वृत्तसंस्था
श्रीनगर : Jammu and Kashmir जम्मू-काश्मीर विधानसभा निवडणुकीसाठी भाजपने मंगळवारी 29 उमेदवारांची तिसरी यादी जाहीर केली. यामध्ये दुसऱ्या टप्प्यातील 10 आणि तिसऱ्या टप्प्यातील 19 उमेदवारांच्या नावांचा समावेश आहे. जम्मूतील वादानंतर 26 ऑगस्ट रोजी पक्षाने 5 तासांत 3 याद्या जाहीर केल्या. पहिल्या यादीत 44 नावे होती, विरोध झाल्यावर सर्व नावे मागे घेण्यात आली. नंतर 15 नावे आणि नंतर एक नाव जाहीर केले. 26 ऑगस्ट रोजी जम्मूतील पक्ष कार्यकर्त्यांनी पहिल्या यादीला विरोध केला होता. प्रदेशाध्यक्षांनी स्वतःला खोलीत कोंडून घेतले होते. त्यानंतरच 44 नावांची पहिली यादी थांबवण्यात आली.
आज जाहीर झालेल्या तिसऱ्या यादीत पक्षाने कालच्या २८ नावांची पुनरावृत्ती केली आहे. केवळ श्रीमाता वैष्णोदेवी मतदारसंघातून पक्षाने रोहित दुबे यांचे नाव बदलून बलदेव राज शर्मा यांना तिकीट दिले आहे. जम्मू-काश्मीरमधील 90 जागांसाठी 18 सप्टेंबर ते 1 ऑक्टोबर दरम्यान तीन टप्प्यात मतदान होणार आहे. 4 ऑक्टोबर 2024 रोजी निकाल लागतील. सरकार स्थापन करण्यासाठी बहुमताचा आकडा 46 आहे.
मोदी-शहांसह 40 स्टार प्रचारक केले
जम्मू-काश्मीरमधील निवडणूक प्रचारासाठी भाजपने पंतप्रधान नरेंद्र मोदी, गृहमंत्री अमित शहा आणि पक्षाध्यक्ष जेपी नड्डा यांच्यासह 40 स्टार प्रचारकांची यादी जाहीर केली. या यादीत शिवराज चौहान, योगी आदित्यनाथ आणि स्मृती इराणी यांचीही नावे आहेत.
29 names in BJP’s third list in Jammu and Kashmir
महत्वाच्या बातम्या
- Omar Abdullah : काँग्रेसचा हिंदू विरोधाचा बुरखा फाटला; शंकराचार्य पर्वताचे नामांतर तख्त ए सुलेमान करण्यास काँग्रेसचा आक्षेप नाही!!
- Eknath shinde : शिवाजी महाराज पुतळा कोसळल्या प्रकरणी मुख्यमंत्र्यांनी नेमक्या कारणांचा खुलासा!!
- Mallikarjun Kharge : मल्लिकार्जुन खरगेंची केंद्रावर टीका, म्हणाले – युनिफाइड पेन्शनमध्ये यू म्हणजे सरकारचा यू-टर्न
- Himanta Sarma : हिमंता सरमा म्हणाले- बांगलादेशातून एका महिन्यात एकही हिंदू आलेला नाही, ते तेथेच राहून लढत आहेत