वृत्तसंस्था
चेन्नई : निवडणुका येताच उमेदवार जनतेला आकर्षित करण्यासाठी वेगवेगळे डावपेच अवलंबतात. काही लोक लोकप्रिय आश्वासने देतात तर बरेच लोक मते मिळविण्यासाठी एक दिवसाचे न्हावी बनण्यास तयार होतात. होय! तुम्ही बरोबर ऐकले. असाच काहीसा प्रकार तामिळनाडूतील रामेश्वरममध्ये पाहायला मिळाला. जिथे एक उमेदवार सलूनमध्ये लोकांची दाढी करताना दिसला. एनएनआय या वृत्तसंस्थेने एक व्हिडिओ शेअर केला आहे. ज्यामध्ये 2024च्या लोकसभा निवडणुकीत उभे असलेले उमेदवार लोकांची दाढी करताना दिसत आहे.Leader shaves for votes, candidate shaves voter’s beard for election, video goes viral
अलीकडेच, ANI ने X वर एक व्हिडिओ शेअर केला आहे, ज्याच्या कॅप्शनमध्ये तमिळनाडूच्या रामेश्वरममधून अपक्ष उमेदवार परीराजन निवडणूक प्रचारादरम्यान एका दिवसासाठी न्हावी बनल्याचे लिहिले आहे. या व्हिडिओमध्ये परिराजन एका पुरुषाची दाढी करताना दिसत आहे. त्या माणसाने चेहऱ्यावर फेस लावलेला दिसतो आणि परिराजन वस्तऱ्याने त्याची दाढी करत आहेत. दाढी केल्यानंतर, परिराजन हात जोडून लोकांना मतदानासाठी आग्रह करताना दिसत आहेत.
हा व्हिडिओ 28 हजारांहून अधिक वेळा पाहिला गेला आहे. हा व्हिडिओ सोशल मीडियावर व्हायरल झाला आहे. या व्हिडिओवर अनेक सोशल मीडिया युजर्सनी आपली प्रतिक्रिया दिली आहे. एका यूजरने लिहिले की, “तो निवडणुकीच्या वेळी जनतेचा खरा सेवक बनण्याचा प्रयत्न करत आहे, पण जिंकल्यानंतर तो दिसणार नाही आणि स्वत:ला सम्राट समजू लागेल.” दुसऱ्या यूजरने लिहिले की, “हे लोक निवडणुकीपर्यंत सर्व काही करतील, निवडणुकीनंतर म्हणतील- तुम्ही कोण?”
Leader shaves for votes, candidate shaves voter’s beard for election, video goes viral
महत्वाच्या बातम्या
- आपने नव्या वादाला फोडले तोंड, भगतसिंग-आंबेडकरांसोबत केजरीवालांचा फोटो, भाजपने घेतला आक्षेप
- मिशन 400 च्या नाहीत नुसत्याच गप्पा; भाजपने वाढविला तरी कसा मुस्लिम मतांचा टक्का??; वाचा सविस्तर!!
- लडाखमध्ये ‘इमर्जन्सी लँडिंग’ दरम्यान IAFच्या अपाचे हेलिकॉप्टरला अपघात
- लैंगिक शोषण प्रकरणी बृजभूषण शरण सिंह यांच्याविरोधात निकाल राखून ठेवला