सातव्यांदा अजामीनपात्र वॉरंट जारी झाल्यानंतरही सुनावणीसाठी न्यायालयात पोहोचल्या नव्हत्या
विशेष प्रतिनिधी
रामपूर : बॉलिवूड अभिनेत्री आणि नंतर राजकारणात आलेल्या जया प्रदा यांच्या अडचणी वाढल्या आहेत. एका जुन्या प्रकरणात न्यायालयाने त्यांना अटक करण्याचे आदेश दिले आहेत. रामपूर खासदार/आमदार न्यायालयाने पोलीस अधीक्षकांना जया प्रदा यांना अटक करून २७ फेब्रुवारी रोजी न्यायालयात हजर करण्याचे आदेश दिले आहेत.Jaya Pradas trouble increased ordered to arrest her and produce her in court
न्यायालयाने पोलीस अधीक्षकांना विशेष पथक तयार करून जया प्रदा यांना अटक करून न्यायालयात हजर करण्याचे आदेश दिले आहेत. वरिष्ठ अभियोग अधिकारी अमरनाथ तिवारी यांनी सांगितले की, माजी खासदार जया प्रदा यांच्याविरुद्ध सातव्यांदा अजामीनपात्र वॉरंट जारी झाल्यानंतरही त्या सोमवारी सुनावणीसाठी न्यायालयात पोहोचल्या नव्हत्या. जया प्रदा आचारसंहिता भंगाच्या दोन प्रकरणांत ‘फरार’ आहेत.
काय आहे संपूर्ण प्रकरण –
वास्तविक, 2019 मध्ये जयाप्रदा यांनी भाजपच्या तिकिटावर रामपूर लोकसभा मतदारसंघातून निवडणूक लढवली होती. निवडणुकीदरम्यानच त्यांच्यावर आचारसंहितेचा भंग केल्याचा आरोप करण्यात आला होता. याप्रकरणी त्यांच्यावर दोन गुन्हे दाखल करण्यात आले होते. दोन्ही प्रकरणे रामपूरच्या खासदार/आमदार न्यायालयात सुरू आहेत.
जया प्रदा सलग अनेक सुनावणीत हजर राहिल्या नाहीत. त्यानंतरच त्यांच्याविरुद्ध एक एक अजामीनपात्र वॉरंट जारी करण्यात आले. असे असतानाही त्या न्यायालयात पोहोचल्या नाहीत, त्यामुळे आता त्यांना अटक करून हजर करण्याचे आदेश न्यायालयाने दिले आहेत.
Jaya Pradas trouble increased ordered to arrest her and produce her in court
महत्वाच्या बातम्या
- जयंत चौधरी यांच्या पक्षाची एनडीएला साथ, यूपीमध्ये इंडिया आघाडीला मोठा धक्का
- तृणमूल काँग्रेसच्या नेत्यावर लैंगिक छळ आणि जमीन बळकावल्याचा आरोप; राज्यपाल म्हणाले – हा भयंकर आणि धक्कादायक प्रकार
- पाकिस्तानच्या निवडणुका अवैध घोषित करण्यासाठी सुप्रीम कोर्टात याचिका; काळजीवाहू पंतप्रधानांनी दिले स्पष्टीकरण
- महाराष्ट्रातील जिल्हा रुग्णालयांच्या कायाकल्पासाठी आशियायी बँकेचे 4000 कोटींचे कर्ज मंजूर; पहिल्या टप्प्यात 1200 कोटी मिळणार!!