जाणून घ्या, कर्नाटकात प्रसारमाध्यमांशी बोलताना देवेंद्र फडणवीस नेमकं काय म्हणाले?
विशेष प्रतिनिधी
बेळगाव : कर्नाटक विधानसभा निवडणूकीस अवघे काही दिवस शिल्लक राहिले आहेत आणि सर्वच राजकीय पक्षांचा प्रचार शिगेला पोहचला आहे. आरोप-प्रत्यारोप जोरदार सुरू आहेत. दरम्यान आज उपमुख्यमंत्री देवेंद्र फडणवीस यांनी प्रसारमाध्यमांशी बोलताना मराठी भाषिकांच्या पाठीशी भाजपा असल्याचे सांगितले तसेच ठाकरे गटाचे खासदार संजय राऊतांवरही निशाणा साधला. Karnataka Election 2023 If Sanjay Raut leaves Congress I will not come here Devendra Fadnavis
देवेंद्र फडणवीस म्हणाले, ‘’भारतीय जनता पार्टी एक राष्ट्रीय पक्ष आहे. यापूर्वीही लोकसभेच्या निवडणुकीसाठी मी इथे आलो होतो. परंपरेचा जर विचार केला तर विलासराव देशमुख हे महाराष्ट्राचे मुख्यमंत्री असताना काँग्रेसचे इन्चार्ज होते आणि संपूर्ण कर्नाटकमध्ये, सगळीकडे ते फिरत होते. त्यामुळे मला असं वाटतं की माझ्या पक्षाची भूमिका मांडण्यासाठी या ठिकाणी आलो आहे. मराठी भाषिकांच्या मागे मी पण आहे आणि भारतीय जनता पार्टी देखील आहे. म्हणूनच ‘मराठा बोर्ड’ हा भारतीय जनता पार्टीने तयार केला आहे.’’
याचबरोबर तुम्हाला काळे झेंडे दाखवण्याचा इशारा महाराष्ट्र एकीकरण समितीने दिलाय, यावर फडणवीसांनी ‘’संजय राऊतांनी जर काँग्रेसची दलाली सोडली, तर मी इथे येणार नाही. ते काँग्रेसची दलाली करण्यासाठी इथे येत आहेत. आम्हाला सांगण्यापेक्षा, संजय राऊतांचा मित्र पक्ष काँग्रेस आहे. त्यांनी काँग्रेसला सांगायला पाहिजे होतं की तुम्ही इथे उमेदवार उभे करू नका. तुम्ही त्यांच्या नेत्यांना प्रचाराला आणू नका. ते असं बोलत नाहीत, कारण काँग्रेसच्या सांगण्यावर आमची मतं कमी करण्याकरता काँग्रेसची दलाली करण्यासाठी संजय राऊत या ठिकाणी आले आहेत.’’ अशा शब्दांत राऊतांना टोला लगावला.
Karnataka Election 2023 If Sanjay Raut leaves Congress I will not come here Devendra Fadnavis
महत्वाच्या बातम्या
- कार्यकर्त्यांच्या भावनांकडे दुर्लक्ष नाही!!; याचा अर्थ 2024 पर्यंत पवार राष्ट्रवादीचे अध्यक्ष??; बाकीच्या फॉर्म्युल्यात बाळासाहेबांची कॉपी??
- मी मुख्यमंत्री म्हणून काय केले हे जगजाहीर, प्रत्येकाला मी त्यांच्या कुटुंबातला सदस्य वाटतो; उद्धव ठाकरेंचे पवारांना प्रत्युत्तर
- राष्ट्रवादी काँग्रेसच्या नेतृत्वाबाबत शरद पवारांचं मोठं विधान! कार्यकर्त्यांना म्हणाले ‘’दोन दिवसानंतर तुम्हाला…’’
- Colonial loot : ब्रिटीशांनी भारतातून ‘कोहिनूर’सह मौल्यवान रत्न कशी लुटली?