वृत्तसंस्था
नवी दिल्ली : अभिनेत्री तथा खासदार कंगना रनोट ( Kangana Ranot ) यांचा ‘इमर्जन्सी’ हा चित्रपट 6 सप्टेंबरला प्रदर्शित होत आहे. ट्रेलर रिलीज होताच हा चित्रपट वादात सापडला आहे. कंगना रनोट यांना चित्रपटात जनरल सिंह भिंडारवाले दाखवल्यापासून जिवे मारण्याच्या धमक्या येत होत्या. अलीकडेच विकी थॉमस सिंग नावाच्या व्यक्तीने त्यांना जाहीरपणे धमकी दिली आहे की जर त्यांनी संत जनरल सिंग भिंडारवाले यांना चित्रपटात चुकीच्या पद्धतीने दाखवत असेल तर त्यांना परिणाम भोगावे लागतील. धमक्या मिळाल्यानंतर कंगना यांनी आता म्हटले आहे की, त्या कोणाला घाबरत नाहीत, लोक हवे असल्यास त्यांना गोळ्या घालू शकतात.
नुकतेच माध्यमांशी बोलताना अभिनेत्री कंगना रनोट यांनी या धमक्यांवर प्रतिक्रिया दिली आहे. त्या म्हणाल्या, मला कुणीही घाबरवू शकत नाही. मी या देशाचा आवाज मरू देऊ शकत नाही. हे लोक मला धमक्या देतील, गोळ्या घालतील, पण मी घाबरणार नाही. ही गुंडगिरी चालणार नाही.”
नुकताच सोशल मीडियावर एक व्हिडिओ पोस्ट करण्यात आला आहे, ज्यामध्ये काही निहंग बसलेले आहेत. त्यांच्यासोबत बसलेल्या विकी थॉमस सिंगने कंगना यांना धमकी दिली आणि म्हणाला, “इतिहास बदलता येत नाही. दहशतवादी असल्याचे दाखविले तर परिणामांसाठी तयार राहा. ज्या व्यक्तीचा चित्रपट बनत आहे त्याची सेवा काय असेल? सतवंत सिंग आणि बेअंत सिंग (माजी पंतप्रधान इंदिरा गांधी यांच्यावर गोळ्या झाडणाऱ्या) यांच्या भूमिका साकारण्यासाठी सज्ज व्हा. मी हे माझ्या मनापासून सांगत आहे, कारण जो कोणी आमच्याकडे बोट दाखवतो, आम्ही त्याला धक्का (कट) देतो. त्या संतासाठी (जनरलसिंग भिंडारवाले) आम्ही आमचे मुंडकेही कापून देऊ शकतो, आणि दुसऱ्याचे शिरही कापू शकतो.”
कंगना रनोट यांनीही या व्हिडिओवर प्रतिक्रिया दिली आहे. त्यांनी हा व्हिडीओ आपल्या सोशल मीडिया प्लॅटफॉर्म X वर रिपोस्ट करून महाराष्ट्रातील डिजीपी, हिमाचल आणि पंजाब पोलिस यांना टॅग करत कारवाईची मागणी केली आहे.
कंगना रनोट यांचा ‘इमर्जन्सी’ हा चित्रपट 6 सप्टेंबरला चित्रपटगृहात प्रदर्शित होणार आहे. माजी पंतप्रधान इंदिरा गांधी यांच्या कार्यकाळातील आणीबाणीवर हा चित्रपट बनवण्यात आला आहे. ट्रेलर रिलीज झाल्यापासून या चित्रपटावर शीख समुदायाला वाईट पद्धतीने दाखविल्याचा आरोप करण्यात आला आहे.
MP Kangana Ranot’s response to the threats
महत्वाच्या बातम्या
- J&K Elections : PDPची 17 उमेदवारांची दुसरी यादी जाहीर, मेहबुबा मुफ्ती विधानसभा निवडणूक लढवणार नाहीत
- Modi cabinet’s decision : मोदी मंत्रिमंडळाचे निर्णय : देशात 12 औद्योगिक स्मार्ट शहरे बनणार, 10 राज्यांत 28 हजार कोटींच्या योजना, 40 लाख रोजगार निर्मिती
- Pension Scheme : महाराष्ट्रात केंद्राप्रमाणेच एकीकृत निवृत्ती वेतन योजना लागू; अतिरिक्त खर्चास वित्त विभागाची मान्यता!!
- Rohan Jaitley : कोण आहेत रोहन जेटली? BCCIचे सचिव जय शहा यांची जागा घेण्याची शक्यता