• Download App
    क्षेपणास्त्रेही आता इंधनाबाबतीत आत्मनिर्भर, स्वदेशी इंधनाची एनएबीएलमध्ये यशस्वी चाचणी|Missiles are also now self-sufficient in fuel, successful testing of indigenous fuels at NABL

    क्षेपणास्त्रेही आता इंधनाबाबतीत आत्मनिर्भर, स्वदेशी इंधनाची एनएबीएलमध्ये यशस्वी चाचणी

    भारतीय क्षेपणास्त्रेही आता इंधनाच्या बाबत आत्मनिर्भर होणार आहेत. खनिज तेल निगमने संरक्षण साहित्य, साठवणूक संशोधन आणि विकास संस्थापना म्हणजे डीएमएसआरडीईच्या सहाय्याने क्षेपणास्त्रांसाठी स्वदेशी इंधनाची निर्मिती केली आहे. हे इंधन चाचणीसाठी भारतीय लष्कराकडे पाठविण्यात आले आहे. या इंधनाची चाचणी देखील यशस्वी झाली आहे.Missiles are also now self-sufficient in fuel, successful testing of indigenous fuels at NABL


    विशेष प्रतिनिधी

    नवी दिल्ली : भारतीय क्षेपणास्त्रेही आता इंधनाच्या बाबत आत्मनिर्भर होणार आहेत. खनिज तेल निगमने संरक्षण साहित्य, साठवणूक संशोधन आणि विकास संस्थापना म्हणजे डीएमएसआरडीईच्या सहाय्याने क्षेपणास्त्रांसाठी स्वदेशी इंधनाची निर्मिती केली आहे. हे इंधन चाचणीसाठी भारतीय लष्कराकडे पाठविण्यात आले आहे. या इंधनाची चाचणी देखील यशस्वी झाली आहे.

    देशाची सुरक्षा बळकट करणाऱ्या पृथ्वी, अग्नी, सूर्य, शौर्य, प्रहार आणि ब्रह्मोस यासह इतर क्षेपणास्त्रांमध्ये आता स्वदेशी इंधनाचा वापर करण्यात येणार आहे. यामुळे क्षेपणास्त्रांची गती वाढणार असून इंधन खर्चात 20 ते 25 टक्के बचत होणार आहे.



     

    कमी इंधनामुळे हे क्षेपणास्त्र जास्त अंतरापर्यंत धडक मारू शकेल, असा दावा खनिज तेल निगमने केला आहे. क्षेपणास्त्र पाठविण्यासाठी तयार केलेले इंधन जास्त दिवसांपर्यंत जळते. प्राथमिक चाचणीत ते अधिक चांगले असल्याचे आढळले आहे. क्षेपणास्त्रांच्या वापरासाठी आता याची चाचणी घेण्यात येत आहे.

    क्षेपणास्त्राचे इंधन अजूनही विदेशातून येते. कोरोना काळात सुमारे एक वर्ष केलेल्या संशोधनानंतर त्यांनी या क्षेपणास्त्रांचे इंधन बनवले आहे, अशी माहिती निगमचे प्रबंध संचालक विकासचंद्र अग्रवाल यांनी दिली.

    प्रयोगशाळांसाठीच्या चाचणी आणि मूल्यांकन राष्ट्रीय मान्यता मंडळ अर्थात एनएबीएलमध्ये या इंधनांची यशस्वी करण्यात आली आहे. आता उच्चस्तरीय चाचणीसाठी ते लष्कराकडे पाठविण्यात आले आहे. तिथे मंजुरी मिळाल्यानंतर क्षेपणास्त्रांमध्ये या इंधनाचा वापर करण्यात येईल. हे इंधन बूस्टरयुक्त देखील आहे, त्यामुळे क्षेपणास्त्राला गती देण्यास मदत करेल.

    खनिज तेल निगम गेल्या वर्षभरापासून वायुसेनेच्या लढाऊ विमानांसाठी वंगण देत होते. गेल्या 25 वर्षांपासून ते हे वंगण बनवीत आहेत. लढाऊ विमानांच्या काही भागांमध्ये ते वापरले जाते. याशिवाय निगमतर्फे लष्कराला एक्स-52 तेल, पीएक्स-6 तेल आणि पीएक्स-11 जेलचा देखील पुरवठा करण्यात येत आहे.

    Missiles are also now self-sufficient in fuel, successful testing of indigenous fuels at NABL

    महत्त्वाच्या बातम्या

     

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही