प्रतिनिधी
नवी दिल्ली : जमियत उलेमा-ए-हिंदच्या दिल्लीतील दोनदिवसीय अधिवेशनात दारुल उलूम देवबंदचे प्रमुख आणि जमियतचे धार्मिक नेते मौलाना अर्शद मदनी यांच्या वक्तव्यावरून रविवारी वाद निर्माण झाला आहे. अर्शद मदनी म्हणाले की ओम आणि अल्लाह एक आहेत आणि या प्रश्नाचाही उल्लेख केला की जेव्हा पृथ्वीवर कोणीच नव्हते तेव्हा मनूने कोणाची पूजा केली? एवढेच नाही तर त्यांनी आदमला हिंदू आणि मुस्लिमांचे पूर्वज म्हटले. तेथे उपस्थित असलेल्या इतर अनेक धर्मगुरूंनी याला विरोध केला आणि कार्यक्रमावर बहिष्कार टाकला.Maulana Arshad Madani Profile, Controversy Allah and Om are one, full statement
एक दिवस आधी ज्या व्यासपीठावर धार्मिक वैर विसरून स्वीकाराण्याचे आवाहन करण्यात आले होते, त्याच व्यासपीठावर या वक्तव्याने खळबळ उडाली. वादानंतर मौलाना अर्शद मदनी यांनी पुन्हा निवेदन दिले आणि म्हणाले- हिंदू, शीख आणि इतर धर्माचे लोकही तिथे बसले होते, बाकी कोणी उठले नाही. त्यांनी (जैन धर्मगुरू लोकेश मुनी) बसून राहायला हवे होते. ओम आणि अल्लाह एक आहेत. जे लोक घरवापसीची चर्चा करतात, त्यांना कळायला हवे की आम्ही तर आमच्या घरीच बसलो आहोत. जो सर्वात पहिला माणूस होता त्याने कोणाची उपासना केली होती?
ते पुढे म्हणाले – त्या वेळी दुसरे कोणी नव्हते – त्यांचा फक्त अल्लाहवर विश्वास होता. जे आम्हाला (मुसलमानांना) त्यांच्या पूर्वजांकडे जाण्यास सांगतात. या जगातील सर्वात प्राचीन माणूस स्वर्गातून उतरला, तो आपला पूर्वज आहे आणि तो भारताच्या भूमीवर अवतरला. अर्शद म्हणाले- आम्ही आमचा मुद्दा जमियत उलेमा-ए-हिंदमध्ये मांडला आहे की मुस्लिम मुलींसाठी एक वेगळी शाळा असावी, ज्यामध्ये त्यांना इस्लामचेही शिक्षण दिले जावे, जेणेकरून त्यांना कळेल की, त्या मुस्लिम आहेत.
अर्शद मदनी अधिवेशनात काय म्हणाले… वाचा संपूर्ण वक्तव्य
“आम्ही या देशात भावा-भावासारखे राहत आहोत. सरकार बदलून भाजपचे सरकार आले, हा आवाज आम्ही कधीच ऐकला नव्हता. या 20 कोटी मुस्लिमांना मायदेशी पाठवावे, असे आम्ही ऐकले आहे. हा आवाज यापूर्वी कधीच आला नव्हता. ही सांप्रदायिक मानसिकता बनली आहे की ती विचार करते की आम्ही 20 कोटी मुस्लिमांना त्यांच्या घरी परत नेऊ, म्हणजे आम्ही त्यांना हिंदू बनवू. कारण हिंदू हे त्यांचे घर आहे. त्यांचे वडील आणि आजोबा हिंदू होते. येथे धर्मगुरू बसले आहेत आणि मला हे केवळ मुस्लिमांनाच नाही तर संपूर्ण देशाला सांगायचे आहे की असे म्हणणाऱ्यांना आपल्या देशाची माहिती नाही, ते अशिक्षित आहेत. त्यांना त्यांच्या धर्माचीही माहिती नाही. मी जे बोलतोय ते बरोबर बोलतोय. मी या समस्येकडे लक्ष दिले आहे. धर्मगुरूंनीही हे समजून घेतले पाहिजे.
“अल्लाहने अखेरचा नबी अरब देशात पाठवला. अगदी त्याच प्रकारे हजरत आदम.. जे पैगंबर होते, त्यांना भारताच्या भूमीत उतरवले होते. त्यांना हवे असते तर त्यांनी आदमला आफ्रिका, अरबस्तान, रशियात उतरवले असते. त्यांनाही माहीत आहे. आदमला उतरवण्यासाठी भारताची भूमी निवडली गेली हेही आपल्याला माहीत आहे. आदम हा पहिला माणूस आहे ज्याला अल्लाहने आकाशातून खाली आणले. मी महान धार्मिक नेत्यांना विचारले की, आकाशातून उतरणारा पहिला मनुष्य आदमने कोणाची उपासना केली? तिथे कोणीच नव्हते. जगात एकच माणूस होता. तुम्ही त्या आदमला काय म्हणता? पण, स्वर्गीय ग्रंथ नसल्यामुळे लोक वेगवेगळ्या गोष्टी सांगायचे.
