• Download App
    केरळमध्ये चर्चचा वार्षिक कार्यक्रम ठरला सुपरस्प्रेडर, 110 पादरींना कोरोनाची लागण, 2 जणांचा मृत्यू । Kerala CSI church holds retreat violating COVID-19 protocol, 110 priests positive, 2 die

    केरळमध्ये चर्चचा वार्षिक कार्यक्रम ठरला सुपरस्प्रेडर, ११० पादरींना कोरोनाची लागण, २ जणांचा मृत्यू

    Kerala CSI church : केरळमधील मुन्नार येथे गेल्या महिन्यात कोरोना नियमांचे उल्लंघन करत वार्षिक कार्यक्रमात सहभागी झालेल्या चर्च ऑफ साउथ इंडियाचे 100 हून अधिक पास्टर कोरोनाची लागण झाल्याचे आढळले आहे. या कार्यक्रमात सहभागी झालेल्या दोन पादरींचा मृत्यूही झाला आहे. केरळ पोलिसांनी आता या प्रकरणाचा तपास सुरू केला आहे. Kerala CSI church holds retreat violating COVID-19 protocol, 110 priests positive, 2 die


    वृत्तसंस्था

    तिरुवनंतपुरम : केरळमधील मुन्नार येथे गेल्या महिन्यात कोरोना नियमांचे उल्लंघन करत वार्षिक कार्यक्रमात सहभागी झालेल्या चर्च ऑफ साउथ इंडियाचे 100 हून अधिक पास्टर कोरोनाची लागण झाल्याचे आढळले आहे. या कार्यक्रमात सहभागी झालेल्या दोन पादरींचा मृत्यूही झाला आहे. केरळ पोलिसांनी आता या प्रकरणाचा तपास सुरू केला आहे.

    ज्यांना संसर्ग झाला त्यामध्ये चर्च ऑफ साउथ इंडिया (सीएसआय) चे दक्षिण केरळ बिशप फादर धर्मराजा रसलाम यांचा समावेश होता. त्याच वेळी 52 वर्षीय फादर बिजुमन आणि 43 वर्षीय रेव्ह शाईन बी राज यांचे गत आठवड्यात कोरोनामुळे निधन झाले. याबाबत सीएसआयने यावरील प्रश्नांची उत्तरे टाळली आहेत. परंतु चर्चमधील काही जणांनी याला दुजोरा दिला आहे. मुख्यमंत्री पिनाराई विजयन यांनी हे प्रकरण दुर्दैवी असल्याचे सांगितले आणि जिल्हा प्रशासनाला चौकशीचे आदेश दिले आहेत. ते असेही म्हणाले की, जेव्हा परिस्थिती अत्यंत धोकादायक असते, तेव्हा अशा घटना घडू नयेत.

    स्थानिक माध्यमांच्या वृत्तानुसार, करकोणममधील सीएसआय मेडिकल कॉलेजमध्ये संसर्ग झालेल्या 40 पादरींवर उपचार केले जात आहेत. रुग्णालय प्रशासनानेही यासंदर्भात उत्तर देण्यास नकार दिला आहे. इडुक्कीचे जिल्हाधिकारी एच. दिनेश म्हणाले, ‘या कार्यक्रमास जिल्हा प्रशासनाकडून मान्यता घेण्यात आलेली नाही. आम्ही या प्रकरणाचा तपास करत आहोत. आम्ही आयोजकांवर कठोर कारवाई करू.

    चर्चमधील सूत्रांनी सांगितले की, हा कार्यक्रम 13 ते 17 एप्रिलदरम्यान झाला. यावेळी, सर्व कोरोनाचे सर्व नियम पायदळी तुडवण्यात आले होते. काही तरुण पादरींनी कोरोना कालावधीतील कार्यक्रमावर प्रश्न उपस्थित केले, परंतु त्यांना चर्च प्रशासनाने शिस्तभंगाच्या कारवाईची धमकी देऊन शांत केले. तथापि, चर्चच्या प्रवक्त्याने ही बातमी फेटाळून लावत म्हटले की, हा सर्व चर्चची प्रतिमा डागाळण्याचा प्रयत्न आहे. तथापि, प्रवक्त्याने कबूल केले की चर्चच्या दोन पादरींचा मृत्यू हा कोरोनामुळे झाला आहे.

    Kerala CSI church holds retreat violating COVID-19 protocol, 110 priests positive, 2 die

    महत्त्वाच्या बातम्या

    Related posts

    Dombivli rape : 15 वर्षाच्या मुलीला वेश्या व्यवसायात ढकलले, डोंबिवलीतले धक्कादायक प्रकरण उघड; राष्ट्रीय महिला आयोगाने घेतली दखल!!

    Rahul Gandhi and Jairam Ramesh : राहुल गांधी + जयराम रमेश यांना संघाचे दिसले “कुसळ”; पण दिसले नाही काँग्रेसच्याच आशीर्वादाने कम्युनिस्टांनी सरकारी संस्थांमध्ये घुसवलेले “मुसळ”!!

    भारताने सिंधूचे पाणी रोखले, तर चीन ब्रह्मपुत्रेचे पाणी रोखेल; पण चिन्यांकडे आहेच किती ब्रह्मपुत्रा??; वाचा खरा आकडा!!