जमावाने लष्कराकडून शस्त्रे लुटल्यानंतर केंद्र सरकारने 3 ऑगस्ट रोजी हा निर्णय घेतला आहे.
विशेष प्रतिनिधी
नवी दिल्ली : मणिपूरमध्ये ३ मे रोजी सुरू झालेला कुकी आणि मैतई समुदायांमधील हिंसाचार थांबण्याचे नाव घेत नाही आहे. तुरळक घटनांसह हिंसाचाराचे हे चक्र अव्याहतपणे सुरू आहे. या पार्श्वभूमीवर मणिपूरमधील हिंसाचार रोखण्यासाठी केंद्र सरकारने केंद्रीय दलाच्या 10 अतिरिक्त तुकड्या तैनात करण्याचा निर्णय घेतला आहे. सीआरपीएफच्या 5, बीएसएफच्या 3, आयटीबीपी आणि एसएसबीच्या 1-1 अतिरिक्त कंपन्या तैनात करण्याचे आदेश जारी करण्यात आले आहेत. Manipur Violence Big action by central government 10 additional units of central forces deployed
जमावाने लष्कराकडून शस्त्रे लुटल्यानंतर केंद्र सरकारने 3 ऑगस्ट रोजी हा निर्णय घेतला आहे. या दिवशी जमावाने मोईरंग आणि नरसेना पोलिस स्टेशनवर हल्ला करून 685 शस्त्रे आणि 20 हजारांहून अधिक काडतुसे लुटली. जवानांकडून लुटण्यात आलेल्या शस्त्रांमध्ये एके-४७, इन्सास रायफल, हँड गन, मोर्टार, कार्बाइन, हँडग्रेनेड आणि बॉम्ब इत्यादींचा समावेश आहे. पोलिसांनी दिलेल्या माहितीनुसार, राज्यातील डोंगरी जिल्ह्यांतील तसेच खोऱ्यातील पोलीस ठाण्यांतून लुटीच्या घटना घडल्या आहेत.
भारतीय सुरक्षा दल ही शस्त्रे जप्त करण्यासाठी डोंगराळ आणि खोऱ्यात सतत शोध आणि तपास करत आहेत. या डोंगराळ जिल्ह्यांतून आतापर्यंत 138 शस्त्रे आणि 121 दारूगोळा जप्त करण्यात आला आहे. तर खोऱ्यातील जिल्ह्यांतून 1057 शस्त्रे आणि 14,201 दारूगोळा जप्त करण्यात आला आहे.
शस्त्रसाठा लुटण्याच्या घटनेनंतर कडक कारवाई करत पोलीस आणि सुरक्षा दलांनी 4 ऑगस्ट रोजी कौत्रुक टेकडी परिसरात शोधमोहीम राबवून 7 बेकायदा बंकर उद्ध्वस्त केले आहेत. हे नष्ट झालेले बंकर्स कोणत्या समुदायाचे आहेत? त्याचा पत्ता अद्याप लागलेला नाही.
Manipur Violence Big action by central government 10 additional units of central forces deployed
महत्वाच्या बातम्या
- ‘चांद्रयान-3’ बद्दल GOOD NEWS! चंद्राच्या कक्षेत पोहोचले, ‘इस्रो’ने दिली माहिती
- नेमाडेंची मुक्ताफळे; औरंगजेबाच्या दोन राण्या काशीच्या पंड्यांनी केल्या भ्रष्ट; शिवाजी महाराजांचा मुख्य सरदार मुसलमान, तर औरंगजेबाचा हिंदू!!
- Earthquake: दिल्ली-एनसीआर मध्ये ५.८ रिश्टर स्केलचा भूकंप, लोक घाबरून पळाले घराबाहेर
- तामिळनाडू : मंत्री व्ही.सेंथील बालाजी यांच्या निकटवर्तीयाच्या घरावर ‘ED’चा छापा!