MS Dhoni Twitter : भारतीय क्रिकेट संघाचे माजी कर्णधार महेंद्रसिंग धोनीच्या ट्विटर हँडलवरून ब्लू टिक काढून टाकण्यात आले आहे. धोनी ट्विटरवर कमी सक्रिय असल्यामुळे ट्विटरने असे केल्याचा अंदाज वर्तवला जात आहे. यामुळेच ट्विटरने त्याच्या अकाऊंटमधून ब्लू टिक काढून टाकली आहे. धोनीचे ट्विटरवर सुमारे 8.2 दशलक्ष फॉलोअर्स आहेत. MS Dhoni Twitter Removed blue tick from Captain Cool MS Dhoni account
विशेष प्रतिनिधी
मुंबई : भारतीय क्रिकेट संघाचे माजी कर्णधार महेंद्रसिंग धोनीच्या ट्विटर हँडलवरून ब्लू टिक काढून टाकण्यात आले आहे. धोनी ट्विटरवर कमी सक्रिय असल्यामुळे ट्विटरने असे केल्याचा अंदाज वर्तवला जात आहे. यामुळेच ट्विटरने त्याच्या अकाऊंटमधून ब्लू टिक काढून टाकली आहे. धोनीचे ट्विटरवर सुमारे 8.2 दशलक्ष फॉलोअर्स आहेत.
8 जानेवारी रोजी अखेरचे ट्विट
एमएस धोनीने यावर्षी 8 जानेवारी रोजी अखेरचे ट्विट केले होते. त्यानंतर त्याने ट्विट केलेले नाही. मात्र, तो इन्स्टाग्रामवर अॅक्टिव्ह राहतो. त्याच वेळी 8 जानेवारीपूर्वी त्याने सप्टेंबर 2020 मध्ये ट्विट केले होते. यामुळे असे मानले जात आहे की, फारसा सक्रिय नसल्यामुळे ट्विटरने एमएस धोनीची ब्ल्यू टिक काढून टाकली आहे. पण यामुळे त्याच्या चाहत्यांना नक्कीच धक्का बसला आहे.
आयसीसीच्या सर्व ट्रॉफी जिंकणारा धोनी एकमेव कर्णधार
एमएस धोनीची गणना जगातील सर्वात यशस्वी कर्णधारांमध्ये केली जाते. आयसीसीच्या तिन्ही ट्रॉफी जिंकणारा धोनी जगातील एकमेव कर्णधार आहे. त्याने 2007 मध्ये टी -20 विश्वचषक, 2011 मध्ये एकदिवसीय विश्वचषक आणि 2013 मध्ये चॅम्पियन्स ट्रॉफी जिंकली. धोनीचा हा विक्रम मोडणे जवळजवळ अशक्य आहे.
धोनीची आंतरराष्ट्रीय कारकीर्द
डिसेंबर 2004 मध्ये आंतरराष्ट्रीय क्रिकेटमध्ये पाऊल ठेवणाऱ्या धोनीच्या 90 कसोटीत 38.09 च्या सरासरीने 4876 धावा आहेत. कसोटी क्रिकेटमध्ये त्याच्या नावावर एक द्विशतक, सहा शतके आणि 33 अर्धशतके आहेत. याशिवाय माहीने 350 एकदिवसीय सामन्यांमध्ये 50.58 च्या सरासरीने 10773 धावा केल्या आहेत. धोनीच्या नावावर 10 शतके आणि 73 अर्धशतके आहेत. तसेच 98 टी -20 आंतरराष्ट्रीय सामन्यांमध्ये माहीने 40.25 च्या सरासरीने 4669 धावा केल्या आहेत.
MS Dhoni Twitter Removed blue tick from Captain Cool MS Dhoni account
महत्त्वाच्या बातम्या
- WATCH : पीएम मोदींशी बोलताना गहिवरल्या महिला हॉकी संघातील खेळाडू, पंतप्रधानांनी वाढवला उत्साह, म्हणाले – देशाला तुमचा अभिमान!
- Rahul Gandhi Poetry On Farmers : राहुल गांधींची शेतकऱ्यांसाठी कविता, ‘पीएम हमारे दो के, फिर किसान का क्‍या?’
- Reliance Future Deal : रिलायन्स-फ्युचर ग्रुप डीलला सर्वोच्च धक्का, सर्वोच्च न्यायालयाने अॅमेझॉनच्या बाजूने दिला निकाल, वाचा सविस्तर..
- मोठी बातमी : माजी गृहमंत्री अनिल देशमुख यांच्या तीन ठिकाणांवर पुन्हा ईडीची छापेमारी, नागपुरात सकाळपासून शोधमोहीम
- RBI Monetary Policy : आरबीआयच्या व्याजदरात कोणताही बदल नाही, जीडीपी वाढीचा दर 9.5 टक्के