प्रतिनिधी
नाशिक : संजय राऊत नाशकात आले, थुंकण्याचे समर्थन केले आणि तिकडे नाशिक जिल्ह्यातील सुरगण्यातले नगराध्यक्ष आणि नगरसेवक शिंदे गटात पोहोचले. Mayor, councilors of Raganet reached the Shinde group
नाशिकमध्ये ठाकरे गटाला मोठा धक्का बसला. विशेष म्हणजे ठाकरे गटाचे नेते संजय राऊत हे नाशिक दौऱ्यावर असताना नाशिक जिल्ह्यातल्या सुरगाणा नगरपंचायतीच्या नगराध्यक्षांसह सर्वच नगरसेवकांनी शिवसेना मुख्यमंत्री एकनाथ शिंदे यांच्या उपस्थितीमध्ये या सर्व नगरसेवकांनी शिवसेना शिंदे गटात प्रवेश केला. शिवसेना शिंदे गटाचे नेते भाऊ चौधरी यांचा हा ठाकरे गटाला जोरदार धक्का मानला जात आहे.
संजय राऊतांवर आरोप
सुरगाणा नगरपंचायतीच्या नगराध्यक्षांसह सर्वच नगरसेवकांनी शिवसेना शिंदे गटात प्रवेश केला आहे. मुख्यमंत्री एकनाथ शिंदे यांच्या उपस्थितीमध्ये या सर्व नगरसेवकांनी शिवसेना शिंदे गटात प्रवेश केला. शिंदे गटात प्रवेश करताना या नगरसेवकांनी संजय राऊत यांच्यावर गंभीर आरोप केले आहेत. संजय राऊत यांच्या वाचाळ वृत्तीस कंटाळून आम्ही ठाकरे गट सोडण्याचा निर्णय घेतला असं या नगरसेवकांनी म्हटलं आहे.
शिंदे गटात गेलेले नगरसेवक
नगराध्यक्ष भारत वाघमारे, सचिन आहेर नगरसेवक (गटनेता), नगरसेवक भगवान आहेर, पुष्पाताई वाघमारे, अरुणाताई वाघमारे, प्रमिलाताई वाघमारे, दिनेश वाघ, विलास गोसावी, चारोस्कर, गौरव सोनवणे
मुंबईतील नगरसेवकांचा प्रवेश
2 दिवसांपूर्वी मुंबईतील 2 नगरसेवकांनी ठाकरे गटातून शिंदे गटात प्रवेश केला होता. त्यानंतर नाशिकमध्ये ठाकरे गटाला हा दुसरा मोठा धक्का बसला आहे. संजय राऊत हे नाशिक दौऱ्यावर असताना या नगरसेवकांनी शिंदे गटात प्रवेश केला आहे.
Mayor, councilors of Raganet reached the Shinde group
महत्वाच्या बातम्या
- ओडिशा रेल्वे अपघाताबद्दल जगभरातील नेत्यांनी व्यक्त केला शोक; पाक, कॅनडा, ब्रिटनचे पंतप्रधान काय म्हणाले? वाचा सविस्तर…
- ताप, डोकेदुखी, मायग्रेनवर वापरल्या जाणाऱ्या १४ औषधांवर बंदी; कोडीन सिरप आणि पॅरासिटामॉलचाही समावेश!
- काँग्रेस नेते पी. चिदंबरम म्हणतात भारताने अमेरिकेसारखी अध्यक्षीय पद्धत स्वीकारावी; पंतप्रधानांचीही असावी फिक्स्ड टर्म
- हॉलिवूड स्टार लिओनार्दो डिकॅप्रियो भारतवंशीय तरुणीला करतोय डेट; जाणून घ्या, कोण आहे मॉडेल नीलम गिल