हर घर तिरंगा : ध्वज संहितेत मोठा बदल; घरोघरी रात्रंदिवस फडकू शकतो तिरंगा!!

प्रतिनिधी

नवी दिल्ली : पंतप्रधान नरेंद्र मोदी यांनी नागरिकांना “हर घर तिरंगा” मोहिमेला बळ देण्याचे आवाहन करत आपण सर्व स्वातंत्र्याचा अमृत महोत्सव साजरा करत या मोहिमेला पाठबळ देऊ या, असे म्हटले. तसेच या मोहिमेमुळे आपले राष्ट्रीय ध्वजाशी असलेले ऋणानुबंध अधिक दृढ होतील, असेही म्हटले. या पार्श्वभूमीवर केंद्र सरकारने देशाच्या ध्वज संहितेमध्ये बदल करण्याचा निर्णय घेतला आहे. यामुळे आता घरोघरी रात्रंदिवस तिरंगा फडकताना दिसणार आहे. संहितेतील या बदलानुसार, पॉलिस्टरपासून तयार करण्यात आलेल्या तसेच मशीनवर तयार करण्यात आलेल्या राष्ट्रध्वजाला देखील वंदन करता येणार आहे. Har Ghar Tricolor Major Change in Flag Code

---

पंतप्रधान नरेंद्र मोदी 14 जूनला महाराष्ट्र दौऱ्यावर : संत तुकाराम महाराज मंदिराच उद्घाटन, असे आहे वेळापत्रक

---

यंदा देशाच्या स्वातंत्र्याच्या अमृत महोत्सवाचे औचित्य साधत केंद्राने १३ ते १५ ऑगस्टदरम्यान, हर घर तिरंगा अशी मोहीम राबविण्याची घोषणा केली. त्यामुळे सरकार १३ ते १५ ऑगस्ट दरम्यान ‘हर घर तिरंगा’ (प्रत्येक घरात ध्वजारोहण) उपक्रम राबवण्यात येणार आहे. या पार्श्वभूमीवर ध्वज संहितेत करण्यात आलेला बदल महत्त्वाचा मानला जात आहे.  मिळालेल्या माहितीनुसार, केंद्रीय गृहसचिव अजय भल्ला यांनी सर्व मंत्रालये आणि विभागांना यासंदर्भात पत्र पाठवले आहे. या पत्रात असे म्हटले की, भारतीय राष्ट्रीय ध्वज फडकवणे आणि त्याचा वापर करणे हे भारतीय ध्वज संहिता २००२ आणि राष्ट्रीय सन्मानाचा अपमान प्रतिबंधक कायदा १९७१ द्वारे नियंत्रित आहे.

भारतीय ध्वज संहिता, २००२ मध्ये २० जुलै २०२२ च्या आदेशाद्वारे आणखी सुधारणा करण्यात आली आहे आणि भारतीय ध्वज संहिता २००२ च्या भाग-II च्या परिच्छेद २.२ च्या खंड (xi) नुसार आता ओळखले जाणार आहे. ध्वज आता रात्रंदिवस फडकवता येणार आहे. यापूर्वी ऋतू कोणताही असो, सूर्योदयापासून सूर्यास्तापर्यंत तिरंगा फडकवण्याची परवानगी होती. भारतीय ध्वज संहिता, २००२ च्या भाग-१ मधील परिच्छेद १.२ आता खालीलप्रमाणे असेल… राष्ट्रध्वज हाताने शिवलेला आणि हाताने विणलेला असावा किंवा कापूस/पॉलिएस्टर/रेशीम खादी बंटिंग यंत्राने बनवलेला असावा. पूर्वी मशीनने बनवलेले आणि पॉलिस्टरचे ध्वज वापरण्यास परवानगी नव्हती. आता ती परवानगी दिली आहे.

Har Ghar Tricolor Major Change in Flag Code

महत्वाच्या बातम्या 

• एका माणसासाठी उद्धव ठाकरेंनी अख्खी शिवसेना पणाला लावली, पण…; कृपाल तुमानेंचा टोला
• आदित्य ठाकरेंच्या शिवसंवादात वाद; संभाजीनगर दौऱ्यात कार्यकर्त्यांमध्ये बाचाबाची!!
• हर घर जल : बुरहानपूर ठरला देशातील पहिला जिल्हा, जिथे 100% घरांपर्यंत पोहोचले पाणी; PM मोदींनी केले अभिनंदन
• खरी शिवसेना कोणाची? निवडणूक आयोगाचा 8 ऑगस्टला फैसला अपेक्षित!!
• आदित्य ठाकरेंची शिवसंवाद यात्रा : शिवसैनिकांच्या प्रश्नाला उत्तर देण्यास मी बांधील, गद्दारांना नव्हे, युवा सेनेचे 280 कार्यकर्ते शिंदे सेनेत दाखल