हा धर्म नवीन धर्म नाही. आज तुम्ही म्हणताय की चला घरवापसी करा. आम्ही तर मनूच्या दारात डोकं ठेवलंय. आम्ही कुठे जाणार आमचे कोणतेही घर नाही. असे म्हणणारे लोक अशिक्षित आहेत असे मी म्हणतो. देश आणि धर्म माहिती नाही. पण, मला आश्चर्य वाटते की एक अतिशय सुशिक्षित, समजूतदार माणूस, आरएसएसचा प्रमुख म्हणतो की मुस्लिमांना हवे असेल तर त्यांनी त्यांच्या धर्माचे पालन करावे आणि त्यांना हवे असेल तर त्यांनी त्यांच्या पूर्वजांकडे परत जावे. हिंदू होणे म्हणजे काय? आपला पहिला पूर्वज मनु आहे. आम्ही तर त्याच्या पायावर डोकं ठेवलेलं आहे आणि जगाला सांगतो की, या आणि मनूच्या पायावर डोकं ठेवा. आमचा हा धर्म आहे. तुम्ही आम्हाला काय म्हणता? आम्ही आमच्या जागेवर आहोत. आम्ही कोणालाही छेडत नाही. आम्ही आमच्या धर्मावर कधीच बोलत नाही. आज मी प्रथमच धर्मावर बोलत आहे. कारण तुम्ही आमच्या धार्मिक बाबींमध्ये ढवळाढवळ का करता. तुम्ही अशिक्षित आहात असे आम्ही म्हणतो. तुम्हाला या देशाबद्दल माहितीच नाही.
”आम्ही तुम्हाला देशाबद्दल सांगतो. अल्ला ने..ओमने मनुला या पृथ्वीवर आणले आहे. मनु म्हणजे आदम. त्याच्या पत्नीला आम्ही हव्वा म्हणतो. ते म्हणतात हमवती म्हणतात. त्यांनाच खाली आणले आहे. तेच आपले पूर्वज आहेत. प्रत्येकाचे पूर्वज असतात. पैगंबरांचे पूर्वज आहेत. रसूलांचे पूर्वज आहेत. हिंदूंचे पूर्वज आहेत. मुस्लिम, ख्रिश्चन आणि ज्यू यांचेही पूर्वज आहेत. सर्व जगाचे पूर्वज आहेत. आम्ही आमचे मस्तक त्याच्या चरणी ठेवले आहे. आम्ही मरू, पण तिथून डोकं काढणार नाही. आम्ही मुस्लिम आहोत. हा आमचा विश्वास आहे. अल्लाह म्हणजे ओम… एक आहे. इतर कोणी नाही. 1400 पासून या देशात राहत आहेत. आम्हाला कधी छेडण्यात आलेले नाही. तुम्ही छेडले आहे तर तुम्हाला पूर्वजांबद्दल सांगतो. तुमचे पूर्वज हिंदू नव्हते. तुमचे सर्वात पहिले आजोबा-पणजोबा… मनु होते. मनू एक अल्लाहची एक ओमची उपासना करणारा होता. तुम्हाला या देशाचा अभिमान वाटावा म्हणून मी हे बोललो आहे. प्रत्येक मुस्लिमाने हे समजून घेतले पाहिजे की, सर्वात पहिला पैगंबर अल्लाहने… ओमने या भारतभूमीत जन्माला घातला. इथून आपले वंश सुरू झाले. शरीयत वेगवेगळी आहे. पण धर्म एक आहे. लोक मार्गापासून दूर गेले आणि इतरांची पूजा करू लागले.
कोण आहेत अर्शद मदनी?
मौलाना अर्शद मदनी हे जमियत उलेमा-ए-हिंदचे अध्यक्ष आहेत. 8 फेब्रुवारी 2006 रोजी अर्शद मदनी हे त्यांचे मोठे भाऊ मौलाना असद मदनी यांच्यानंतर जमियत उलेमा-ए-हिंदचे अध्यक्ष म्हणून निवडून आले. 2012 मध्ये ते मुस्लिम वर्ल्ड लीग, मक्का, केएसएचे सदस्य म्हणून निवडून आले. यासोबतच मदनी हे सहारनपूरमधील दारुल-उलूम देवबंदमध्ये हदीसचे प्राध्यापक आणि ऑल इंडिया मुस्लिम पर्सनल लॉ बोर्डाचे सदस्य आहेत.
अर्शद मदनी हे अनेक धार्मिक संस्थांचे संरक्षक आणि सल्लागार देखील आहेत. त्यांचे वडील मौलाना सय्यद हुसैन अहमद मदनी हेदेखील जमियत उलेमा-ए-हिंदचे अध्यक्ष राहिले आहेत. ते माल्टामध्ये कैदी राहिलेले आहेत. यासोबत हुसेन अहमद मदनी हे दारुल उलूममधील शिक्षकांचे प्रमुख आणि हदीसचे प्राध्यापकही होते.
अर्शद यांनी 1997 मध्ये मदनी चॅरिटेबल ट्रस्टची स्थापना केली, जी पंजाब, हरियाणा आणि हिमाचल प्रदेशमध्ये धार्मिक शैक्षणिक संस्था चालवते. ट्रस्टने औद्योगिक प्रशिक्षण केंद्रेही स्थापन केली आहेत. अर्शद मदनी 1996 ते 2008 या काळात दारुल उलूम, देवबंद येथे अभ्यास संचालकही होते. याच संस्थेत 1982 मध्ये त्यांची शिक्षक म्हणून नियुक्ती झाली होती.
Maulana Arshad Madani Profile, Controversy Allah and Om are one, full statement
महत्वाच्या बातम्या
- दिल्ली-मुंबई एक्स्प्रेस वेचे उद्घाटन : मोदी म्हणाले- सीमेवर रस्ता बांधायला घाबरायची काँग्रेस, त्यांना सैनिकांच्या शौर्यावर संशय होता
- बिग बॉस 16चा किताब पुण्याचा रॅपर एमसी स्टॅनला : शिव ठाकरे रनरअप, सलमानसाठी प्रियांका चौधरी राहिली खरी विनर
- पैसा नाही कमी पडणार!; बंजारा समाजासाठी शिंदे – फडणवीस सरकारचा 593 कोटींचा विकास आराखडा!!