President Ram Nath Kovind Profile : आज देशाचे राष्ट्रपती रामनाथ कोविंद यांचा वाढदिवस आहे. दलित समुदायातून आलेल्या रामनाथ कोविंद यांचा जन्म 1945 साली कानपूरच्या ग्रामीण भागातील परौख या छोट्या गावात झाला. रामनाथ कोविंद राष्ट्रपती होण्यापूर्वी बिहारचे राज्यपाल होते. सर्वात मोठी बाब म्हणजे रामनाथ कोविंद हे उत्तर प्रदेशातून आलेले पहिले राष्ट्रपती आहेत. राष्ट्रपती कोविंद यांच्या वाढदिवसानिमित्त त्यांच्या आयुष्यातील महत्त्वाच्या गोष्टींची येथे माहिती देत आहोत. Happy Birthday President Ram Nath Kovind Profile And His Political Journey
विशेष प्रतिनिधी
नवी दिल्ली : आज देशाचे राष्ट्रपती रामनाथ कोविंद यांचा वाढदिवस आहे. दलित समुदायातून आलेल्या रामनाथ कोविंद यांचा जन्म 1945 साली कानपूरच्या ग्रामीण भागातील परौख या छोट्या गावात झाला. रामनाथ कोविंद राष्ट्रपती होण्यापूर्वी बिहारचे राज्यपाल होते. सर्वात मोठी बाब म्हणजे रामनाथ कोविंद हे उत्तर प्रदेशातून आलेले पहिले राष्ट्रपती आहेत. राष्ट्रपती कोविंद यांच्या वाढदिवसानिमित्त त्यांच्या आयुष्यातील महत्त्वाच्या गोष्टींची येथे माहिती देत आहोत.
कोविंद भाजपचे राष्ट्रीय प्रवक्तेही होते
भाजप दलित मोर्चा आणि अखिल भारतीय कोळी समाजाचे अध्यक्ष असलेले कोविंद यांनी भाजपचे राष्ट्रीय प्रवक्ते म्हणूनही काम केले आहे. अटलबिहारी वाजपेयी आणि लालकृष्ण अडवाणी काळातील रामनाथ कोविंद हे उत्तर प्रदेशातील भाजपचा सर्वात मोठा दलित चेहरा मानले जात होते.
राजकीय प्रवास
रामनाथ कोविंद यांनी 1990 मध्ये भाजपमध्ये सामील होऊन लोकसभा निवडणूक लढवली. ते निवडणूक हरले, पण 1993 आणि 1999 मध्ये पक्षाने त्यांना राज्यसभेवर पाठवले. यादरम्यान, रामनाथ कोविंद हे भाजप अनुसूचित आघाडीचे राष्ट्रीय अध्यक्षही झाले. 2007 मध्ये रामनाथ बोगनीपूर विधानसभा मतदारसंघातून निवडणूक लढले, पण पुन्हा जिंकू शकले नाहीत. यानंतर, ते यूपी भाजप संघटनेत सक्रिय होऊन त्यांना राज्याचे सरचिटणीस बनवण्यात आले.
राज्यसभा सदस्य म्हणून कोविंद यांनी अनेक संसदीय समित्यांमध्ये महत्त्वाची पदे भूषवली. विशेषतः ते अनुसूचित जाती आणि जमाती कल्याण समिती, सामाजिक न्याय आणि सक्षमीकरण आणि विधी व न्यायसंबंधी संसदीय समितीचे सदस्य होते.
दिल्ली उच्च न्यायालय आणि सर्वोच्च न्यायालयात वकिली
एलएलबीचा अभ्यास केल्यानंतर रामनाथ कोविंद यांनी आयएएसची तयारी केली होती. त्यांनी नागरी सेवा परीक्षादेखील उत्तीर्ण केली, परंतु आयएएस संवर्ग नसल्यामुळे त्यांनी कायद्याची प्रॅक्टीस करण्याचा निर्णय घेतला. रामनाथ कोविंद यांनी दिल्ली उच्च न्यायालय आणि सर्वोच्च न्यायालयात वकिली केली. 1977 ते 1979 पर्यंत ते दिल्ली उच्च न्यायालयात केंद्र सरकारचे वकील होते. 1980 ते 1993 पर्यंत त्यांनी सर्वोच्च न्यायालयात वकिली केली.
नेहमी गरीब आणि दीनदुबळ्यांची मदत केली
वकील म्हणून कोविंद यांनी नेहमी गरीब आणि दीनदुबळ्यांना मदत केली. विशेषतः अनुसूचित जाती, अनुसूचित जमाती, महिला, गरजू आणि गरिबांना त्यांनी फ्री लीगल एड सोसायटीच्या बॅनरखाली मदत केली. ऑक्टोबर 2002 मध्ये कोविंद यांनी संयुक्त राष्ट्रांच्या महासभेला संबोधित केले होते.
रामनाथ कोविंद भीमराव आंबेडकर विद्यापीठ, लखनऊच्या व्यवस्थापन मंडळाचे सदस्य आणि इंडियन इन्स्टिट्यूट ऑफ मॅनेजमेंट, कोलकाताच्या बोर्ड ऑफ गव्हर्नर्सचे सदस्यही राहिले आहेत. कोविंद यांनी संयुक्त राष्ट्रात भारताचे प्रतिनिधित्वही केले आहे. ऑक्टोबर 2002 मध्ये त्यांनी संयुक्त राष्ट्रांच्या महासभेला संबोधित केले.
वेळोवेळी उत्तर प्रदेशला भेट देतात
साध्या आणि सरळ स्वभावाचे राष्ट्रपती कोविंद यांचे कानपूरशी जिव्हाळ्याचे नाते आहे. ते राष्ट्रपती असले तरी कानपूरशी त्यांचा सतत संबंध आहे. यामुळेच ते वेळोवेळी उत्तर प्रदेशला भेट देत आले आहेत. अलीकडेच ते ट्रेनने आपल्या गावी गेले होते.
Happy Birthday President Ram Nath Kovind Profile And His Political Journey
महत्त्वाच्या बातम्या
- आजपासून गॅस सिलिंडरचे दरामध्ये वाढ, नवीन ऑटो डेबिट पेमेंट सिस्टिम; १ ऑक्टोबरपासून लागू झाले हे ६ मोठे बदल
- अफझलखान वधाच्या पोस्टरवरून झालेल्या मिरज दंगलीचा खटला ठाकरे- पवार सरकारकडून मागे; १०६ जणांची न्यायालयाकडून निर्दोष मुक्तता
- Letter to PM CM : पत्रास कारण की, आमचे दात येत नाहीयेत; चिमुकल्यांना मुख्यमंत्री हेमंत बिस्व सरमा यांच भन्नाट उत्तर ; म्हणाले..
- शाळा सुरू करण्यापूर्वी लोकल प्रवासाचा प्रश्न सोडवा , शिक्षक परिषदेने मुख्यमंत्री उद्धव ठाकरे यांच्याकडे पत्राद्वारे केली मागणी
- Mumbai 26/11 Terror Attack : अर्णब गोस्वामीच्या डिबेट शोमध्ये-पाकिस्तानी दहशतवाद्यांनीच 26/11 हल्ला घडवून आणला- इम्रान खान यांच्या पक्षाची कबुली