एवढी रोकड सापडली की पैसे मोजण्याच्या मशीनही बंद पडल्या
विशेष प्रतिनिधी
नवी दिल्ली : आयकर विभागाने ओडिशा आणि झारखंडमधील बौद्ध डिस्टिलरीज प्रायव्हेट लिमिटेडवर छापा टाकला आणि कंपनीच्या आवारातून मोठ्या प्रमाणात चलनी नोटा जप्त केल्या. Income Tax Department raids Buddh Distilleries Pvt Ltd in Odisha and Jharkhand
अधिकाऱ्यांनी दिलेल्या माहितीनुसार, ओडिशातील बोलंगीर आणि संबलपूर आणि झारखंडमधील रांची, लोहरदगा येथे शोध सुरू आहे. प्राप्तिकर विभागाच्या सूत्रांनी दिलेल्या माहितीनुसार, कालपर्यंत 50 कोटी रुपयांच्या नोटांची मोजणी पूर्ण झाली आहे, मात्र नोटांची संख्या एवढी जास्त आहे की मशिन्सने काम करणे बंद केले आहे.
बौध डिस्टिलरी प्रायव्हेट लिमिटेडवर करचुकवेगिरीचा संशय आहे, त्यानंतर आयकर विभागाच्या अधिकाऱ्यांनी संबंधित अनेक ठिकाणी छापे टाकले आहेत. आयकर विभागाची सहा पथके या परिसराची तपासणी करण्यात व्यस्त आहेत. आयटी टीमसोबत सीआयएसएफचे जवानही सामील आहेत.
बुधवारीच आयकर विभागाच्या पथकाने झारखंडमधील काँग्रेसचे राज्यसभा खासदार धीरज प्रसाद साहू यांच्या घरावर छापा टाकला होता. आयकरने रांची, लोहरदगा आणि ओडिशातील काँग्रेस खासदाराच्या पाचहून अधिक ठिकाणांवर छापे टाकले आहेत. धीरज साहू हे झारखंडमधील एका प्रमुख व्यावसायिक आणि राजकीय कुटुंबातून आलेले आहेत. काँग्रेसकडून ते दोन वेळा राज्यसभेवर निवडून गेले आहेत. त्यांचे वडिलोपार्जित निवास लोहरदगा येथे आहे, तर त्यांच्या कुटुंबाचा रांची येथील रेडियम रोड येथे बंगला आहे. प्राप्तिकर पथकांनी काल या दोन्ही ठिकाणांची झडती घेतली आहे.
Income Tax Department raids Buddh Distilleries Pvt Ltd in Odisha and Jharkhand
महत्वाच्या बातम्या
- काय सांगता! सूर्याला पडले 60 पृथ्वी मावतील एवढे छिद्र; वेगवान सौर वाऱ्यांमुळे रेडिओ कम्युनिकेशन ठप्प होण्याचा इशारा
- I.N.D.I.A ची बैठक खरगेंच्या घरी संपन्न; नितीश, स्टॅलिन आणि अखिलेश अनुपस्थित, ममता म्हणाल्या- 7 दिवसांपूर्वी सांगायला हवे होते
- मिचाँग चक्रीवादळामुळे चेन्नईत विध्वंस; 72 तास वीज गुल, इंटरनेट बंद; हवाई दलाच्या हेलिकॉप्टरने पोहोचवले अन्न
- अमित शहांनी लोकसभेत नेहरूंचे पत्रच वाचून दाखवले; म्हणाले- नेहरूंनीच शेख अब्दुल्लांना सांगितले होते, काश्मीरचा मुद्दा संयुक्त राष्ट्रात नेणे चूक होती