वृत्तसंस्था
तुरा : मेघालयाचे मुख्यमंत्री कॉनराड संगमा यांच्या तुरा येथील सीएम कार्यालयावर सोमवारी रात्री जमावाने अचानक हल्ला केला. सीएम संगमा यात सुरक्षित असून त्यांचे पाच सुरक्षा कर्मचारी जखमी झाले आहेत. या घटनेनंतर तुरा शहरात रात्रीची संचारबंदी लागू करण्यात आली आहे. Mob Attack on Meghalaya Chief Minister’s Office
हा हल्ला झाला तेव्हा संगमा ‘अचिक कॉन्शियस होलिस्टिकली इंटिग्रेटेड क्राईम’ (ACHIK) आणि ‘गारो हिल्स स्टेट मूव्हमेंट कमिटी’ (GHSMC) च्या प्रतिनिधींसोबत त्यांच्या दालनात संवाद साधत होते. या दोन्ही संघटना गेल्या 14 दिवसांपासून उपोषण करत आहेत. सोमवारी मुख्यमंत्र्यांनी त्यांच्या प्रतिनिधींना चर्चेसाठी बोलावले होते. सुमारे तीन तास चर्चा सुरू होती. तुरा ही ‘हिवाळी’ राजधानी करावी, अशी या संघटनांची मागणी आहे.
पोलिसांनी अश्रुधुराच्या नळकांड्या फोडल्या
या संघटनांचे आणि मुख्यमंत्र्यांचे संभाषण जवळपास शेवटच्या टप्प्यात आले होते. तेव्हा सीएम मुख्यालयावर जमावाने अचानक हल्ला केला. काही समजण्यााधीच तो जमाव दगडफेक करू लागला. जमावाला पांगवण्यासाठी पोलिसांनी अश्रुधुराच्या नळकांड्या फोडल्या. जमावाने मुख्यमंत्री कार्यालयाचे गेट तोडण्याचाही प्रयत्न केला.
सीएम संगमा यांनी हिंसाचारात जखमी झालेल्या सुरक्षा जवानांच्या प्रकृतीची विचारपूस केली आहे. संगमा जखमी सुरक्षा जवानांशी बोलत असल्याचे चित्र प्रसारमाध्यमांमध्ये समोर आले आहे. फोटोमध्ये जखमी सुरक्षा कर्मचारी जमिनीवर पडलेले दिसत आहेत. मुख्यमंत्र्यांनी जखमी जवानांना 50 हजार रुपयांची मदत आणि वैद्यकीय खर्चाची घोषणा केली आहे.
50 वर्षे जुनी मागणीसाठी गदारोळ
1972 मध्ये मेघालयला प्रथमच राज्याचा दर्जा मिळाल्याचे नागरी समाज गटांचे म्हणणे आहे. तेव्हापासून तुराला राजधानी बनवण्याचे आश्वासन देण्यात आले. आंदोलकांनीही येथे मिनी सचिवालय घेण्याचे मान्य केले आहे. गारो हिल्समध्ये राहणाऱ्या सर्व समुदायांच्या समस्यांचा विकास आणि सोडवणूक करण्याचा एकमेव मार्ग म्हणजे ‘हिवाळी’ राजधानी बांधणे, असे त्यांचे म्हणणे आहे.
मुख्यमंत्री कॉनरॅड संगमा म्हणाले – कार्यालयावर झालेला हल्ला अत्यंत दुर्दैवी आहे. आम्ही अचिक कॉन्शियस होलिस्टिकली इंटिग्रेटेड क्रिमा (ACHIK) आणि गारो हिल्स स्टेट मूव्हमेंट कमिटी (GHSMC) च्या प्रतिनिधींशी चर्चा करत होतो. त्याच्या काही मागण्या आहेत. हल्लेखोर कोण आहेत, हे या संघटनांच्या प्रतिनिधींना देखील माहित नाही. हे बाहेरचे लोक होते. त्यांचा शोध घेतला जात आहे.
Mob Attack on Meghalaya Chief Minister’s Office
महत्वाच्या बातम्या
- पोर्ट सुदान विमानतळावर प्रवासी विमान कोसळले, चार लष्करी जवानांसह नऊ जणांचा मृत्यू!
- अजितदादांची मुख्यमंत्री पदाची पोस्टर्स; भाजप नेत्यांचा इशारा; त्यानंतर सुनील तटकरेंचा चर्चेवर पडदा!!
- शिंदे – फडणवीसांच्या देखरेखीखाली अजित दादांचे निधी वाटप; पण आता ते ठाकरे गटाच्या टीकेचे धनी!!
- नुसते मोदी – योगींच्या नावांवर अवलंबून राहू नका, संघटना वाढवा; बी. एल. संतोष यांनी घेतला भाजप कार्यकर्त्यांचा क्लास!!