विशेष प्रतिनिधी
मुंबई – वाढत्या कोरोनाचे चटके केवळ सर्वसमान्यांच्याच खिशाला बसत नसून त्यातून अगदी अब्जाधीशही सुटत नाहीत. गेल्या चार दिवसांत शेअर बाजारात मोठ्या प्रमाणात पडझड सुरु असून त्याचा जबरदस्त फटका अब्जाधीश गौतम अदानींना बसला आहे. केवळ चार दिवसांत अदानी यांच्या मालकीच्या कंपन्यांचे शेअर जबरदस्त आपटले असून यामुळे अदानी यांना तब्बल ९२ हजार कोटींचा तोटा झाला आहे. यामुळे त्यांची संपत्ती ४.४८ लाख कोटींवर येवून पोहोचली आहे. In just four days, Adani was hit by Rs 92,000 crore
संपत्तीत १७ टक्के घट
गेल्या चार दिवसांत आदानी यांच्या संपत्तीत तब्बल १७ टक्के घट झाली आहे. यात सर्वांधिक तोटा अदानी पोर्ट या कंपनीला झाला आहे. या कंपन्यांचे शेअर तब्बल वीस टक्क्यांनी घटले आहेत. शेअर बाजारात अदानी यांच्या अदानी टोटल गॅस, अदानी ट्रान्समिशन, अदानी ग्रीन एनर्जी, अदानी पॉवर, अदानी एंटरप्रायेझस या अन्य कंपन्याही लिस्टेड म्हणजेच नोंदणीकृत आहेत. या सर्वच सहा कंपन्यांचे शेअर कमी अधिक प्रमाणात घसरले आहेत.
सात एप्रिलला या सहा कंपन्यांचे शेअर बाजारातील भागभांडवल तब्बल ५.४० लाख कोटी रुपये इतके होते. मात्र अवघ्या आठवडाभरात बाजार कोसळल्याने ते ४.४८ लाख कोटींवर आले आहे. सात एप्रिलला अदानींच्या सर्व कंपन्यांचे शेअर गेल्या ५२ आठवड्यांच्या सर्वोच्च पातळीवर पोहोचले होते. या कंपन्यांचे एकत्रित भागभांडवल तब्बल आठ लाख कोटींपेक्षाही जास्त झाले होते. मात्र कोरोनाच्या दुसऱ्या लाटेचा फटका अदानींच्य कंपन्यांना बसला आणि त्यांच्या शेअरचे भाव कोसळळे.
जगात सर्वाधिक संपत्ती निर्मिती
गेल्या पाच वर्षांत अदानी यांची शेअर बाजारात घोडदौड सुरु आहे. केवळ गेल्या चार वर्षांतच त्यांच्या कंपन्यांच्या मार्केट कॅपमध्ये जळपास ४९६ टक्क्यांनी वाढ झाली. त्यमुळे अदानी श्रीमंतीच्या शिड्या भराभर वेगाने पार करू लागले. संपत्ती निर्माण करण्याच्या बाबतीत त्यांनी गेल्या वर्षी अमेझॉनचे जेफ बेजोस तसेच टेस्लाचे एलन मस्क या जागतिक उद्योजकांनाही मागे सारले होते. २०२० मध्ये अदानींची संपत्ती १६ अब्ज डॉलर्सवरुन चक्क ५९.९ अब्ज डॉलर्स इतकी घसघशीत वाढली होती. त्यामुळे फोर्बसच्या यादीत त्यांनी १५५ व्या स्थानी झेप घेतली होती.
In just four days, Adani was hit by Rs 92,000 crore
विशेष बातम्या
- मुख्यमंत्र्यांकडून अखेर महाराष्ट्रात १५ दिवसांच्या १४४ कलम संचारबंदीची घोषणा, एकूण ५४०० कोटी रूपयांचे पॅकेजही जाहीर
- शाळा, कॉलेज, मंदिरे, मॉल, क्लासेस, जिम, सलून्स, ब्यूटी पार्लस, थिएटर, बागा, शूटिंग सगळे बंद; इ कॉमर्स सेवा सुरू; अन्नाच्या पार्सल सेवा सुरू
- महाराष्ट्रात ५४०० कोटींचे पॅकेज; नैसर्गिक आपत्तीचे निकष लावून लोकांना वैयक्तिक स्वरूपाची मदत देण्याची मुख्यमंत्र्याची पंतप्रधानांकडे मागणी
- वीजबिल, मालमत्ता कर, जीएसटी सवलती ठाकरे – पवार सरकारने जाहीर केल्या नाहीत ; – विरोधी पक्ष नेते श्री देवेंद्र फडणवीस यांची टीका
- अक्षयकुमार आणि सचिनने हॉस्पिटल बेड अडवून ठेवण्याची गरज नव्हती, त्यांनी घरीच उपचार घ्यायला हवे होते; अस्लम शेख यांची शेरेबाजी