वृत्तसंस्था
इंफाळ : मणिपूरमध्ये 3 मेपासून कुकी आणि मेईतेई समुदायांमध्ये सुरू असलेल्या हिंसाचारामुळे अनेक सरकारी कर्मचारी कार्यालयात जाऊ शकत नाहीत. रजेची मान्यता न घेता कार्यालयातून बेपत्ता झालेल्या या कर्मचाऱ्यांसाठी सरकार नवीन नियम आणत आहे.Manipur Govt to Implement No Work No Pay Rule; Due to the violence, the employees rushed to the office and took shelter in the camps
मणिपूर सरकारच्या एका अधिकाऱ्याने सांगितले की, राज्य सरकार लवकरच ‘नो वर्क-नो पे’ नियम लागू करणार आहे. सरकारने सर्व प्रशासकीय सचिवांना राज्यातील सध्याच्या परिस्थितीमुळे कामासाठी अहवाल न देणाऱ्या कर्मचाऱ्यांची माहिती देण्यास सांगितले आहे.
मणिपूरमध्ये सुमारे एक लाख सरकारी कर्मचारी आहेत. अधिकार्‍यांच्या म्हणण्यानुसार, मणिपूरमध्ये विस्थापित झालेल्या 65,000 हून अधिक लोकांनी, ज्यात अनेक राज्य सरकारी कर्मचार्‍यांचा समावेश आहे, त्यांनी मदत छावण्यांमध्ये आश्रय घेतला आहे.
नवीन नियमाला विरोध, कुकी म्हणाले – सरकार जीव धोक्यात घालत आहे
सरकारच्या नव्या नियमाला कुकी इम्पी मणिपूर (KIM) या कुकी आदिवासींच्या संघटनेने विरोध केला आहे. केआयएमचे सरचिटणीस खैखोहौह गंगटे म्हणाले, “मणिपूर सरकार आपल्या कर्मचार्‍यांचा, विशेषत: इम्फाळ खोऱ्यातून पळून गेलेल्यांचा जीव धोक्यात घालत आहे.” इंफाळला परत जाण्याचा कोणताही मार्ग नाही, असे ते म्हणाले. इंफाळला जाणे म्हणजे कुकी लोकांचा जीव धोक्यात घालणे.
या हिंसाचारात आतापर्यंत 131 जणांचा मृत्यू
हिंसाचाराच्या पार्श्वभूमीवर राज्यात इंटरनेट बंदी 30 जूनपर्यंत वाढवण्यात आली आहे. सर्वपक्षीय बैठकीत गृह मंत्रालयाने हिंसाचारात आतापर्यंत 131 जणांचा मृत्यू झाल्याची माहिती दिली. तर 419 जण जखमी झाले आहेत. जाळपोळीच्या 5 हजारांहून अधिक घटना घडल्या आहेत. सहा हजार गुन्हे दाखल करण्यात आले असून 144 जणांना अटक करण्यात आली आहे. राज्यात 36 हजार सुरक्षा कर्मचारी आणि 40 आयपीएस तैनात करण्यात आले आहेत.
मणिपूरमधील पोलिस ठाण्यांमधून जमावाने लुटली शस्त्रे
मणिपूरमध्ये, गेल्या महिन्यात झालेल्या हिंसाचारात लुटलेली 5,000 हून अधिक शस्त्रे जमावाकडून विकली जात आहेत. चार शस्त्र तस्करांना लष्कर आणि पोलिस कर्मचाऱ्यांनी अटक केल्याने हा प्रकार उघडकीस आला आहे. याप्रकरणी राखीव बटालियनच्या स्वयंपाक्यालाही अटक करण्यात आली आहे.
मात्र, त्याचे नाव समोर आले नाही. तस्करांकडून चार नऊ एमएम कार्बाइन, काही मॅगझिन, एअर पिस्तूल, दारूगोळा याशिवाय 21 जिवंत काडतुसे आणि 2.6 लाख रुपयांची रोकडही जप्त करण्यात आली आहे. दुसरीकडे नागालँडमध्ये आसाम रायफल्स आणि कोहिमा पोलिसांनी संयुक्त कारवाईत मणिपूरला जाणारी शस्त्रांची मोठी खेप जप्त केली आहे. यामध्ये दोन पिस्तूल, चार मॅगझिन, दारूगोळा आणि अन्य स्फोटक साहित्य जप्त करण्यात आले आहे.
मणिपूर हिंसाचाराच्या सुरुवातीच्या टप्प्यात पोलीस स्टेशन आणि सुरक्षा दलांकडून लुटलेली एक चतुर्थांश शस्त्रे जप्त करण्यात आली आहेत. आतापर्यंत 11,00 शस्त्रे, 13,702 दारुगोळा आणि विविध प्रकारचे 250 बॉम्ब जप्त करण्यात आले आहेत.
Manipur Govt to Implement No Work No Pay Rule; Due to the violence, the employees rushed to the office and took shelter in the camps
महत्वाच्या बातम्या
- केजरीवाल यांच्या सरकारी बंगल्याचे कॅग ऑडिट करणार; नूतनीकरणासाठी 53 कोटी रुपये खर्च, एलजींनी गृह मंत्रालयाला केली होती शिफारस
- आदिपुरुषवर अलाहाबाद हायकोर्ट म्हणाले- दरवेळी हिंदूंच्या सहिष्णुतेची परीक्षा कशाला? नशीब, त्यांनी कायदा मोडला नाही!
- पुतीनविरोधात बंड होणार हे अमेरिकेला माहिती होते, रिपोर्टमध्ये दावा- त्यांनी हे नाटोपासूनही लपवले
- काश्मीरमध्ये १५ दिवसांत ११ पाकिस्तानी दहशतवादी ठार; ५५ किलो ड्रग्ज अन् मोठ्याप्रमाणात शस्त्रंही जप्त!