वृत्तसंस्था
गाझा : बुधवारी इस्रायलने ( Israel ) गाझामधील अल-जौनी शाळा आणि दोन घरांवर हल्ला केला. यात 34 जणांचा मृत्यू झाला असून अनेक जण जखमी झाले आहेत. एपी वृत्तसंस्थेनुसार, यामध्ये 19 महिला आणि 6 मुलांचाही समावेश आहे.
अहवालानुसार, ही शाळा नुसिरत निर्वासित शिबिरातील युनायटेड नेशन्स डिझास्टर रिस्पॉन्स एजन्सी (UNRWA) ची होती ज्यामध्ये पॅलेस्टिनी निर्वासित राहत होते. यामध्ये UNRWA च्या सहा कर्मचाऱ्यांचाही मृत्यू झाला आहे.
संयुक्त राष्ट्राचे सरचिटणीस अँटोनियो गुटेरेस म्हणाले की, निर्वासित राहत असलेल्या शाळेला लक्ष्य करण्यात आले. हे कोणत्याही प्रकारे खपवून घेतले जाणार नाही.
गुटेरेस म्हणाले की या शाळेत 12 हजारांहून अधिक निर्वासित आहेत, ज्यात बहुतेक मुले आणि महिला आहेत. त्यावर हल्ले करून आंतरराष्ट्रीय कायद्याचे उल्लंघन केले जात आहे, ते आता थांबवण्याची गरज आहे.
शाळेवर आतापर्यंत 5 वेळा हल्ले झाले आहेत, ही वेळ सर्वात प्राणघातक
युएनआरडब्ल्यूएने सोशल मीडियावर सांगितले की, युद्धाच्या सुरुवातीपासून या शाळेवर 5 वेळा हल्ले झाले आहेत परंतु यावेळी सर्वाधिक जीवितहानी झाली आहे. यापूर्वी संस्थेने म्हटले होते की, इस्रायली लष्कराचे शाळेबाबत काही गैरसमज होते, जे आता संपले आहेत.
इस्रायली सैन्याने संयुक्त राष्ट्र संघटनेच्या दाव्यावर भाष्य केलेले नाही. तथापि, हल्ल्यानंतर लगेचच, इस्रायली संरक्षण दलाने (आयडीएफ) सांगितले की ते हमासच्या दहशतवाद्यांना लक्ष्य करत होते जे शाळेच्या आतून हल्ल्याची योजना आखत होते. ते येथे लपून बसल्याची माहिती मिळाली होती.
अल जझीराच्या वृत्तानुसार, हल्ल्यातून बचावलेल्या एका व्यक्तीने सांगितले की, लोक जेवणाची वाट पाहत असताना ही घटना घडली. मग अचानक एक हल्ला झाला ज्यात अनेक लोक मारले गेले.
Israel Airstrike on Gaza School, Kills 34; The dead included 6 UN staff
महत्वाच्या बातम्या
- Jayant Patil : अजितदादांना त्यांच्याच राष्ट्रवादीचे बारामतीतून “परस्पर” तिकीट; जयंत पाटलांची “करामत”!!
- Sitaram Yechury : CPI(M) सरचिटणीस सीताराम येचुरी यांची प्रकृती चिंताजनक!
- Naib Saini : हरियाणात मुख्यमंत्री नायब सैनी यांनी लाडवा येथून दाखल केला उमेदवारी अर्ज
- Hardeep Singh Puri : शीखांबाबतच्या वक्तव्यावरून भाजप राहुल गांधींविरोधात गुन्हा दाखल करणार!