चंदिगडमध्ये सुप्रीम कोर्टाने ‘आप’चा महापौर बनवला, पण आकड्यांच्या खेळात किती दिवस खुर्ची सुरक्षित राहणार?

विशेष प्रतिनिधी

चंदिगड : सुप्रीम कोर्टाने मंगळवारी चंदीगड महापौर निवडणुकीचे निकाल रद्द केले आणि आप-काँग्रेस आघाडीचे उमेदवार कुलदीप कुमार यांना शहराचे नवे महापौर म्हणून घोषित केले. 30 जानेवारी रोजी झालेल्या निवडणुकीत गंभीर त्रुटी आढळून आल्यानंतर निवडणूक रिटर्निंग अधिकारी अनिल मसिह यांच्यावर गैरवर्तणूक केल्याबद्दल खटला चालवण्याचे आदेशही न्यायालयाने दिले आहेत.

सर्वोच्च न्यायालयाच्या ऐतिहासिक निर्णयानंतर आम आदमी पक्षाचे उमेदवार कुलदीप कुमार विजयी झाले, पण आता प्रश्न असा पडतो की फ्लोअर टेस्टचा निकाल काय लागेल आणि नवनिर्वाचित महापौर कुलदीप कुमार फ्लोअर टेस्ट पास करू शकतील का? कारण, सर्वोच्च न्यायालयाच्या निर्णयानंतर आता भाजप चंदीगडच्या महापौर आणि उपमहापौरपदासाठी फ्लोअर टेस्टची मागणी करणार आहे.

चंदिगड महापालिकेत एकूण 36 मते

वास्तविक, चंदीगड महापालिकेत एकूण 36 मते आहेत. यामध्ये भाजपचे 14 नगरसेवक आहेत. सभागृहात अकाली दलाचा एक नगरसेवक आहे. याशिवाय चंदीगडच्या खासदारालाही या निवडणुकीत मतदानाचा अधिकार आहे. या खासदार भाजपच्या किरण खेर आहेत. आता भाजपच्या आकड्यांबद्दल बोलायचे झाले तर भाजपचे 14 नगरसेवक, एक खासदार आणि शिरोमणी अकाली दलाचा एक नगरसेवक अशी 16 मते आहेत. आम आदमी पक्षाच्या तीन नगरसेवकांनीही नुकताच भाजपमध्ये प्रवेश केला होता. अशा स्थितीत भाजपची एकूण संख्या आता 19 झाली आहे.

आप-काँग्रेस आघाडीचा काय आहे आकडा?

दुसरीकडे, आम आदमी पक्षाच्या तीन नगरसेवकांनी भाजपमध्ये प्रवेश केल्यानंतर पक्षाकडे केवळ 10 नगरसेवक उरले असून काँग्रेसचे सात नगरसेवक आहेत. या दोन्ही पक्षांच्या युतीकडे एकूण 17 मते आहेत. अशा स्थितीत भाजपने फ्लोअर टेस्ट घेतल्यास आणि या संख्येत कोणताही बदल न झाल्यास भाजपचे महापौर आणि उपमहापौर उमेदवार विजयी होण्याची शक्यता बळावली आहे. मात्र, भाजपमध्ये दाखल झालेले त्यांचे नगरसेवक परत येतील, असा आम आदमी पक्षाचा दावा आहे.

हा लोकशाहीचा विजय : कुलदीप कुमार

चंदीगड महानगरपालिकेचे विजेते आणि महापौर म्हणून घोषित झालेले आप नगरसेवक कुलदीप कुमार यांनी सर्वोच्च न्यायालयाच्या निर्णयाचे वर्णन लोकशाही आणि चंदीगडच्या रहिवाशांचा विजय असल्याचे सांगितले. ते म्हणाले की, चंदीगडच्या महापौर निवडणुकीत भाजपने कथितपणे हेराफेरी केली नसती तर ते आधीच महापौर झाले असते. न्यायालयावर आमचा नेहमीच पूर्ण विश्वास होता.

In Chandigarh, the Supreme Court made ‘AAP’ the mayor, but in the numbers game, how long will the chair be safe

महत्वाच्या बातम्या

• लाहोरमध्ये अंडरवर्ल्ड डॉनची भरदिवसा हत्या, लग्न समारंभात हल्लेखोराने केला गोळीबार
• नवाझ शरीफ यांच्यासोबत सरकार स्थापन करण्यास बिलावल यांचा नकार!
• “वायनाडला न जाता अमेठीतून लढून दाखवा…” स्मृती इराणींचे राहुल गांधींना खुले आव्हान
• ‘काँग्रेसने १५ पेक्षा जास्त जागा मागितल्या, तर उत्तर प्रदेशमध्ये…’ ; ‘सपा’चा अल्टिमेटम!