विशेष प्रतिनिधी
मुंबई : देशातील सर्वात लांब सागरी सेतू असलेल्या शिवडी-न्हावाशेवा सागरी सेतूवर वाहनांसाठी मार्गदर्शक तत्त्वे जारी करण्यात आली आहेत. या पुलाला अटल सेतू असे नाव देण्यात आले आहे. त्याचे उद्घाटन करण्यासाठी पंतप्रधान मोदी आज (12 जानेवारी) मुंबईत येणार आहेत. या कार्यक्रमात महाराष्ट्राचे मुख्यमंत्री एकनाथ शिंदेदेखील सहभागी होणार आहेत.India’s Longest Shivdi-Nhavasheva Sea Bridge Inaugurated by PM Modi Today, Maximum Speed of 4 Wheelers 100 KMPH
मुंबई पोलिसांनी बुधवारी सांगितले की, चारचाकी, मिनी बस आणि टू-एक्सल वाहनांचा कमाल वेग ताशी 100 किलोमीटर निश्चित करण्यात आला आहे. पुलावर चढण्याचा आणि उतरण्याचा वेग ताशी 40 किलोमीटरपेक्षा जास्त असणार नाही. त्याचबरोबर मोटारसायकल, मोपेड, तीनचाकी वाहने, ऑटो आणि ट्रॅक्टर यांना या पुलावरून प्रवेश दिला जाणार नाही.
मुंबईच्या दिशेने जाणाऱ्या ईस्टर्न फ्रीवेवर ट्रक, बस आणि अवजड वाहनांना प्रवेश दिला जाणार नाही, असे मुंबई पोलिस अधिकाऱ्याने सांगितले. या वाहनांना मुंबईत प्रवेश करण्यासाठी मुंबई बंदर-शिवडी एक्झिट (एक्झिट 1 सी) चा वापर करावा लागेल.
अटल सेतूची वैशिष्ट्ये…
- अटल सेतू हा 6 लेन सी लिंक आहे. म्हणजेच वाहने दोन्ही बाजूने 3 लेनमध्ये फिरू शकतील. प्रत्येक मार्गावर 1 आपत्कालीन लेन देखील आहे.
- पुलाची एकूण लांबी 21.8 किलोमीटर आहे. हा पूल समुद्रावर 16.5 किमी आणि किनाऱ्याजवळ जमिनीवर 5.5 किमी बांधला आहे.
- या पुलावरून मुंबई ते नवी मुंबई हे अंतर अवघ्या 20 मिनिटांत कापता येणार आहे. सध्या 2 तास लागतात.
- या पुलाची एकूण किंमत 17 हजार 843 कोटी रुपये आहे.
- हा पूल बांधण्यासाठी सुमारे 2 मेट्रिक टन स्टील आणि 5 लाख मेट्रिक टन सिमेंट वापरण्यात आले.
- पुलावरून दररोज 70 हजार वाहने ये-जा करू शकतात.
- पुलावर 400 सीसीटीव्ही कॅमेरे बसवण्यात आले आहेत.
- पक्ष्यांच्या सुरक्षेसाठी पुलावर साउंड बॅरिअर्सही लावण्यात आले आहेत.
- पुलावर अत्याधुनिक प्रकाश व्यवस्था करण्यात आली आहे. यामुळे केवळ पुलावरच दिवे केंद्रित होतील. त्यामुळे सागरी प्राण्यांचे कोणतेही नुकसान होणार नाही.
India’s Longest Shivdi-Nhavasheva Sea Bridge Inaugurated by PM Modi Today, Maximum Speed of 4 Wheelers 100 KMPH
महत्वाच्या बातम्या
- विधानसभा अध्यक्षांचा कौल शिंदेंच्या पारड्यात; अजितदादांच्या मुख्यमंत्री पदाची चर्चा विरली हवेत!!
- उपराष्ट्रपतींना अयोध्येचे निमंत्रण; आधी वेळ कळवून परिवारासह घेणार श्री रामलल्लांचे दर्शन!!
- या वर्षी दहा पैकी नऊ सूक्ष्म, लघु आणि मध्यम उद्योग नफ्यात राहण्याची चिन्हं!
- ग्रीस समलिंगी विवाह, दत्तक प्रक्रियेस कायदेशीर मान्यता देणार!