काँग्रेस खासदार राहुल गांधी यांनी लोकसभेत अग्निवीर योजनेचा मुद्दा मांडला होता
विशेष प्रतिनिधी
हरियाणाच्या नायब सिंह सैनी सरकारने अग्निवीरबाबत मोठी घोषणा केली आहे. हरियाणामध्ये अग्निवीरांना सरकारी नोकऱ्यांमध्ये 10 टक्के आरक्षण मिळणार आहे. राज्याचे मुख्यमंत्री नायब सिंग सैनी म्हणाले की, अग्निवीरला आता पोलीस भरती आणि खाण मंडळ भरतीमध्ये 10 टक्के आरक्षण दिले जाईल. याशिवाय गट क आणि ड मध्येही वयोमर्यादेत तीन वर्षांची सूट देण्यात येणार आहे. याशिवाय स्वत:चा व्यवसाय सुरू करण्यासाठी गट क मध्ये 5 टक्के आरक्षण आणि 5 लाख रुपयांचे बिनव्याजी कर्जही दिले जाणार आहे.Haryana government to give 10 percent reservation to firemen in government jobs
अग्निवीर योजना बऱ्याच दिवसांपासून चर्चेचा विषय आहे. अगदी अलीकडे संसदेत अग्निपथ योजनेचा मुद्दा उपस्थित झाला होता. काँग्रेस खासदार राहुल गांधी यांनी लोकसभेत अग्निवीर योजनेचा मुद्दा मांडला होता. केंद्र सरकारच्या या योजनेचा दाखला देत ते म्हणाले होते की, केंद्र सरकार अग्निवीरला हुतात्मा दर्जा देत नाही. केंद्र सरकारवर हल्लाबोल करत त्यांनी अग्निवीर योजनेला वापरा आणि फेका असे म्हटले. तथापि, केंद्रीय संरक्षण मंत्री राजनाथ सिंह यांनी अग्निपथ लष्करी भरती योजनेबाबत राहुल गांधींचे दावे फेटाळले होते. १५८ संघटनांच्या सूचना घेऊन ही योजना सुरू करण्यात आल्याचे राजनाथ सिंह म्हणाले होते.
हरियाणाचे मुख्यमंत्री नायब सिंग सैनी म्हणाले की अग्निपथ योजना पंतप्रधान मोदींनी १४ जून २०२२ रोजी लागू केली आहे. या योजनेंतर्गत अग्निवीर भारतीय लष्करात ४ वर्षांसाठी तैनात असतात. सरकार हरियाणातील अग्निशमन दलातील हवालदार, खाण रक्षक, वनरक्षक, जेल वॉर्डन आणि SPO या पदांसाठी थेट भरतीमध्ये राज्य सरकारद्वारे 10 टक्के आरक्षण प्रदान करेल.
Haryana government to give 10 percent reservation to firemen in government jobs
महत्वाच्या बातम्या
- पूजा खेडकर यांनी पुणे जिल्हाधिकाऱ्यांवर केला छळाचा आरोप!
- शेकापचे जयंत पाटील आणि प्रकाश आंबेडकरांचे दावे म्हणायचे तरी कोणत्या कॅटेगिरीतले??
- आषाढी एकादशीनिमित्त पंढरपुरात शासकीय महापूजा; मुख्यमंत्र्यांचे पाऊस अन् शेतकरी सुखासाठी विठ्ठलाला साकडे
- ‘देशात पॅलेस्टाईनचे झेंडे फडकवले जातात, पण राहुल गांधी…’, गिरीराज सिंह यांचा हल्लाबोल