20 लाखांचे बक्षीसही जाहीर केले
विशेष प्रतिनिधी
नवी दिल्ली: जम्मू-काश्मीरमधील रियासी जिल्ह्यात शिव खोडी येथून परतणाऱ्या भाविकांनी भरलेल्या बसवर दहशतवाद्यांनी हल्ला केला. दहशतवाद्यांनी चालत्या बसवर गोळीबार केला, त्यामुळे बस असंतुलित होऊन खाडीत पडली. त्यामुळे ९ भाविकांचा जागीच मृत्यू झाला असून ४१ हून अधिक भाविक जखमी झाले आहेत. या हल्ल्यानंतर जम्मू-काश्मीर पोलीस सक्रिय झाले असून संपूर्ण परिसरात सर्च ऑपरेशन सुरू आहे. दरम्यान, पोलिसांनी गोळीबार करणाऱ्या दहशतवाद्याचे रेखाचित्रही जारी केले आहे.Jammu Kashmir Police released sketches of terrorists involved in terror attacks in Reasi bus
स्केच जारी करताना पोलिसांनी माहिती देणाऱ्यास 20 लाख रुपयांचे बक्षीस जाहीर केले आहे. या दहशतवादी हल्ल्यानंतर जंगलात सर्च ऑपरेशन सुरु असून सुरक्षा दलाच्या 11 टीम जंगलाच्या प्रत्येक कोपऱ्यात दहशतवाद्यांचा शोध घेत आहेत. जंगल परिसरात ड्रोनच्या मदतीने शोध सुरू आहे. या दहशतवादी हल्ल्यामागे पाकिस्तानी दहशतवादी अब्बू हमजा आणि हदून असल्याचे बोलले जात आहे. मात्र, पोलिस आणि सुरक्षा यंत्रणांबाबत ठोस माहिती समोर आलेली नाही.
या घटनेतील एका पीडितेने सांगितले की, बस वेगाने जात होती, यादरम्यान एक व्यक्ती रस्त्याच्या मधोमध आला आणि त्याने येताच गोळीबार सुरू केला. तो सतत गोळीबार करत राहिला, त्यामुळे बस चालकाचा बसवरील ताबा सुटला आणि बसवर नियंत्रण ठेवता आलं नाही आणि बस थेट खाली पडली. बस पडल्यानंतरही त्याने गोळीबार सुरूच ठेवला. सुमारे 10 मिनिटे तो गोळीबार करत होता. पीडितेने सांगितले की, आम्ही सुमारे 30 मिनिटे बसमध्ये अडकून राहिलो आणि जेव्हा लोकांनी ते पाहिले तेव्हा त्यांनी आवाज करायला सुरुवात केली.
Jammu Kashmir Police released sketches of terrorists involved in terror attacks in Reasi bus
महत्वाच्या बातम्या
- जयपूरच्या ज्वेलरने केली अमेरिकन महिलेची फसवणूक, 300 रुपयांचा बनावट दागिने तब्बल 6 कोटींना विकला
- UGCची मोठी घोषणा : आता विद्यापीठांमध्ये वर्षातून दोनदा प्रवेश मिळणार; जुलैनंतर जानेवारीतही प्रवेश प्रक्रिया
- केंद्र सरकारची मोठी घोषणा : लेफ्टनंट जनरल उपेंद्र द्विवेदी होणार नवीन लष्करप्रमुख; 30 जूनला पदभार स्वीकारणार
- बजरंग सोनवणे आले पवारांच्या पक्षातून निवडून, आता फोन मात्र अजितदादांना!!; मिटकरींच्या पोस्टमुळे खळबळ!!