केले
शुक्रवारी सिहोर येथे तक्रार करण्यासाठी आलेल्या समीना म्हणाल्या, ‘भाजपला मतदान केल्यामुळे माझ्या दिराने मला मारहाण केली आहे. आता मी न्यायासाठी आले आहे.भारतीय जनता पक्षाच्या सर्व योजनांचा लाभ मला मिळत आहे. मला लाडली बहनाची रक्कमही मिळत आहे. माझ्या मुलांनाही फायदा झाला. याच कारणांमुळे मी भाजपला मतदान केले.
Muslim woman beaten up for voting BJP; Shivraj met the victim, said – I will vote for BJP
महत्वाच्या बातम्या
- गाझामध्ये तत्काळ युद्धबंदीचा संयुक्त राष्ट्रांचा ठराव नाही झाला मंजूर ; करण अमेरिकेच्या…
- तेलंगणात धर्मनिरपेक्षता टांगली खुंटीवर; काँग्रेसने AIMIM घेतली मांडीवर!!; अकबरुद्दीन ओवैसींना नेमले प्रोटेम स्पीकर!!
- गुगलने लाखोंची फसवणूक करणारे ॲप डिलीट केले; पहा संपूर्ण यादी!
- अफगाणिस्तानच्या गृहमंत्र्यांनी वापरला पाकिस्तानी पासपोर्ट; ISIच्या सांगण्यावरून इम्रान सरकारने सोडले