Lockdown in Delhi : दिल्लीतील लॉकडाऊन आता आठवड्याभरासाठी वाढविण्यात आले आहे. दिल्लीचे मुख्यमंत्री अरविंद केजरीवाल यांनी ही माहिती दिली. ते म्हणाले की, दिल्लीत संसर्गाचे प्रमाण 35 टक्क्यांनी वाढले होते, म्हणून आम्हाला मजबुरीने कडक लॉकडाऊनचा निर्णय घ्यावा लागला होता. मुख्यमंत्री केजरीवाल म्हणाले की, “दिल्लीमध्ये लॉकडाऊन एक आठवड्यासाठी वाढविण्यात येत आहे, पुढच्या सोमवारी पहाटे पाच वाजेपर्यंत लॉकडाऊन लागू राहील. उद्यापासून दिल्लीत मेट्रो सेवाही बंद ठेवण्यात येणार आहे.” Lockdown in Delhi extends by a week, Metro closed from tomorrow, announces CM Kejriwal
विशेष प्रतिनिधी
नवी दिल्ली : दिल्लीतील लॉकडाऊन आता आठवड्याभरासाठी वाढविण्यात आले आहे. दिल्लीचे मुख्यमंत्री अरविंद केजरीवाल यांनी ही माहिती दिली. ते म्हणाले की, दिल्लीत संसर्गाचे प्रमाण 35 टक्क्यांनी वाढले होते, म्हणून आम्हाला मजबुरीने कडक लॉकडाऊनचा निर्णय घ्यावा लागला होता. मुख्यमंत्री केजरीवाल म्हणाले की, “दिल्लीमध्ये लॉकडाऊन एक आठवड्यासाठी वाढविण्यात येत आहे, पुढच्या सोमवारी पहाटे पाच वाजेपर्यंत लॉकडाऊन लागू राहील. उद्यापासून दिल्लीत मेट्रो सेवाही बंद ठेवण्यात येणार आहे.”
कोरोना रुग्णांबाबत दिल्लीचे मुख्यमंत्री म्हणाले, “26 एप्रिलपासून दिल्लीत कोरोनाची रुग्ण कमी होऊ लागले आणि मागच्या एक-दोन दिवसांत सकारात्मकतेचे प्रमाण 35% वरून 23% पर्यंत खाली आले आहे.” दिल्लीचे मुख्यमंत्री म्हणाले, लॉकडाऊन कालावधीत आम्ही आरोग्याशी संबंधित पायाभूत सुविधा आणखी मजबूत केल्या आहेत. ऑक्सिजन पुरवठ्यात समस्या आली. दिल्लीत आता परिस्थिती सुधारत आहे.
मागच्या 24 तासांत राजधानी दिल्लीत कोरोनाचे 17 हजार 364 नवीन रुग्ण आढळले. यादरम्यान 332 रुग्णांचा मृत्यू झाला. दिल्लीमध्ये कोरोना संक्रमणामुळे आतापर्यंत 19,071 जणांचा मृत्यू झाला आहे, तर कोरोनाचे एकूण रुग्ण 13 लाख 10 हजार 231 झाले आहेत. राज्यात सध्या 87 हजार 907 सक्रिय रुग्णांवर उपचार सुरू आहेत.
मुख्यमंत्री म्हणाले की, दिल्लीतील सर्वात मोठी समस्या ऑक्सिजनची होती. सामान्य दिवसांपेक्षा दिल्लीत बर्‍याच वेळा ऑक्सिजनची आवश्यकता भासू लागली होती. गेल्या अनेक दिवसांपासून उच्च न्यायालय आणि सर्वोच्च न्यायालयाच्या आदेशानंतर आणि केंद्र सरकारच्या सहकार्यानंतर ऑक्सिजनची परिस्थिती येथे बरीच सुधारली आहे.
Lockdown in Delhi extends by a week, Metro closed from tomorrow, announces CM Kejriwal
महत्त्वाच्या बातम्या
- DRDO चे अँटी कोरोना औषध 11 मेपासून होणार उपलब्ध, सुरुवातीला 10 हजार डोस येणार, रेड्डींची माध्यमांना माहिती
- आसामच्या मुख्यमंत्रिपदासाठी हेमंत बिस्व सरमांची निवड, उद्याच होऊ शकतो शपथविधी
- कोरोनाविरुद्ध युद्धात ग्रामपंचायतींना केंद्र सरकारचे पाठबळ, वेळेआधीच दिले तब्बल 8923.8 कोटींचे अनुदान, महाराष्ट्राला किती जाणून घ्या…
- अशी ही पळवापळवी : महाराष्ट्रातील इतर जिल्हे उपाशी, आरोग्यमंत्री टोपेंचा जालना मात्र तुपाशी! लसीकरणातील भेदभावावरून केंद्राने मागितले स्पष्टीकरण
- Times Square Firing : अमेरिकेत टाइम्स स्क्वेअरमध्ये दोन गटांत गोळीबार, खेळणी खरेदीसाठी आलेल्या 4 वर्षांच्या चिमुरडीसह तीन जण गंभीर जखमी