मणिपूरमधील इंटरनेट बंदी अशंत: उठवली, ब्रॉडबँड सेवा पूर्ववत; मोबाईल इंटरनेटवरील बंदी मात्र तूर्तास कायम!

राज्यातील हिंसाचारामुळे दोन महिन्यांहून अधिक काळ इंटरनेट बंद करण्यात आले होते.

विशेष प्रतिनिधी

इंफाळ : मणिपूर सरकारने ब्रॉडबँड सेवेला परवानगी देऊन इंटरनेटवरील निर्बंध अंशत: उठवले आहेत. परंतु मोबाइल इंटरनेटवरील निर्बंध कायम ठेवले आहेत. मणिपूर सरकारने ब्रॉडबँड सेवेला सशर्त परवानगी दिली  आहे. Internet ban lifted in Manipur broadband service restored The ban on mobile internet remains for now

आज दिलेल्या आदेशात राज्य सरकारने म्हटले आहे की, इंटरनेटवरील बंदी लोकांच्या समस्या लक्षात घेऊन अंशतः उठवली जात आहे. कारण त्याचा परिणाम कार्यालये, शैक्षणिक संस्था, आरोग्य सुविधा, स्वयंपाकाचा गॅस बुकिंग आणि इतर ऑनलाइन-आधारित नागरिक-केंद्रित सेवांवर झाला आहे.

सरकारने आदेशात असेही म्हटले आहे की, ज्यांच्याकडे स्टॅटिक आयपी कनेक्शन आहे तेच मर्यादित पद्धतीने इंटरनेटचा वापर करू शकतात. त्याचबरोबर राज्यात मोबाईल इंटरनेटवरील बंदी कायम राहणार आहे. राज्यातील मैतेई आणि कुकी समुदायांमधील जातीय संघर्षानंतर दोन महिन्यांहून अधिक काळ इंटरनेट बंद करण्यात आले होते. 3 मे पासून मणिपूरमध्ये हिंसाचारामुळे 160 हून अधिक लोकांचा मृत्यू झाला आहे.

Internet ban lifted in Manipur broadband service restored The ban on mobile internet remains for now

महत्वाच्या बातम्या 

• आप नेते सत्येंद्र जैन यांना अंतरिम जामीन मंजूर, मनी लाँड्रिंगचे गंभीर आरोप
• गडकरी म्हणाले- मतदार हा हुशार आहे, लोभी नाही; घरोघरी मटण वाटले, तरीही आम्ही निवडणूक हरलो
• मणिपूरवर चर्चा न झाल्याने जया बच्चन संतापल्या, नेत्यांनी चर्चा न करणे लाजिरवाणे असल्याची टीका
• पोस्टरवरच्या मुख्यमंत्र्यांच्या पंखांना छाट; हा तर खरा थोरल्यांनाच भाजप श्रेष्ठींनी लावलेला चाप!! घेतला भाजप कार्यकर्त्यांचा क्लास!!