वृत्तसंस्था
नवी दिल्ली : दिल्ली मद्य धोरणाशी संबंधित भ्रष्टाचार प्रकरणी राऊस ॲव्हेन्यू कोर्टाने बुधवारी (5 मे) अरविंद केजरीवाल यांच्या न्यायालयीन कोठडीत 19 जूनपर्यंत वाढ केली. केजरीवाल यांना न्यायालयातूनच VC मार्फत हजर करण्यात आले.Kejriwal’s judicial custody extended till June 19; The court rejected the interim bail application
न्यायालयाने केजरीवाल यांचा वैद्यकीय आधारावर 7 दिवसांचा जामीन मागणारा अंतरिम जामीन अर्ज फेटाळला. तसेच केजरीवाल यांच्या आवश्यक वैद्यकीय चाचण्या घेण्याच्या सूचना अधिकाऱ्यांना देण्यात आल्या आहेत.
1 मे रोजी झालेल्या सुनावणीत विशेष न्यायाधीश कावेरी बावेजा यांनी केजरीवाल यांच्या जामीन अर्जावरील निर्णय 5 जूनपर्यंत राखून ठेवला होता. केजरीवाल यांनी त्यांच्या वैद्यकीय चाचण्या करून घेण्यासाठी 7 दिवसांचा जामीन मागितला होता, परंतु अंमलबजावणी संचालनालयाने (ईडी) न्यायालयात त्यांच्या अपीलला विरोध केला होता.
केजरीवाल यांना 21 मार्च रोजी अटक करण्यात आली होती. सर्वोच्च न्यायालयाने 10 मे रोजी त्यांना अंतरिम जामीन मंजूर केला होता. 21 दिवस जामिनावर बाहेर राहिल्यानंतर केजरीवाल यांनी 2 जून रोजी सायंकाळी 5 वाजता तिहारमध्ये सरेंडर केले.
त्यानंतर सुमारे 30 मिनिटांनी त्यांना 5 जूनपर्यंत ईडी न्यायालयीन कोठडीत पाठवण्यात आले. एजन्सीने केजरीवाल यांच्या कोठडीसाठी अर्ज दाखल केला होता, परंतु दिल्लीचे मुख्यमंत्री अंतरिम जामिनावर असल्याने अर्ज प्रलंबित होता.
ईडीचा दावा – केजरीवाल यांचे वजन 7 किलोने कमी झाले नाही, तर 1 किलोने वाढले आहे
ईडीने न्यायालयात दावा केला होता की केजरीवाल यांनी तथ्य दडपले आहे आणि त्यांच्या आरोग्याबाबत खोटी विधाने केली आहेत. त्यांचे वजन 1 किलोने वाढले आहे, परंतु त्यांचे वजन 7 किलोने कमी झाल्याचा तो खोटा दावा करत आहेत.
सॉलिसिटर जनरल तुषार मेहता यांनी न्यायालयाला सांगितले होते की, केजरीवाल यांनी 31 मे रोजी पत्रकार परिषदेत 2 जून रोजी सरेंडर करणार असल्याचा दिशाभूल करणारा दावाही केला होता. मात्र, केजरीवाल यांच्या वकिलाने न्यायालयात सांगितले की, ते आजारी असून त्यांच्यावर उपचारांची गरज आहे. मात्र, न्यायालयाने जामीन अर्जावरील निर्णय 5 जूनपर्यंत राखून ठेवला आहे.
केजरीवाल 39 दिवसांनंतर तिहार तुरुंगातून बाहेर आले
केजरीवाल 39 दिवसांनंतर 10 मे रोजी तिहार तुरुंगातून बाहेर आले. ईडीने त्यांना 21 मार्च रोजी अटक केली होती. यापूर्वी तपास यंत्रणेने त्यांना 9 समन्स पाठवले होते. मात्र, केजरीवाल एकदाही चौकशीसाठी तपास यंत्रणेसमोर हजर झाले नाहीत.
केजरीवाल अटकेनंतर पहिले 10 दिवस ईडीच्या कोठडीत होते. 1 एप्रिल रोजी न्यायालयाने त्यांची रवानगी न्यायालयीन कोठडीत तिहार तुरुंगात केली होती. 10 मे पर्यंत म्हणजेच त्यांनी तिहारमध्ये 39 दिवस घालवले. 10 मे रोजी सायंकाळी ते बाहेर पडले.
Kejriwal’s judicial custody extended till June 19; The court rejected the interim bail application
महत्वाच्या बातम्या
- NDA 8 जून करू शकते सरकार स्थापनेचा दावा; राष्ट्रपती भवनात 9 जूनला शपथविधीची शक्यता
- दिल्ली विमानतळावर स्टालिन + चंद्राबाबू यांच्यात नुसत्याच गाठीभेटी; की NDA – INDI आघाडीत एकमेकांची सेंधमारी??
- मुस्लिम प्रभाव क्षेत्रात एकगठ्ठा मतदानाचा भाजपला देशभरात 30 % फटका!!; ममता + राहुल + अखिलेश + उद्धव या “लाभार्थीं”च्या जागा वाढल्या!!
- NDAच्या बैठकीपूर्वी नितीश सरकारने केली ‘ही’ मोठी मागणी