मोदी सरकारकडून करण्यात आली घोषणा
विशेष प्रतिनिधी
नवी दिल्ली : राम मंदिराच्या उद्घाटनाची जोरदार तयारी सुरू असताना, केंद्रातील मोदी सरकारने गुरुवारी (18 जानेवारी) मोठी घोषणा केली. केंद्रीय राज्यमंत्री जितेंद्र सिंह यांनी सांगितले की, 22 जानेवारीला रामलल्लाच्या अभिषेक दिनी सरकारी कार्यालये अर्धा दिवस बंद राहतील. जनतेच्या तीव्र भावना लक्षात घेऊन हा निर्णय घेण्यात आल्याचे त्यांनी सांगितले.Half day for government offices on January 22 on the occasion of Pran Pratistha ceremony in Ayodhya
सरकारने आपल्या आदेशात म्हटले आहे की, अयोध्येतील रामलल्ला प्राणप्रतिष्ठा 22 जानेवारी 2024 रोजी संपूर्ण भारतात साजरी केली जाईल. शासकीय कर्मचार्‍यांना या उत्सवात सहभागी होता यावे यासाठी , 22 जानेवारी 2024 रोजी दुपारी 2:30 वाजेपर्यंत भारतातील सर्व केंद्र सरकारची कार्यालये, केंद्रीय संस्था आणि केंद्रीय औद्योगिक आस्थापने अर्धा दिवस बंद ठेवण्याचा निर्णय घेण्यात आला आहे.
तत्पूर्वी, पंतप्रधान नरेंद्र मोदी यांनी अयोध्येतील राम मंदिरावरील स्मरणार्थ टपाल तिकीट आणि जगभरातील प्रभू रामावर जारी केलेल्या टपाल तिकिटांचे पुस्तक प्रसिद्ध केले. यावेळी मोदी म्हणाले की, राम, सीता आणि रामायण यांची महानता काळ, समाज, जात, धर्म आणि प्रदेशाच्या सीमांच्या पलीकडे आहे. ते सर्वांना जोडतात.
कोणत्या राज्यांनी सुटी जाहीर केली आहे?
राम लल्लाच्या अभिषेक सोहळ्याच्या पार्श्वभूमीवर उत्तर प्रदेश, मध्य प्रदेश, गोवा, हरियाणा आणि छत्तीसगडमध्ये सार्वजनिक सुट्टी जाहीर करण्यात आली आहे.
Half day for government offices on January 22 on the occasion of Pran Pratistha ceremony in Ayodhya
महत्वाच्या बातम्या
- निवडणुकीपूर्वी हरियाणा काँग्रेसमध्ये पुन्हा फूट; हुड्डा आणि शैलजा यांची स्वतंत्र यात्रा
- दिल्ली मद्य धोरण प्रकरण: केजरीवाल चौथ्यांदा EDसमोर हजर होणार नाहीत!
- “पुरोगामीत्वा”च्या स्वलिखित नोंदी; रामविरोधाच्या “ऐतिहासिक चुकीची” कबुली!!
- 300 विमाने उड्डाणाच्या प्रतीक्षेत, दोन दिवसांत प्रवासी संख्या तब्बल 40 हजारांनी घटली!