• Download App
    गुज्जर नेते किरोरी सिंह बैंसला यांचे निधन|Gujjar leader Kirori Singh Bainsla dies

    गुज्जर नेते किरोरी सिंह बैंसला यांचे निधन

    विशेष प्रतिनिधी

    जयपूर : राजस्थानचे दिग्गज गुज्जर नेते किरोरी सिंह बैंसला यांचे बुधवारी (३० मार्च) रात्री निधन झाले. ते अनेक दिवसांपासून आजारी असून त्यांच्यावर रुग्णालयात उपचार सुरू असल्याचे सांगण्यात येत आहे. राजस्थानमध्ये बैंसला यांचा इतका दबदबा होता की त्यांच्या एका इशाऱ्यावर संपूर्ण राज्य ठप्प व्हायचे. २००७ मध्ये त्यांच्या नेतृत्वाखाली गुज्जरांनी राजस्थानमध्ये मोठे आंदोलन केले होते. Gujjar leader Kirori Singh Bainsla dies

    गुर्जर आरक्षण संघर्ष समितीचे प्रमुख असलेले बैंसला, किरोरी सिंह बैंसला हे राजस्थानमधील गुर्जर चळवळीचा एक मोठा चेहरा होता, हे नमूद करण्यासारखे आहे. मात्र, नंतर त्यांनी भाजपमध्ये प्रवेश केला. २००७मध्ये राजस्थानमध्ये गुज्जरांना आरक्षण मिळावे यासाठी त्यांच्या नेतृत्वाखाली मोठे आंदोलन झाले.



    याशिवाय बैंसला हे गुर्जर आरक्षण संघर्ष समितीचे प्रमुखही होते. जयपूर येथील रुग्णालयात मिळालेल्या माहितीनुसार, बैंसला हे अनेक दिवसांपासून आजारी होते. बुधवारी रात्री मणिपाल रुग्णालयात त्यांनी अखेरचा श्वास घेतला. त्यांना दोन वेळा कोरोनाची लागण झाली होती. याशिवाय गेल्या वर्षी नोव्हेंबरमध्ये त्यांना श्वास घेण्यास त्रास होत होता, त्यामुळे त्यांना जयपूरच्या सवाई मानसिंग रुग्णालयात दाखल करण्यात आले होते.

    सैनिक ते कर्नल असा प्रवास

    बैंसला यांचा जन्म राजस्थानमधील करौली जिल्ह्यातील मुंडिया गावात झाला. ते गुज्जर समाजाचे होते आणि त्यांनी शिक्षक म्हणून कारकिर्दीला सुरुवात केली. त्यांचे वडील सैन्यात होते, त्यामुळे तेही सैन्यात दाखल झाले आणि राजपुताना रायफल्सचे शिपाई झाले.

    १९६२च्या भारत-चीन युद्धात आणि १९६५ च्या भारत-पाकिस्तान युद्धात त्यांनी शौर्य दाखवले. बैंसला यांना त्यांच्या वरिष्ठांनी ‘द रॉक ऑफ जिब्राल्टर’ आणि कनिष्ठांनी’भारतीय रॅम्बो’ म्हणून संबोधले. सैनिक म्हणून सैन्यात प्रवास सुरू करणारे बैंसला कर्नल पदापर्यंत पोहोचले होते.

    Gujjar leader Kirori Singh Bainsla dies

    महत्त्वाच्या बातम्या

    Related posts

    National Herald Case : नॅशनल हेराल्ड केस- राऊस अव्हेन्यू कोर्टात पुन्हा सुनावणी; आरोपपत्रावर कोर्टाने ईडीकडून मागितले स्पष्टीकरण

    Putin : पुतीन या वर्षाच्या अखेरीस भारत दौऱ्यावर येणार; रशियाकडून तेल खरेदीमुळे ट्रम्प यांनी भारतावर टॅरिफ लादला

    Rahul Gandhi : यूपी निवडणूक आयोगाने राहुल गांधींचे दावे फेटाळले; कर्नाटक आयोगाने म्हटले- राहुल यांनी प्रतिज्ञापत्र द्यावे