वृत्तसंस्था
मुंबई : कॅनरा बँकेसोबत फसवणूक केल्याचा आरोप असलेले जेट एअरवेजचे संस्थापक नरेश गोयल शनिवारी, 6 जानेवारी रोजी मुंबईच्या विशेष न्यायालयात हजर झाले. त्यांनी न्यायालयाला सांगितले की, मी जीवनाची आशा गमावली आहे. माझी तब्येत खूप खालावली आहे. तुरुंगात मरणे बरे. असे म्हणत नरेश गोयल यांनी हात जोडले.Jet Airways founder Naresh Goyal told the court “It would be better if I died in jail
गोयल पुढे म्हणाले की, मला माझी पत्नी अनिताची खूप आठवण येते. ती कर्करोगाच्या शेवटच्या टप्प्यात आहे. यानंतर न्यायाधीश म्हणाले की, तुम्हाला निराधार सोडणार नाही.
नरेश यांनी विशेष न्यायाधीश एम. जी. देशपांडे यांच्यासमोर जामीन अर्ज दाखल केला होता. त्यांना न्यायालयात हजर करण्यात आले आणि कार्यवाहीदरम्यान त्यांनी वैयक्तिक सुनावणीची विनंती केली, जी न्यायाधीशांनी मान्य केली.
गोयल यांच्यावर कॅनरा बँकेची 538 कोटी रुपयांची फसवणूक केल्याचा आरोप आहे. अंमलबजावणी संचालनालयाने (ईडी) नरेश गोयल यांना कथित बँक फसवणुकीप्रकरणी गेल्या वर्षी 1 सप्टेंबर रोजी अटक केली होती. ते अजूनही न्यायालयीन कोठडीत आहेत.
काय म्हणाले न्यायाधीश…
मी त्यांचे लक्षपूर्वक ऐकले आणि ते आपले विचार मांडत असताना त्यांचे बारकाईने निरीक्षण केले. त्यांचे शरीर थरथरत असल्याचे मला आढळले. त्यांना उभे राहण्यासाठी आधाराची गरज आहे.
नरेश गोयल यांनी सांगितलेल्या प्रत्येक गोष्टीकडे मी लक्ष दिले. मी आरोपीला निराधार सोडणार नाही, असे आश्वासन दिले. त्यांच्या मानसिक आणि शारीरिक आरोग्याची सर्वतोपरी काळजी घेतली जाईल आणि त्यांच्यावर उपचार केले जातील.
काय आहे प्रकरण….
जेट एअरवेजला 848.86 कोटी रुपयांची क्रेडिट मर्यादा आणि कर्ज देण्यात आले, त्यापैकी 538.62 कोटी रुपये थकित आहेत. हे खाते 29 जुलै 2021 रोजी फसवणूक म्हणून घोषित करण्यात आले.
सीबीआयने 5 मे रोजी गोयल यांच्या मुंबईतील कार्यालयासह 7 ठिकाणांची झडती घेतली होती. नरेश गोयल, पत्नी अनिता आणि जेट एअरवेजचे माजी संचालक गौरांग शेट्टी यांच्या घरांवरही छापे टाकण्यात आले.
सीबीआयच्या एफआयआरच्या आधारे ईडीने 19 जुलै रोजी मनी लाँड्रिंगचा गुन्हा दाखल केला. त्यानंतर ईडीने गोयल आणि त्यांच्या साथीदारांच्या परिसरात छापे टाकून झडती घेतली.
बँकेचा आरोप – पैशांचा गैरवापर
जेट एअरवेजच्या फॉरेन्सिक ऑडिटमध्ये जेटने 1,410.41 कोटी रुपये संबंधित कंपन्यांना हस्तांतरित केल्याचा आरोप कॅनरा बँकेने केला होता. कंपनीच्या खात्यातून पैसे काढण्यासाठी हा प्रकार करण्यात आला.
गोयल कुटुंबाचा वैयक्तिक खर्च – जसे कर्मचारी पगार, फोन बिल आणि वाहन खर्च – हे सर्व जेट एअरवेजने उचलले होते. गोयल यांनी 1993 मध्ये जेट एअरवेजची स्थापना केली. 2019 मध्ये एअरलाइनचे अध्यक्षपद सोडले.
Jet Airways founder Naresh Goyal told the court “It would be better if I died in jail
महत्वाच्या बातम्या
- एआययूडीएफ प्रमुखांचा मुस्लिमांना 20 ते 26 जानेवारीपर्यंत प्रवास न करण्याचा सल्ला, भाजपचा पलटवार- अजमल-ओवैसींनी द्वेष पसरवला
- सदोष औषधे परत मागवल्याबद्दल ड्रग्ज अथॉरिटीला माहिती द्यावी लागेल; सरकारची कंपन्यांना सूचना- WHO स्टँडर्डनुसार टेस्ट करा
- खोटं बोलून, युती तोडून उद्धव ठाकरे टुणकन मुख्यमंत्री पदाच्या खुर्चीवर; मुख्यमंत्री शिंदे “मिशन 48” मोहिमेवर!!
- गाझा पूर्णपणे उद्ध्वस्त झाला आहे, आता राहण्यायोग्य नाही’