एनपीपीच्या दोन आमदारांनीही फिरवली पाठ
विशेष प्रतिनिधी
इटानगर : लोकसभा निवडणुकीसोबतच अरुणाचल प्रदेशमध्ये विधानसभा निवडणुकाही होणार आहेत. या निवडणुकीपूर्वी काँग्रेस पक्षाला मोठा धक्का बसला आहे. पक्षाच्या दोन आमदारांनी भाजपामध्ये प्रवेश केला आहे. यासोबतच एनपीपीचे दोन आमदारही भाजपमध्ये दाखल झाले आहेत. रविवारी या चार आमदारांनी मुख्यमंत्री पेमा खांडू यांच्या उपस्थितीत भारतीय जनता पक्षाचे सदस्यत्व स्वीकारले. In Arunachal Pradesh too Congress suffered a blow two MLAs joined BJP
विरोधी काँग्रेसचे आमदार निनॉन्ग एरिंग आणि वांगलिंग लोआंगडोंग आणि एनपीपीचे आमदार मुचू मिठी आणि गोकर बसर यांनी भाजपाच्या इटानगर कार्यालयात एका कार्यक्रमात प्रवेश केला. एनपीपी हा अरुणाचल प्रदेशातील सत्ताधारी भाजपचा मित्रपक्ष आहे. या सोहळ्याला मुख्यमंत्र्यांशिवाय आसामचे मंत्री आणि भाजपचे अरुणाचल प्रदेशचे निवडणूक प्रभारी अशोक सिंघल आणि प्रदेशाध्यक्ष बिउराम वाहगे हेही उपस्थित होते.
60 सदस्यीय अरुणाचल प्रदेश विधानसभेच्या निवडणुका एप्रिल किंवा मे मध्ये लोकसभा निवडणुकीसोबत होण्याची शक्यता आहे. त्याचवेळी, चार आमदारांनी पक्षात प्रवेश केल्यानंतर, राज्य विधानसभेतील एकूण 60 सदस्यांपैकी, भाजप आणि त्यांच्या मित्रपक्षांचे संख्याबळ 56 पर्यंत वाढले, तर काँग्रेसचे दोन कमी झाले. सभागृहात दोन अपक्ष सदस्यही आहेत.