जय शाह यांनी सध्या बीसीसीआयचे सचिव आणि एसीसीचे अध्यक्ष म्हणून काम केले आहे.
विशेष प्रतिनिधी
नवी दिल्ली : आंतरराष्ट्रीय क्रिकेट परिषदेची (ICC) मंगळवारी बैठक झाली ज्यामध्ये अनेक महत्त्वाचे निर्णय घेण्यात आले. आयसीसीचे विद्यमान अध्यक्ष ग्रेग बार्कले ( Greg Barclay ) यांचा कार्यकाळ ३० नोव्हेंबर रोजी संपत आहे आणि त्यांनी तिसऱ्या टर्मच्या शर्यतीपासून स्वतःला दूर केले आहे. मात्र, बार्कले आणखी काही महिने त्यांच्या पदावर राहणार आहेत.
या वृत्तानंतर भारतीय क्रिकेट नियामक मंडळाचे (बीसीसीआय) सचिव जय शाह यांच्या भवितव्याबाबत चर्चांना जोर आला आहे. तथापि, शाह या पदासाठी आपला दावा मांडतील की नाही हे २७ ऑगस्ट रोजी स्पष्ट होईल, कारण आयसीसी अध्यक्षपदासाठी अर्ज भरण्याची ही शेवटची तारीख आहे.
आयसीसी अध्यक्षपदासाठी नामांकन प्रक्रिया अत्यंत महत्त्वाची असणार आहे, कारण क्रिकेट जगतातील सर्वात महत्त्वाचे निर्णय घेणारे हे पद आहे. या पदासाठी भारताच्या जय शाह यांचेही नाव पुढे येत आहे. जय शाह यांनी सध्या बीसीसीआयचे सचिव आणि एसीसीचे अध्यक्ष म्हणून काम केले आहे. नवीन अध्यक्षांचा कार्यकाळ १ डिसेंबर २०२४ पासून सुरू होणार असून तो तीन वर्षांचा असेल.
जय शाह ऑक्टोबर २०१९ मध्ये भारतीय क्रिकेट नियामक मंडळाचे (BCCI) सचिव झाले. त्यांच्या कार्यकाळाला सहा वर्षे पूर्ण होत आहेत. आयसीसी अध्यक्षपदाच्या शर्यतीत जय शाह आघाडीवर आहेत. ICC मध्ये सेवा दिल्यानंतर शाह पुन्हा BCCI मध्ये परत येऊ शकतात. याशिवाय आज झालेल्या आयसीसीच्या बैठकीत मोठा निर्णय घेण्यात आला आहे. वास्तविक, बांगलादेशमध्ये होणारा महिला टी-20 विश्वचषक आता यूएईमध्ये हलवण्यात आला आहे. बांगलादेशमध्ये नुकत्याच झालेल्या हिंसक आंदोलनांच्या पार्श्वभूमीवर आयसीसीने हा निर्णय घेतला आहे.
Jai Shah may be the new ICC president
महत्वाच्या बातम्या
- Eknath Shinde : मुलींवर अत्याचाराची घटना घडल्यास प्रसंगी संस्थाचालकांवर कारवाई करणार ; मुख्यमंत्री एकनाथ शिंदे यांचा इशारा
- ‘कोलकाता बलात्कार पीडितेचा फोटो आणि ओळख सोशल मीडियावरून ताबडतोब हटवा’
- Ajmer gang rape case : अजमेर सामूहिक बलात्कार प्रकरणातील सर्व सहा दोषींना जन्मठेप!
- Assam : भारतात घुसखोरी करणाऱ्या तीन बांगलादेशींना आसाम पोलिसांनी पकडले