प्रतिनिधी
नवी दिल्ली : फोर्ब्सने मंगळवारी 4 एप्रिल रोजी जगातील अब्जाधीशांची 37 वी वार्षिक यादी जाहीर केली. या यादीत रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी यांनी सलग दुसऱ्या वर्षी टॉप-10 मध्ये स्थान मिळवले आहे. 2023 मध्ये 83.4 अब्ज डॉलर्सच्या संपत्तीसह ते 9व्या स्थानावर होते, तर 2022 मध्ये 90.7 अब्ज डॉलरच्या संपत्तीसह ते 10व्या स्थानावर होते.Mukesh Ambani is the 9th richest businessman in the world, number one in Asia, see Forbes list of the world’s billionaires
मुकेश हे आशियातील सर्वात श्रीमंत व्यक्ती आहेत. या वर्षीच्या यादीत मुकेश अंबानी मायक्रोसॉफ्टचे स्टीव्ह बाल्मर, गुगलचे लॅरी पेज आणि सर्जे ब्रिन, फेसबुकचे मार्क झुकरबर्ग आणि डेल टेक्नॉलॉजीजचे मायकेल डेल यांच्यापेक्षा वरच्या स्थानावर आहेत. जगातील श्रीमंतांच्या यादीत बर्नार्ड अरनॉल्ट पहिल्या क्रमांकावर, एलन मस्क दुसऱ्या आणि जेफ बेझोस तिसऱ्या क्रमांकावर आहेत.
या यादीत अदानी समूहाचे अध्यक्ष गौतम अदानी 24व्या क्रमांकावर आहेत. 24 जानेवारी रोजी अदानी हे जगातील तिसरे सर्वात श्रीमंत व्यक्ती होते. तेव्हा त्यांची एकूण संपत्ती सुमारे 126 अब्ज डॉलर्स होती. यूएस शॉर्ट-सेलर हिंडेनबर्ग रिसर्चने जारी केलेल्या अहवालानंतर त्यांच्या कंपन्यांच्या शेअर्समध्ये घट झाली. त्यांची एकूण संपत्ती आता 47.2 अब्ज डॉलर्स आहे आणि अंबानींनंतर ते दुसरे सर्वात श्रीमंत भारतीय आहेत.
जगातील टॉप-10 श्रीमंत व्यक्ती
बर्नार्ड अरनॉल्ट (फ्रान्स) 211 अब्ज डॉलर्स
एलन मस्क (यूएस) 180 अब्ज डॉलर्स
जेफ बेझोस (यूएस) 114 अब्ज डॉलर्स
लॅरी एलिसन (यूएस) 107 अब्ज डॉलर्स
वॉरेन बफे (यूएस) 106 अब्ज डॉलर्स
बिल गेट्स (यूएस) 104 अब्ज डॉलर्स
मायकेल ब्लूमबर्ग (यूएस) 94.5 अब्ज डॉलर्स
कार्लोस स्लिम हेलू (मेक्सिको) 93 अब्ज डॉलर्स
मुकेश अंबानी (भारत) 83.4 अब्ज डॉलर्स
स्टीव्ह बाल्मर (यूएस) 80.7 अब्ज डॉलर्स
टॉप 25 श्रीमंतांची नेटवर्थ 2.1 ट्रिलियन डॉलर्स
फोर्ब्सच्या यादीनुसार, जगातील 25 सर्वात श्रीमंत लोकांची एकत्रित संपत्ती 2.1 ट्रिलियन डॉलर्स आहे, जी 2022 मध्ये 2.3 ट्रिलियन डॉलर्स होती. म्हणजेच या वर्षी जगातील 25 श्रीमंत लोकांच्या एकूण संपत्तीत 200 अब्ज डॉलरची घट झाली आहे.
जेफ बेझोस यांच्या संपत्तीत सर्वाधिक घसरण
अॅमेझॉनचे शेअर्स 38% घसरल्याने जेफ बेझोस यांना सर्वाधिक फटका बसला आहे. या घसरणीमुळे बेझोसची एकूण संपत्ती 57 बिलियन डॉलर्सनी कमी झाली. 2022 मध्ये, ते श्रीमंतांच्या यादीत जगात दुसऱ्या क्रमांकावर होते आणि यावर्षी तिसऱ्या क्रमांकावर पोहोचले आहेत.
एलन मस्क यांच्या संपत्तीतही घट
या वर्षातील दुसरा मोठा फटका एलन मस्क यांना बसला. ट्विटर विकत घेतल्यानंतर त्यांनी जगातील सर्वात श्रीमंत व्यक्तीची पदवी गमावली. टेस्लाच्या शेअर्समध्ये घट झाल्यामुळे आणि ट्विटर विकत घेण्यासाठी शेअर्सची विक्री केल्यामुळे मस्क यांच्या एकूण संपत्ती एका वर्षापूर्वीच्या तुलनेत 39 अब्ज डॉलर्सनी घसरली आहे. यामुळे 180 अब्ज डॉलर्सच्या संपत्तीसह ते पहिल्या क्रमांकावरून दुसऱ्या क्रमांकावर घसरले आहेत.
Mukesh Ambani is the 9th richest businessman in the world, number one in Asia, see Forbes list of the world’s billionaires
महत्वाच्या बातम्या
- सावरकर गौरव यात्रा : मी फडतूस नाही काडतूस, झुकेगा नही घुसेगा; देवेंद्र फडणवीसांचा प्रहार–
- ‘’उद्धव ठाकरे… फडतूस नही काडतूस हू मै, झुकेंगा नही साला घुसेंगा’’ देवेंद्र फडणवीसांचा थेट निशाणा!
- Covid19 : महाराष्ट्रात मागील २४ तासांत करोना संसर्गाचे ७११ नवीन रुग्ण, चार जणांचा मृत्यू
- China Arunachal rename: चीनकडून कुरापती सुरूच; आता अरुणाचल प्रदेशातील ११ ठिकाणांची नावे बदलली!