वृत्तसंस्था
इंफाळ : Manipur मणिपूरच्या उखरुल जिल्ह्यात शनिवारी दुपारी सुमारे 2:30 वाजता एका निवृत्त लष्करी जवानासह दोन लोकांची गोळ्या झाडून हत्या करण्यात आली. एसडब्ल्यू चिनाओशांग (46 वर्षे) आणि यरुइंगम वाशुम (42 वर्षे) इंफाळहून उखरुलला जात असताना, अचानक दहशतवाद्यांनी त्यांच्या गाडीवर गोळीबार सुरू केला.Manipur
या घटनेच्या एक दिवस आधीच मुख्यमंत्री युमनाम खेमचंद सिंह यांनी उखरुलला भेट दिली होती आणि कुकी तसेच नागा समुदायांना शांतता व संवाद राखण्याचे आवाहन केले होते.Manipur
या प्रकरणाचा तपास राष्ट्रीय तपास यंत्रणा (NIA) कडे सोपवण्यात आला आहे. सुरक्षा दलांनी हल्लेखोरांच्या शोधात शोधमोहीम सुरू केली आहे. त्याचबरोबर सर्व समुदायांना शांतता राखण्याचे आणि कोणत्याही चिथावणीला बळी न पडण्याचे आवाहन करण्यात आले आहेManipur
कुकी कौन्सिलने घटनेचा निषेध केला
कुकी जो कौन्सिलने या घटनेत समुदायाच्या कोणत्याही भूमिकेचा इन्कार केला आहे. तर, तंगखुल नागा लाँग (TNL) च्या कार्यकारी समितीने घटनेचा निषेध केला आणि आरोप केला की हा हल्ला कुकी समुदायाने केला आहे. समितीने परिसरात त्वरित शोध मोहीम राबवण्याची आणि नागरिकांची सुरक्षा सुनिश्चित करण्याची मागणी केली आहे.
6 एप्रिलच्या बॉम्ब हल्ल्यात 2 मुलांचा मृत्यू
6 एप्रिल रोजी मणिपूरच्या बिष्णुपूर जिल्ह्यातील मोइरांग ट्रोंगलाओबी परिसरात रात्री उशिरा अतिरेक्यांनी एका घरावर बॉम्ब फेकला. यात 5 वर्षांच्या एका मुलाचा आणि सहा महिन्यांच्या एका मुलीचा मृत्यू झाला. पोलीस अधिकाऱ्यांनी सांगितले की, जेव्हा घरात बॉम्ब फुटला, तेव्हा मुले त्यांच्या आईसोबत बेडरूममध्ये झोपलेली होती.
त्यानंतर गर्दीने घटनास्थळापासून 100 मीटर दूर असलेल्या CRPF कॅम्पवरही हल्ला केला. प्रत्युत्तरादाखल केलेल्या गोळीबारात 2 जणांचा मृत्यू झाला, पाच जण जखमी झाले. मणिपूर सरकारने सध्याची कायदा आणि सुव्यवस्थेची परिस्थिती पाहता, इंफाळ पश्चिम, इंफाळ पूर्व, थौबल, काकचिंग आणि बिष्णुपूर जिल्ह्यांमध्ये इंटरनेट आणि मोबाईल डेटा सेवा 3 दिवसांसाठी बंद केली होती.
Manipur Ambush: Retired Soldier Among 2 Killed in Ukhrul; NIA Takes Over Probe
महत्वाच्या बातम्या
- Africa Detour : आफ्रिकेला वळसा घालून मध्य पूर्वेकडे जात आहे अमेरिकन युद्धनौका; हुती बंडखोरांच्या हल्ल्याची भीती
- Central Govt : केंद्र सरकारने महागाई भत्ता 2% ने वाढवला; 50 लाख सरकारी कर्मचाऱ्यांना आणि 69 लाख पेन्शनधारकांना होईल फायदा
- Rahul Gandhi : राहुल गांधींवरील FIRचा स्वतःचाच आदेश हायकोर्ट जजनी बदलला; नोटीसशिवाय FIR योग्य मानले नाही;
- उन्हाळा आणि पावसाळ्यात अखंड वीजपुरवठा करण्यासाठी AI द्या भर; ऊर्जा विभागाला मुख्यमंत्री देवेंद्र फडणवीसांचे निर्देश