विशेष प्रतिनिधी
चंद्रपूर : चंद्रपूर येथे तीनदिवसीय ताडोबा महोत्सवाचे आयोजन करण्यात आले होते. यानिमित्ताने चंद्रपुरात अनोखा गिनीज वर्ल्ड रेकॉर्ड करण्यात आला. 26 प्रकारच्या देशी वनस्पतींचा वापर करून आणि एकूण 65 हजार 734 वनस्पतींच्या मदतीने ‘भारतमाता’ लिहिण्यात आले. शहरातील रामबाग फॉरेस्ट कॉलनी मैदानावर या कार्यक्रमाचे आयोजन करण्यात आले होते.Guinness World Record in Chandrapur, 65 thousand saplings wrote ‘Bharatmata’ in Tadoba Festival
या कार्यक्रमाचे आयोजन महाराष्ट्र वनविभागाने केले होते. यावेळी गिनीज बुक ऑफ वर्ल्ड रेकॉर्डची टीम हजर होती. पथकाने रेकॉर्डबाबतचे संपूर्ण निष्कर्ष तपासल्यानंतर तो जागतिक विक्रम म्हणून घोषित करून त्याचे प्रमाणपत्र मंत्री सुधीर मुनगंटीवार यांच्याकडे सुपूर्द करण्यात आले.
पर्यटनाच्या माध्यमातून रोजगार निर्मितीसाठी प्रयत्न
ताडोबा-अंधारी व्याघ्र प्रकल्पाचा जागतिक स्तरावर प्रचार करण्यासाठी चंद्रपूर शहरातील चांदा क्लब मैदानावर 1 मार्चपासून ताडोबा महोत्सवाला सुरुवात झाली आहे. त्याद्वारे ताडोबा-अंधारी व्याघ्र प्रकल्पात पर्यटनाच्या माध्यमातून रोजगाराला चालना देण्याचा वनविभागाचा प्रयत्न आहे.
वनविभागाच्या भविष्यातील कार्याला प्रेरणा मिळेल
मुनगंटीवार म्हणाले की, ताडोबा हे पर्यावरण जागृतीचे आणि जागतिक विक्रमांचे केंद्र बनवण्याचा उपक्रम आहे. यातून वनविभागाच्या भविष्यातील कार्याला प्रेरणा मिळेल. पंतप्रधान नरेंद्र मोदी यांनी 2070 पर्यंत भारतासाठी शून्य कार्बन उत्सर्जनाचे लक्ष्य ठेवले आहे.
उद्दिष्ट: देशात आणि जगात पर्यावरण संरक्षणाला प्रोत्साहन देणे
या विश्वविक्रमाच्या माध्यमातून महाराष्ट्र वनविभाग देशात सर्वोत्तम कामगिरी करेल, असा विश्वास मुनगंटीवार यांनी व्यक्त केला. मुनगंटीवार म्हणाले की, हा विश्वविक्रम केवळ प्रमाणपत्र मिळविण्यासाठी नसून, देशात आणि जगात पर्यावरण रक्षणाचा प्रसार व्हावा, या उद्देशाने या कार्यक्रमाचे आयोजन करण्यात आले आहे.