cricket’s inclusion in 2028 Los Angeles Olympics : टोकियो ऑलिम्पिक 2020च्या प्रचंड यशानंतर आता सर्वांच्या नजरा आगामी ऑलिम्पिककडे लागल्या आहेत. दरम्यान, क्रिकेट चाहत्यांसाठीही एक मोठी आनंदाची बातमी समोर आली आहे. आंतरराष्ट्रीय क्रिकेट परिषदेने म्हटले आहे की, 2028 मध्ये होणाऱ्या लॉस एंजलिस ऑलिम्पिकमध्ये क्रिकेटचा समावेश करण्याचे त्यांच्याकडून प्रयत्न सुरू आहेत. ICC confirms it will bid for cricket’s inclusion in 2028 Los Angeles Olympics
विशेष प्रतिनिधी
नवी दिल्ली : टोकियो ऑलिम्पिक 2020च्या प्रचंड यशानंतर आता सर्वांच्या नजरा आगामी ऑलिम्पिककडे लागल्या आहेत. दरम्यान, क्रिकेट चाहत्यांसाठीही एक मोठी आनंदाची बातमी समोर आली आहे. आंतरराष्ट्रीय क्रिकेट परिषदेने म्हटले आहे की, 2028 मध्ये होणाऱ्या लॉस एंजलिस ऑलिम्पिकमध्ये क्रिकेटचा समावेश करण्याचे त्यांच्याकडून प्रयत्न सुरू आहेत.
आयसीसीने जारी केलेल्या निवेदनात म्हटले आहे की, एक कार्यकारी गट स्थापन करण्यात आला आहे, जो ऑलिम्पिक खेळांमध्ये क्रिकेटचा समावेश करण्याच्या प्रक्रियेसाठी जबाबदार असेल. ऑलिम्पिक 2028, 2032 आणि पुढील ऑलिम्पिकमध्ये क्रिकेटचा समावेश करण्याचा प्रयत्न केला जाईल.
ऑलिम्पिकमध्ये क्रिकेटचा समावेश करण्याची मागणी बऱ्याच काळापासून वाढत आहे, भारताच्या वतीने बीसीसीआयने असेही म्हटले आहे की, जर असे झाले तर भारत नक्कीच त्यात भाग घेईल. आता टोकियो ऑलिम्पिक 2020 संपल्यानंतर पॅरिस ऑलिम्पिकची तयारी सुरू झाली आहे, सर्वांच्या नजरा भविष्यातील स्पर्धांवर आहेत.
आयसीसीने म्हटले की, सुमारे 30 दशलक्ष क्रिकेट चाहते अमेरिकेत राहतात, त्यामुळे आम्ही तेथे 2028 मध्ये होणाऱ्या ऑलिम्पिकमध्ये क्रिकेटचा समावेश करण्याचा प्रयत्न करू. जर ऑलिम्पिकमध्ये क्रिकेटचा समावेश झाला तर ते खूप फायदेशीर ठरेल.
आतापर्यंत क्रिकेट ऑलिम्पिकमध्ये फक्त एकदाच समाविष्ट करण्यात आले होते, तेही फक्त दोन संघांनी त्यात भाग घेतला होता. आजच्या काळात, भारतीय खंडासह जगातील अनेक देशांमध्ये क्रिकेट खूप लोकप्रिय झाले आहे, त्यामुळे ते ऑलिम्पिकमध्ये समाविष्ट करण्याचे प्रयत्न सुरू आहेत.
ICC confirms it will bid for cricket’s inclusion in 2028 Los Angeles Olympics
महत्त्वाच्या बातम्या
- सुवर्णपदक विजेता नीरज चोप्रा म्हणाला – ऑलिम्पिकसाठी मेहनतीचे फळ मिळाले, पंतप्रधान स्वत : बोलले ही मोठी गोष्ट, सर्वांच्या सहकार्याने येथे पोहोचलो!
- राजकारण्यांना सर्वोच्च दणका : राजकीय पक्षांना उमेदवार घोषित केल्याच्या 48 तासांत गुन्ह्यांची माहिती सार्वजनिक करणे बंधनकारक!
- जंतरमंतरवर प्रक्षोभक वक्तव्याप्रकरणी भाजप नेते अश्विनी उपाध्याय यांच्यासह 6 जणांना अटक, अनेक तास चौकशी
- UNSC open debate; चीन-अमेरिका भिडले; दक्षिण चीन समुद्रात 13 दशलक्ष चौरस मैल प्रदेशावर चीनचा बेकायदा दावा; चीन exposed…!!
- भाजपकडून महाराष्ट्रातील प्रदेशाध्यक्ष बदलण्याच्या हालचाली? पाहा काय म्हणाले रावसाहेब दानवे!