पावसाळी अधिवेशनात गेहलोत सरकारला मंत्र्यानेच दिला घरचा आहेर, जाणून घ्या काय म्हटले आहे
विशेष प्रतिनिधी
जयपूर : राजस्थानच्या राजकारणाशी संबंधित एक मोठी बातमी समोर येत आहे. मुख्यमंत्री अशोक गेहलोत यांनी राजेंद्र गुढा यांची मंत्रीपदावरून हकालपट्टी केली आहे. राजेंद्र गुडा यांनी आज पावसाळी अधिवेशनात सरकारचा समाचार घेतला होता. मणिपूरवर बोलण्यापूर्वी राजस्थानकडे बघावे, असं म्हणत त्यांनी गेहलोत सरकारला आरसा दाखवला होता. Minister Rajendra Gudha targeted the Ashok Gehlot government for criticizing Manipur so he was sacked from the post of minister
आपल्याच सरकारवर निशाणा साधत मंत्री राजेंद्र गुढा यांनी म्हटले होते की, मणिपूरऐवजी आपण आपल्याच राज्यात डोकावले पाहिजे. मंत्री राजेंद्र गुढा यांनी विधानसभेत आपल्याच सरकारवर निशाणा साधला आणि महिलांच्या सुरक्षेत आपण अपयशी ठरलो हे मान्य करावे, असे सांगितले होते. राजस्थानमध्ये ज्याप्रकारे महिलांवरील अत्याचार वाढले आहेत, हे पाहता मणिपूरऐवजी आपण स्वतःच्या राज्यात डोकावले पाहिजे. असे गुढा म्हणाले होते.
राजस्थानचे मुख्यमंत्री अशोक गेहलोत यांनी आज राज्यपाल कलराज मिश्रा यांच्याकडे राज्यमंत्री राजेंद्र सिंह गुढा यांची हकालपट्टी करण्याची शिफारस केली आहे. मुख्यमंत्री गेहलोत यांची ही शिफारस राज्यपालांनी तत्काळ प्रभावाने स्वीकारली आहे. आज राजेंद्र गुढा यांनी राज्यातील महिलांवरील अत्याचाराच्या घटनांवर आपल्याच सरकारवर टीका केली. यानंतर गेहलोत सरकारने ही कारवाई केली आहे.
Minister Rajendra Gudha targeted the Ashok Gehlot government for criticizing Manipur so he was sacked from the post of minister
महत्वाच्या बातम्या
- श्रीलंकेतही UPI द्वारे पेमेंट शक्य होणार; दोन्ही देशांनी स्वीकारले ‘व्हिजन डॉक्युमेंट’
- Gyanvapi Case: वादग्रस्त भाग वगळता संपूर्ण ‘ज्ञानवापी’ परिसराचे होणार ‘ASI’सर्वेक्षण
- NCW : मणिपूर मधल्या महिला अत्याचाराची राष्ट्रीय महिला आयोगाकडून दखल; राज्य सरकारला विचारला जाब!!
- ‘आदिपुरुष’ चित्रपटाच्या निर्मात्यांना सर्वोच्च न्यायालयाने दिला मोठा दिलासा; उच्च न्यायालयाच्या आदेशाला स्थगिती!